إقتباس الرسالة الأصلية كتبت بواسطة فصاد ان صحّت هذه الأخبار فذلك يعني أن الفرج مادي بحت ، وليس لديه أي ذرة حب للكيان ، وألا فكيف ب6 ملايين للموسم ويرفض !! أين هو عن ياسر والشهراني وهما القادمان من خارج النادي، أين هو حتى من نواف العابد !! أن صدقت الأخبار أنه يطالب ب 9 ملايين ، فهو للأسف ( مبتز ) ميسي زمانه. خذوه مني اللاعب أذا لعب لأجل المال فقط ، فأنه لن يعطي بقدر من يقبض ويحب. وأنا في داخلي لا استبعد أن تكون هذه الأخبار صحيحة. استنبطت ذلك من طريقة لعبه الاستهتاريه ، وحقيقة لم اشعر منه الحماس والقتالية الا في اهدائه الفاولات للخصوم، وجلب الكروت المجانية له ولفريقه. اعقل ياسلمان ترى الطمع شين

ياخوي انت على نياتك وطيب وينك و وين زمن الولاء اللاعب الحين يعيش بزمن الاحتراف مسئول عن نفسه واهله وابنائه هو المسئول عن معيشتهم ومن حقه يأمن لهم مستقبلهم مع احترامي لك انت غلطة بحق سلمان الفرج واتهمته بالابتزاز وهذا ماهو صحيح ياخوي انا وانت واي شخص من حقه يبحث عن مرتب عالي انت تدري ان فيه لاعبين يشجعون الهلال يلعبون بالنصر ولاعبين يشجعون النصر يلعبون بالهلال بس هنا تعتمد على عقلية اللاعب إذ يحترم وظيفته او لا

إقتباس الرسالة الأصلية كتبت بواسطة مارد الهلال الازرق اتحدى اذا فيه نادي الان في ظل الظروف الماديه الراهته بيوقع مع الفرج باكثر من 3 مليون

هههههههه لاتتحدى اعضاء الشرف بالانديه جاهزين لجلب لاعب يعجبهم انت تدري ان بعض الاعبين مايفرضهم ويتعاقد معهم إلا عضو الشرف تبوني اجيبلكم هاللاعب واتحمل عقده ورواتبه ابشرو تبون غيره والله ماني دافع ولا ريال لاتستغرب لو بكره يجي لسلمان عرض بـ13 مليون بالسنه لنادي عليه ديون 200 مليون

ما انا متأكد منه أن اي لاعب يحتاجه الهلال ويملك الموهبه فسيجدد معه بمبلغ معقول جدا وايضا لا أتوقع أن يكون عقد الفرج أو غيره بمبلغ كبير سواء للتجديد أو التعاقد
مبلغ 6 مليون كبير جدا وهو رقم من صحف (صفرا) لمحاولة خلق مشكلة على امل التاثير على (الجمهور) واللاعب
أما الأندية حاليا فجميعها تحاول تخفيض العقود الموقعه وليس الجديدة . قد يفاوض أحد أعضاء الشرف لاعبا ولكن بالنهاية النادي سيدفع معظم عقده لذلك الكثير سيفكر كثيرا قبل التجديد بمبلغ كبير . وشكرا

إقتباس الرسالة الأصلية كتبت بواسطة عبدالعزيز الثنيان منهو ( المولد ) اللي بيجدد معاه الأهلي ...؟؟

سعيد المولد
قد لايكون تجديد وانما تعاقد ومع ذلك هم في شد وجذب مع الاتحاد

حتى هذه اللحظة جميع خطوات ادارة الامير نواف

موفقة باذن الله

سلمان الفرج : لا يختلف عن العابد وسالم ( مزاجي غير مفيد للفريق تحت الضغط )
في جميع الدول تقاس قيمة اللاعب فنيا بالارقام والاحصائيات
ماهي الارقام الاحصائية التي تجعل سلمان يطالب رفع قيمة العقد !!!!

هناك ضفط الوكيل على اللاعب من اجل الحصول على مبلغ اكبر لتكبر فائدته
ولكن يجب ان يكون فكر اللاعب اوسع من مجرد عقد
اسم النادي ومكانته ومشاركاته تجلب له الكثير من الاموال والشهرة
اضافة الى اهمال او تاخير الكثير من الاندية تسليم حقوق لاعبيها

لذلك ليذهب سلمان طمعا للكثير من الوعود
تاركا ارثا حقيقيا في الهلال

6 مليون كثيرة عليه ولا يستحقها
مستواه بـ نازل
ومركزه اللي يلعب فيه حاليا
يوجد به تخمه لاعبين
محققين ارقام
افضل منه
الله يسهل عليه
خلوه يتوكل

