لا أحد ينكر ان اللاعب المجتهد محمد جحفلي أخطأ

ولكن اتمنى ان نقف معه ليعود من جديد
فنحن بحاجته وإعادة الثقة له مرة اخرى

لكن منح الخصوم فرصة للانتقام من جحفلي
بعد الجحفلة او النيل من الزعيم
فلن تكون من خلالنا

نحن مع جحفلي
وتفداه البطوله

درء للمفاسد

يا رجل

محمد جحفلي كتم بلوف السومه امس

بس ذالغلط الي ارتكبه وجاء منه الهدف وتنفسوا به الحفايظ

اللاعب دفاع ماعليه كلام

الجحفلي .. لاعب ممتاز ولكن مشكلته انه متنرفز والمصيبة الثانية انه يفكر باعاقة الخصم قبل تخليص الكرة
وهذا الفرق بين الى يفكر بعقله والى يفعل قبل يفكر
وقضية قفل على السومة اعتقد لو ترجع المباراة وتشاهد الخيبري تعرف كيف ان السومة
صار يقشر بصل وراء اللاعبين

يازعماء لاتظلمون جحفلي والله قدم مباراه كبيره وكان صخره في الدفاع صح اخطا في كوره وكلن يخطي حتى الي يفوقونه بالخبره وحتى اسامه اخطا بتنفيذه لركلة الجزاء وضيعها هل نقول انه فاشل لابالعكس كلن يخطي بس المدافع الناجح هو الاقل اخطاء يعني يجي الحكم عليه بعد فتره اقل شي بعد الدور الاول نشوف اخطائه متكرره وكثيره اويتعلم ولاننسى انه اول مره يلعب مباراه رسميه في الجهه اليسرى وكم كنت اتمنى تثبيته في مركزه السابق ويلعب اسامه يسار لانه خبره ويقدر يتأقلم اكثر من جحفلي كن خيرها بغيرها ومعك ياجحفلي لكن شد حيلك وتعلم من اخطائك ولايغرك القله الي تحاول تنتقم منك .

كلاً يرى من زاوية .. وانا اشوف انه اذا ما استخدم مخه وعقله راح يكون
حبيس الدكة فترة طويلة اذا كان المدرب ينظر صح
لن نعيد او نع\د اخطائه لكن نقول يا جحفلي طور نفسك واترك النرفزة
ترى الكورة فن وذكاء

اليوم تغدينا مفطح على حساب إخوتنا النصراويين لأنه لا يوجد لدينا مشجعين اهلاويين...طبعا الموضوع ليس هنا سبب الذبيحة انهم يقولون جحفلي انتهى ويرون أن ناديهم سيعود إذا نجحت حملمتهم في إقصاء جحفلي

بصراحة
اللي ينتقدون جحفلي وشانين هجوم عليه
الفقراويه وحصلوا لهم امعات طاروا
في العجه معهم يقال انهم دراويش الزعماء
فلا تعطوهم بال واحقروهم دعوا قافلة الزعيم تسير
وادعموا الفريق وخاصه جحفلي
طوال تسعين دقيقه ماذا فعل.
والهفوه حصلت وتحصل مع افضل لاعبين العالم
بس بصراحة رغم الهزيمه
ياناس مبسوط شفت فريق من زمان ماشفته
طبعاً زمان اقصد قبل 20 سنه واكثر
قبل شلة دراويش ماتجي

كاتب تبينا نقف مع الجحفلي "بعد الجحفله" !

يعني ما درينا تبي توقف مع اللاعب ولا قاعد تحرض الناس عليه؟

اغبى من كذا ماشفت

جحفلي بطل ويستحق الدعم والوقوف جنبه .. عمالقة الدفاع في العالم جابو كوارث وقفت علي الصخرة جحفلي ؟؟؟ ناس غريبه .. الجحفلي ورب الكعبة من يسمعون اسمه جمهور حافز يقلبون قدر ضغط هههههههه
اشوف حسينوة انواع الدعم الاعلامي والدفاع المستميت عن اقذر لاعب اسلوبا في الملاعب ولا احد يقدر ينتقدة
ليش لانه من صغار عريجا وجمهور المسيارة مستميت في الدفاع عنه والحركه القذرة اللي سواها مع الانصاري لاعب الاتحاد وقبله السلحفاة الفريدي قدام الملك توطا اللاعب وكله طمطمو عليها الاعلام الاصيفر .. وحنا الضعيف جحفلي اخذا خطأ قومتو الدنيا عشانها ياشيييييخ

شكلكم تشوفون لاعب ثاني يالربع الترفيع الواجد ترى على روسكم ترفعون لواحد حتى الركض ما يعرف يركض رجوله تلاقط مع بعظ العام سبب قلق ونكب ام الفريق في اسيا بتخليصاته السامجه والسنه هذي السوبر ضيعه وهو لنا
ترفعون له بيضيع عليكم اكثر واكثر والله ما رفعه الا هدف النصر اللي ليته ما جابه
للمعلوميه هذا رايي فيه اقسم بالله من العام الماضي ولا استغربت نكبته الأخيره لأنه قنبله موقوته

موضوع رائع ويفدى جحفلي سوبر وسوبر وبصراحه
ان مستواه رائع وكل لاعب يخطي ولاتنسون افضاله
وانا عن نفسي وكمشجع هلالي اراه ابدع في المبارات
ومن نجومه وبحول الله مع اكتمال دفاعنا باالشهراني
والزوري رغم ابداع البريك والغازي يكونون سد منيع
والجحفلي كان تذكرون او اذكركم كأس ولي العهد
انهى وجود السومه وحتى باالسوبر وربي ابدع
وتكفووون لاتفرحون المندسين اللي مطيرينكم
باالعجه مهما كان يبقى جحفلي لاعب متطور
وبحول الله مايخيب رجانا فيه وراح اذكركم
لانه بطل وكل مواصفات المدافع فيه ارتقاء
وفدائيه وتخليص وراح يطور من مستواه
ويستفيد من اخطائه الله يوفقه ويخليه لهلالنا
الغالي وانا من المعجبين والمراهنيييين بحول الله
على نجاحه ويسلم لنا قاهرهم

جحفلي نكبة في الدفاع بصراحة ما يعتمد عليه دائماً مرتبك ويرتكب هفوات قاتلة
في أوقات الفريق يكون محتاج فيها كامل تركيزه !!
نحتاج مدافع أفضل .. ما نجامل لاعب على مصلحة الهلال ..
مصلحة الهلال أكبر من أي لاعب مهما كان هذا اللاعب !!

رأي شخصي عبد الله الحافظ لو يعطى الفرصة مكانه أو الزوري كقلب دفاع
أفضل بكثير وجحفلي بديل جيد لكن أساسي وفي الهلال !!
حرام والله حرام حرق أعصابنا ب مستواه في مركز حساس بالفريق ..
ما ألومه هذه إمكانياته ألوم الجهاز الفني و الإداري على مجاملته !!