[ALIGN=CENTER]التميلح امام الحريم , ولوحة السيارة ام 230.000 والكثير من الفضائح

بلخييييييييييييييييييييير

أكيد انكم لاحظتم بالفترة الاخيرة , كثر الاعلانات عن لوحات للتنازل , بصراحة الاسعار خيالية , لكن اللي لاحظته ان اللوحة اذا صارت تنتهي ب "666" يصير سعرها اغلى من اي ارقام متشابهه غير "666" , طبعاً فاهمين , ان 666 = ستات = بنات .ومن قبل ماتصير على اللوحات رسوم , والستات هي المطلوبة دائما , ويبيلك واسطة قوية بالمرور عشان تطلع ستات .

المهم من الفراغ اللي طاقني ذا الايام قعدت اتفكر بمستوى التفكير عند شبابنا "اسحاق نيوتن مهوب ازين مني يوم يتفكر بالجاذبيه " واستغربت حرصهم الزايد على التميلح على البنات , يعني لوحة "أ ح ب 666 " (دعاية مدفوعة ) تخيلو كم وصل سعرها ؟ , وصل 230.000 ريال , لوحة , قطعة حديده صغيرة 5سم في 5سم , ب 230.000 , الله لايسخط علينا , لا وابشركم سوم مابعد باع يمكن تجيب زود .
تخيلوا معي لوحة "ا ح ب 555 , او 444 كم تسوى , أجزم انها ماتاصل 6.000 , الفكرة هنا بالستات .
عز الله لو اشتري لوحه ب 230.000 ماركبتها الا على طيارة"بوينج " او اف15 , ولا وشي السيارة اللي تستاهل اركب عليها لوحة ب 230.000.
انا عارف انه من طبيعة البشر محاولة لفت الانتباة , ومحاولة الشباب للتميلح على البنات شي طبيعي الى حد ما , لكن ياصل لدرجة السفه , والسخافة , لما يصير كل همي في الدنيا بنات , وكل تصرفاتي , عشان ألفت انتباه البنات , فأعتقد انه شخص يعاني من مشكله فعليه ..
واحد شرا سيارة ب 365.000 طلعها من الوكالة مباشرة لورشة عشان يصبغها , وردي لماع ,يوم قالو له يا ابو مناحي , حرام عليك سيارة جديده وشاريه بذيك القيمة , وتغير بوية الوكالة , قال وبكل ثقة , الحين اكسر رقاب البنات من كثر مايتلفتون على سيارتي .(يالله العقل)
وواحد من الشباب وجهه فكوك , والا يبي بنات , ووضعه المادي اقل من متوسط , ويقعد يجمع لين شرا "دب " ب 850 ريال "المشكله ماسدد فاتوره جواله عشان يشتري ذا الدب , ويركبه جمبه ويربط له الحزام , وانواع التميلح كل يوم الله يصلحة "ياشين عجوز البدو لين طاحت بمريس " عاد يقول انه كد خير ورا ذا الدب .

وعلى مستوى المنتديات , نشوف شباب يردون على مواضيع بنات , ويطيرونهن للسماء "وهو ماقرا الموضوع اصلا " والموضوع اصلا اقل مايقال عنه انه سخيف , غير الرسايل الخاصة اللي تروح للبنات والترحيبات .وحدة بالمسينجر تقولي , جتني رسالة من واحد يقول انا ماسجلت بالمنتدى الا يوم قريت مواضيعك , تقول ومن باب اللقافه , دخلت على ملفة الشخصي , ولقيته مسجل قبلي ب 4 شهور .
وبمنتدى ثاني , واحد ارسل رسالة لكل بنات المنتدى وبنفس الصيغه , وكشفته وحده مسجلة بيوزرين , وجتها رسالتين ولما سألت كم بنت بالمنتدى اكدو لها , نفس الرسالة , المشكله يقول بالرساله اني ما ادخل المنتدى الا عشان اشوف مشاركاتك .

ــــــــــــــــــــــــــــــــــــــــــــــــــ
ـــــــ
انا ما أعمم على الشباب كلهم , لكنها ظاهرة ملاحظه خصوصاً بالمدن الكبيرة بالمملكة, شي محبط لما يصير مستوى فئة مهيب قليلة كذا , والمفروض اننا نتوقع منهم دور في خدمة المجتمع والدولة .
مافية شك ان أول واهم الاسباب هي ضعف الوازع الديني , ويجي بعدها الكبت والفراغ وسوء التربية , كلها اسباب تؤدي لنتائج مثل كذا

** لا احد يزعل من الاخوة المتميلحين , تراها نصيحة لله في لله

يعطيكم العافيه جميعا[/ALIGN]

مشكور على الموضوع

إقتباس وحدة بالمسينجر تقولي

جا بيكحلها اعماها
هالحين انت بتعلمنا ان معك وحده بالماسينجر

إقتباس ** لا احد يزعل من الاخوة المتميلحين , تراها نصيحة لله في لله

لا ابد من ويش نزعل يااخي اصلا كل واحد يقدر يكتب على انه قمه وهو رايح فيها

صدقني كلامك حلو بس انت الله يهديك طبقت المثل اللي يقول ( انقلب السحر على الساحر)

ولاول مره ادري ان فيه احد يتميلح بلوحة سيارته هو اصلا احد بيشوفها

تدري انسى اللي فوق واقرأ هالرد وبنصير مع الفار ياشقرا:

مشكووووووووور على الموضوع !

سلملم