يسعد لي ايامكم

من زمان ماكتبت واتوقع فقدت مهارات الكتابه والتواصل

اصلا نسيت كيف استخدم المنتدى

المهم في سباقات الخيل الاسطبلات الكبيره تدخل اكثر من فرس
عشان تنفذ خطه ذكيه وتخلي اسرع فرس عندها ترهق الخيول الثانيه
ويجي الفرس الاصيل بالجوكي الذكي من الاسطبل من الخلف
ويخطف الفوز بعد ما ارهقت الجياد من الاسطبلات الثانيه


نفس الفكره تطبق في السباقات الاولمبيه للمنتخبات والفرق

دخول الاتحاد للمنافسه في الدوري اشوفه امر ممتع
ممكن يستفيد الهلال من تساوي نقاط الاهلي والاتحاد وتنافسهم وياخذ الدوري
او يستغل الاتحاد تنافس الهلال والاهلي وياخذها او يستفيد الاهلي ويارب الافضليه للزعيم


الهلال احتمالية فوزه قويه لو ركز لكن احنا الهلاليين نبي كل المنافسات
وهذا حقنا واللي تعودناه من فريقنا وهو قادر عليه

رغم قوة البطولات اللي ننافس عليها وتخبطات المدرب احيانا
وانانية بعض اللاعبين احيانا واستهتار بعض اللاعبين احيانا

الا ان هذي جماليه المنافسه

يامدور الهين ترى الكايد احلى


شطحه اخيره

متى راح يكرم الهلاليين شاعر الوطن وشاعر الهلال
ونائب رئيسه في فتره من الفترات ابن مكه ابراهيم خفاجي

رغم انه يعتبر كل فوز للهلال تكريم له
الا ان حفل تكريم لمثل هالقامه تكريم للرياضه والرياضيين


واخيرا

اقول كما يقول خفاجي

اذا لعب الهلال فخبروني


بالحب والإشراق