مختصر الكلام أي الزبدة على ما يقولون
اللاعب اللي يساهم بهذي الطريقة اعرضه على طول للبيع اهم شيء استفاد منه ماديا
الكبار وقعوا للهلال على بياض وأخذوا اكثر مم يتوقعون تقديرا لإخلاصهم خير مثال ياسر القحطاني
9 ملايين تودى فيها كم لاعب من الأولمبي والناشئين الى أي بلد في العالم دورات في مثل هذى الأوقات يستفاد منهم النادي
هل نسيتم مقالة الزعيم فوق كل شيء

عصر الاحتراف يعني كل طرف يدور مصلحته !! بالنسبة للهلال لازم يشوف مصلحته ،،، الواضح أن الأجانب والخيبري اساسيه في وسط الهلال الجديد
بعدها نشوف سلمان الفرج ،، هل هو أساسي علشان يتشرط على الهلال أو أنه احتياط ؟ إذا كان أساسي ومركزه حساس وكان لاعب شايل الفريق وعامل فرق ممكن ندرس الزيادة !! لكن إذا كان احتياطي وممكن نلقى محلي ثاني يقوم بنفس الدور أو أنه فيه أجنبي مكانه فهذا الوقت نفاوضه على 3 مليون فقط وأي نادي يأخذه ب 9 مليون بالسنه يعني هزازي ثاني ويعني ميزانية مضروبة تنسف فريقه والأهم من هذا كله انه وسط الهلال اقوى بمراحل من الوسط اللي فيه سلمان الفرج لأنه اغلب وسط الهلال أجانب + الخيبري

ياخي سلمان الفرج من شفت له مقاطع مع لعيبة النصر وانا غاسل يدي من ذا الاعب
ودك يروح هو شكله يبي النصر ويجيه ماجاء الفريدي بعدها يقول برجع الهلال

خلوه يروح فيه من هو افضل منه من الاولمبي لكن يبون فرصه ويطلعون احسن من الفرج وغيره

إقتباس الرسالة الأصلية كتبت بواسطة ثائرالهميجان ما انا متأكد منه أن اي لاعب يحتاجه الهلال ويملك الموهبه فسيجدد معه بمبلغ معقول جدا وايضا لا أتوقع أن يكون عقد الفرج أو غيره بمبلغ كبير سواء للتجديد أو التعاقد مبلغ 6 مليون كبير جدا وهو رقم من صحف (صفرا) لمحاولة خلق مشكلة على امل التاثير على (الجمهور) واللاعب أما الأندية حاليا فجميعها تحاول تخفيض العقود الموقعه وليس الجديدة . قد يفاوض أحد أعضاء الشرف لاعبا ولكن بالنهاية النادي سيدفع معظم عقده لذلك الكثير سيفكر كثيرا قبل التجديد بمبلغ كبير . وشكرا

أحترم رأيك يا أخ ثائر ..
ولكن المعطيات اللي أمامنا تشير إن فيه مشكلة بين اللاعب والنادي
وإلى الآن فيه محاولات لتقريب وجهات النظر .. ماهي معقوله إن الإدارة
الهلالية تترك الفرج حتى يدخل فترة الستة أشهر علشان تبدأ تفاوضه !!
أكيد أنها بدت بالفعل بالتفاوض مع اللاعب ولكن لم يحدث إتفاق بالنواحي
المالية ..
أما من ناحية إن اللاعب يحتاجه الهلال فأبصم لك بالعشرة إن اللاعب مهم جداً
في الهلال وغيره والهلال يحتاج اللاعب .. والفرج موهوب جداً ولا يجب أن ننتقص من
اللاعب لمجرد أنه لم يقدم موسم جيد العام الماضي ،،!
ماذا قدم سالم الدوسري والعابد للهلال بالموسم الماضي ؟؟
هل سنطالب الإدارة بعدم التوقيع معهم لمجرد هبوط مستوياتهم !!
الموسم الماضي لم يقدم أي لاعب هلالي مستويات جيده بإستثناء الشهراني
و إدواردو ( في بعض المباريات ) .. أما البقية فلم يقدموا أي شيئ يذكر فهل
سنطالب بسلخ الفريق بالكامل ..؟؟

تقديري لك

إقتباس الرسالة الأصلية كتبت بواسطة الهلالي نادر ياخي سلمان الفرج من شفت له مقاطع مع لعيبة النصر وانا غاسل يدي من ذا الاعب ودك يروح هو شكله يبي النصر ويجيه ماجاء الفريدي بعدها يقول برجع الهلال خلوه يروح فيه من هو افضل منه من الاولمبي لكن يبون فرصه ويطلعون احسن من الفرج وغيره

شي طبيعي إن أي لاعب هلالي ممكن يكون له أصدقاء من أندية منافسه
وهذي حياته الخاصة وهو حر فيها .. لايوجد في عقده بند يمنعه من أن يكون
صداقات مع لاعبي الأندية الأخرى ..

