صورة لكل من مجد دونيس ونصبه من أفضل من درب الزعيم شوف حال الفريق والضياع اللي هو فيه والقناعات العجيبة لفرض بعض اللاعبين والتبديلات العجيبة وتدوير اللاعبين .
مدرب ما يعرف يقرأ المباريات ولا يملك الجرأة والشجاعة لمفاجئة الخصوم ولا يجيد توظيف اللاعبين وش ننتظر منه مدرب لم يعدل بين اللاعبين بحجة التدوير واللاعب الجاهز والإنضباطية خارج الملعب فقط أما الإنضباطية داخل الملعب ما تهم .
كما لا ننسى اللامبالاة واللعب برعونه وعدم جدية بعض اللاعبين والإهتمام بالمظهر الخارجي أكثر من الإهتمام بالشعار اللي على صدورهم .
الغريب أن إداري الفريق ورئيس النادي في صمت عجيب على هالواقع المرير للزعيم .
نعم الكورة فوز وخسارة ولكن لم يكن هذا حال الهلال بأي حال من الأحوال فرطنا بنقاط كثيرة بالدوري وبالآسيوية وللأسف بأيدينا وجعلتنا تحت ضغط كبير وياخوفي نخسر الدوري وآسيا بعد .
يارب وفق الهلال واكتب لنا الفوز بالدوري وآسيا وجميع البطولات .
دمتم بخير

ناصر يوم كان مع سامي الجابر كان هداف الدوري والعام قبل الماضي اخذ احسن لاعب بآسيا وجابوا هالمدرب هالسباك وجالس ياحارب هاللاعب كلها من بركات هالاداره الصامته

تمنيت 2 سناتر بدل الـ 3 سناتر
واشراك عطيف مع كريري في المحور

هاردلك يا زعماء
هالهزيمة
ان شاء الله تكون خيره

اقسم بالله ماراح اشجع الهلال وهو بهذا المستوى والعبث والاستهتار حتى يرجع هلال زمان هلال الفن والروح
الان الاداره مع مدير الكره فاشلين
مدرب ضايع
لاعبين اجانب حرام فيهم اللعب بشعار الهلال عدا ادوردو
لاعبين عواجيز السالم والقحطاني والشلهوب
لاعبين مستهترين العابد والفرج وسالم
فريق بهذا الشكل حرام تحرق اعصابك عشانه
ومبروك الدوري للاهلي مقدما

إقتباس الرسالة الأصلية كتبت بواسطة attac لو جاء اي مدرب بينتشل الهلال لان الهلال كان مشكلته نفسية وليست عناصرية بسبب خروجنا من اسيا ورجع لهم الروح هو جحفلي

الفريق بحاجة لغربله آخر الموسم
ساتحدث فيها نهاية الموسم

المشكله لاهم طايلين بلح الشام ولا عنب اليمن لا اسيا ولا دوري على باله مريح لاعبينه وهو ملعبهم آساسيين هذا اصلا اللاعبين الموجودين عندك وصدقني تبي تجي نتيجة الاهلي كارثيه من تخبطاتك لكن املنا بالله سبحانه انك ما تدرب الفريق امام الاهلي

للاسف اغلب المشجعيين عاطفيين .. اما بسبب اقالة سامي اللي تبكيهم للان او
عشان لاعب مفضل ..

المدرب وظيفته بتكتيكه يخلي فريق يستحوذ و يصنع اكبر عدد ممكن من الفرص ما يقدر يدخل ويسجل بدل اللاعبين ..
وفعلاً الفريق يسيطر و يصنع فرص .. اتحدا اي احد يجيب مباراه خسرنا فيها
و ما خلقنا فرص واضحه و اضاعها اللاعبين ..

كنتوا تنتقدون اللاعبين و انهم اقل من المستوى ، جاء دونيس خلا الفريق ينافس
بالرغم من تواضع اللاعبين ثم قلبتوا على دونيس وتركتوا اللاعبين ..

ما راح يضيع الفريق الا عقلية خبيلان ، خذا مقلب في لاعبيه و كل يوم مدرب ما نفع
من جرف لدحديره .. وانتم نفس العقليه مأخذين مقلب في اللاعبين ..

إقتباس الرسالة الأصلية كتبت بواسطة لانوس قلناها كثير الهلال يحتاج لغربلة كبيرة و يحتاج لإحلال لاعيبة الاولمبي والشباب ولكن هذي تحتاج رئيس وادارة عندهم شحصية ومايهابون شي لاعيبة الهلال حاليا لازم يتسرحون اولهم شراحيلي الي لولاه لضمنا تأهلنا من زمان (هدفين باختاكور وهدف الجزيرة) هذي لولاها لتأهلنا من زمان ع العموم غسلوا يدكم من ها هالهلال لانه لا يمت لتاريخ الهلال بأي صلة

البلاء مو في شراحيلي البلاء بمدرب الحراس حتى الثنيان مو في مستواه يوم كان مع التعاون

رجعوا القاسم كفائه وطنيه شوف السبيعي كيف كان مستواه قبل لايجينا ويوم كان يلعب معنا وبعد ما راح

ديقاو كم له مصاب ويلعبه اليوم اساسي بصراحه مهازل التدريب بقيادة هالسباك تعرف ان ثلاث قلوب دفاع فاشله فاشله فاشله معك لانك فاشل اصلا وحرام تدرب الفريق الاول بنادي الهلال المفروض تدرب ناشئ الهلال واعتقد انهم فوق مستواك التدريبي يامعتووووووووووووه

انا صراحة مالي نفس اشوف مباراتنا مع الطحالب افكر انام او اخذ منوم اوشي اهم شي ماشوفها الله لايوفق من وصلنا لهالحالة أول كنا نعد الساعات عشان نشوف ونتابع زعيمنا الحين الواحد وده حتى ينقطع عن الاخبار والنت وكل شي عشان مايسمع الاخبار اللي تضيق الصدر ماعاد عندنا ثقة ابد في الفريق هذا ومدربه

محبي دونيس الهلال كل موسم يتصدر مجموعته مع انه كان يقع في مجموعات صعبه

الان نبحث عن البطاقة الثانيه وعسى ما تطير

اتمنى نيفيز يحن علينا شوي ويخدمنا

انا ما ادري بصراحه الى متى ودونيس يلعب بنفس التكتيك هذا ؟؟
الى متى اللاعبين يتناقلون الكره بينهم علشان يوصلون مرمى الخصم بصعوبه ؟؟
الى متى هذا التهاون من بعض اشباه اللاعبين ؟؟؟
الى متى وجمهور الهلال راح يكون على اعصابه طوال 90 دقيقه علشان الهلال يسجل هدف واحد بس ؟؟؟
وين روح الهلال الغائبه عن افراد الفريق ؟؟
الى متى واحنا كجمهور نصبر على هذا التخبيص والعبث بالفريق ومن سيئ الى اسوأ ؟؟
لا جديد فقط مدرب جبان وخواف ولاعبين ليسوا على مستوى المسؤليه نهائيا
فقط انتظروا العبث والتدهور الحقيقي للفريق في المباراة القادمه

بانتظار اللي يهاجمون دونيس و انه سباك ..

اتحدا اي واحد منهم يجيب مباراه خسرنا فيها
و ما كان السبب اضاعة اللاعبين لفرص سهله او
فضائح تحكيميه 🙄..