فن الغزل

كانت في بنت تتسوق في مركز العليا موول مع اخواتها الصغار وكان المغزلجي ذاك اليوم متكشخ ومرسم ولا نسى يحط قلم باكارد بعد علشان تكمل الدعوه "
والمغزلجي ماقصر وراهم من مكان لمكان لدرجة ان صار يقول الفاظ غير لائقه من غزل وغيره
فالبنت الي كان يلاحقها طفشت من حركاته وملاحقته
نزلت عليه بانواع السب والشتم " وشاف الناس بدو يلتفتون علييه والعرق بدا يقطر منه اربع اربع "
المغزلجي بهاللحظه حس انه اكل تبن وبيروح فييها مع الهيئه والسكيورتي وفكر كييف يخلص نفسه من الورطه " الظاهرشكله قز هيئه "
قام المغزلجي وضرب البنت على وجهها كف .... وقاالها انتي
طالق
طالق
طالق

وطنشهم وبدا يمشي بسرعه كأنه يبي يطلع من المركز

وكان مع البنت اخواتها الصغار
الناس صدقت انه زوجها
هي من القهر منه ضلت تبكي وكانت ردة فعلها
قالتله ( انت تطلقني) بصوت عالي
هي الي قصدته انت من تكون عشان تطلقني ؟!
لكن الناس فهموا ان هذا زوجها وصاروا الناس يهدونها
ويقولون لها حرام عليكم وين يروحون الأطفال
والله مغزلجي مو سهل

والله حركات جديده طاحوفيها

وقدر يفك نفسه بسهوله

الله يكفينا شرهم

والبنت مسيكينه ماتت من القهر

مشكور اخوي يعطيك العافيه

لاشكر على واجب

يعطيك العافيه
هذي الحكاية
فعلا سمعت فيها
بس!!
الله يعين هالمسكينة

وهى مهى سهله ولا لا ياورده يعطيكى العافيه

السلام عليكم ورحمة الله وبركاته

ودّي اسأله وش بيكون شعوره لو بعد هالحركة راح لبيتهم و عرف ان فيه واحد سوى نفس الحركة هذي مع اخته او زوجته او اي وحدة من قريباته!!!

هل بيقول عنه : والله انه رجال ذكي وعرف يفك نفسه ؟
أو بيسب فيه وفي امه وابوه ويتمنى انه يشوفه علشان يسوي ويفعل؟

مشكلة هالشباب اللي يسوون هالحركات انهم ما يدرون ان اي انتهاك لاعراض المسلمين
بيكون دين عليهم وبيرجع على اهلهم حمانا الله واياكم من كل مكروه.

ولا انسى اني اعاتب والوم هالبنت ذي وجميع البنات اللي يطلعن للاسواق متبرجات وبدون محارم لهن ولو كانت متسترة ومعها رجل لما تجرأ هذا المريض عليها.

شكرا لك اخوي alz3eem 11 على نقل هالقصة اللي اتمنى ان تكون عظة وعبرة للجميع.

السلامعليكم..

إقتباس مشكلة هالشباب اللي يسوون هالحركات انهم ما يدرون ان اي انتهاك لاعراض المسلمين بيكون دين عليهم وبيرجع على اهلهم حمانا الله واياكم من كل مكروه. ولا انسى اني اعاتب والوم هالبنت ذي وجميع البنات اللي يطلعن للاسواق متبرجات وبدون محارم لهن ولو كانت متسترة ومعها رجل لما تجرأ هذا المريض عليها.

تحياتي