مع كل الإحترام لك بس كلامك غير منطقي ..

إقتباس الرسالة الأصلية كتبت بواسطة زعيم القنص على ايش يطلب تسعة مليون دولار ياحظي !!! وين احنا فيه !!! هل قدم في خلال السنوات الخمس الماضية بطولة الدوري في خلال الخمس سنوات الي مضت الجواب لا أعطي الفرصة اساسي في جميع بطولات اسيا في خلال الخمس سنوات الماضية هل حقق لنا كأس آسيا الجواب لا في خلال الخمس سنوات الي مضت واعطيناه الملايين هل حقق لنا كاس الملك في خلال الخمس سنوات الماضية باسثناء فزعة جحفلي لنا في المباراة الي ما احد ينساها الجواب لا يعني الفرج اعطيناه الفرصة لمدة خمس سنوات واعطيناه الملايين ولا اعطانا بطولة دوري او اسيا او كأس الملك (باستثناء فزعة جحفلي لنا) ماذا قدم الفرج لنا عشان يورطنا بتسعة مليون والله لو ياسر الشهراني يستحق لايوجد من ينافسة على مركزه اما الفرج فمليون لاعب ولاعب قادر على اجلاس الفرج بالدكة الفرج وعزوز والعابد وسالم هذا الرباعي مافي فرق كلهم مستوياتهم في الهواء سوا اجل احنا متورطين بعقد عزوز الي ياخذ سبعة مليون نتورط كمان بلاعب من الرباعي الي هو نقطة ضعف الهلال الفرج بتسعة مليون الفرج لن يكون افضل من اسامة هوساوي الي خرج من الهلال ولن يكون افضل من الفريدي الي خرج من الهلال لاكنترول مزبوط لا افتكاك كرة يراوغ في اماكن غير مناسبة للمراوغة نقطة ضعف واضحة لجميع الفرق الفرج نتمنى اعطاءه الحد الأعلى اثنين مليون واربع مئة الف في الموسم والله يعين خزينتنا على مبلغ اثنين مليون واربع مئة الف او نبيعة ناخذ لاعب صغير بالسن زي فهد المولد عبدالفتاح عسيري او مقهوي الاهلي او سيف الاهلي مهند عسيري لاعبين يشيلون لك الفريق مو ينكبون الفريق انا مستغرب الي يطلب تسعة مليون يمكن حقق لنا اسيا او يمكن جاب لنا بطولة الدوري او جاب لنا كأس الملك ابي افهم تسعة مليون على ايش على ثاني وثالث الدوري !!! ... هذا طموحنا الي وصل !! ندفع الملايين والغالي والنفيس عشان الفرج يجيب لنا المركز الثاني والثالث في بطولة الدوري!! الحد الاعلى الي حددته لجنة الاحتراف للاعبين اثنين مليون واربع الف ريال في الموسم والله يعينا كمان على صديقه عزوز الي ندفع له سبعة مليون في السنة!! والله لو نعطي نادي الفتح سبعة مليون بالسنة يجيب لك دوري للمرة الثانية واحنا لاعبين ماحققوا لنا شئ ويطلبون الملايين اذا استمر يطلب من خزينة النادي ملبغ تسعة مليون بالسنة فنعيره موسم للرائد ثم نعرض عليه مبلغ اثنين مليون واربع مئة ألف بالموسم الواحد ... على طول راح يوافق، تسعة مليون مرة كثير خصوصا ما قدم لنا بطولات ونتائج تذكر

الفريق يلعب بدون مهاجم صريح في مباريات الحسم وتبغى الفرج
يجيب لك الدوري وآسيا !!
الفرج عود من حزمه والفريق ككل كان ينقصه لاعبين في مراكز متعدده ..
اليد الواحده لا تصفق ي صديقي ..
نعم الفرج هبط مستواه كثيراً والسبب كان واضح للجميع ..


تقديري لك ي الغالي ..

لا اعلم سببا لكثرة التركيز ع سلمان الفرج اعلاميا وجماهيريا وحتى في الموقع الرسمي للزعيم
لدرجة اننا اصبحنا نجد موضوع نشط بشكل دائم عن الفرج التفريط بسلمان الفرج خطأ كبير
من الجهتين واعتقد بل اجزم ان سلمان الاولوية له التجديد للزعيم وهذا ماصرح به
رسميا قبل عدة اسابيع بأنه سيجدد للزعيم
اتوقع سلمان بحاجة لدعم معنوي من الادارة والجمهور ردا لاعتباره حيث تعرض لهجوم عنيف
اثر على مستوى اللاعب
وعندما يجد هذا الدعم والمساندة سيقبل بشروط الزعيم دون تردد
هذا ما اتمناه واوتوقعه والله اعلم
اللهم وفق الزعيم وادارته لما بحقق تطلعات العشاق
في الاحتفال بجميع البطولات