[ALIGN=CENTER]هذا موقف اعتبره اطرف موقف مر علي بحياتي الطوييييييييييلة ( 24 سنة
)
والموقف هذا صار لي مع الاخ الموقر المحترم الاستاذ / هلالي الجوف واليكم القصة ..:
[ALIGN=RIGHT]
المكان/ الرياض - امام بوابة اجنحة مفروشة
الزمان/ 4:30 عصرا قبل شهر تقريبا
المناسبة/ متواعد انا مع هلالي الجوف عشان نتقابل
ملاحظات/ انا ما اعرف وجه هلالي الجوف وما قد شفته من قبل وهو نفس الشيء ما يعرفني الا من الصور اللي في المنتدى[/ALIGN]
[ALIGN=RIGHT]
القصة/ جيت انا بعد ما اخذت الوصف من هلالي الجوف ولبّقت عند باب الشقق بالسيارة ..
الا وذاك اللي قاعد يناظرني وواضح عليه انه قاعد ينتظر له شخص وانا نفس الشيء قاعد اتمقل* فيه احسبه هلالي الجوف
المهم فتحت القزازة * ودار النقاش التالي:[/ALIGN]
[ALIGN=RIGHT]انا: السلام عليكم
الشخص: وعليكم السلام
انا: ابو عبدالرحمن .. فيصل ؟؟
الشخص : هلا والله .. ايه فيصل ... محمد ؟؟
انا : ايه .. تفضل تفضل حياك الله[/ALIGN]
وفتحت له ابواب السيارة وركب الرجال معي ومشيت .. وكل شيء حتى الان طبيعي ...
ودار الحوار التالي ..
[ALIGN=RIGHT]انا : وش الاخبار ؟؟ عساك بخير ..
الشخص : والله بخير الله يسلمك وش اخبارك انت ؟ وش اخبار الاخوان ؟[/ALIGN]
انا الحين بّلمت* شوي ؟؟
لان انا ما عندي اخوان ؟؟
بس هذي مشيتها ... سويت نفسي ما سمعت ؟ 
[ALIGN=RIGHT]انا: والله بخير الله يسلمك ... ياخي كأن صوتك متغير شوي .. مهوب نفسه اللي في التلفون ؟؟
الشخص : ياخي حتى انت شكلك متغير علي ؟؟ انا من زمان ما شفتك .. ووجهك متغير شوي ؟ حتى موترك* جديد ؟!! [/ALIGN]
انا في هذه اللحظات زادت تبليمتي ؟؟
واخذت جوالي بهدوء واتصلت على هلالي الجوف ؟ والجوال يرن يرن .. ويرد هلالي الجوف ..
وللاسف الشخص اللي راكب معي ما رن جواله ؟؟ بذكائي استنتجت ان الشخص اللي راكب مهوب هلالي الجوف ؟؟؟؟ !!!!
الان طلعت من مرحلة التبليم الى مرحلة ما ادري وش اسوي .. او ما يسمونها بمرحلة التوريطة ...؟
تورطت ما عاد ادري وش اقول ؟؟ ولا ادري وش اسوي ...
انزل الرجال .. والا ارجع لهلالي الجوف ..؟
وما ادري وش القصة ؟؟
هو هلالي الجوف يستهبل ؟
والا هي صدفة صدق ؟
والا هذا مباحث ؟؟
المهم دار النقاش التالي :
[ALIGN=RIGHT]انا : ياخي انت اسمك فيصل ؟؟
الشخص: ايه
انا: ترى الشخص اللي انا مواعده ما اعرف شكله .. واحد عرفته عن طريق النت وما ادري .. الظاهر انه مهوب انت ؟
الشخص: وانا بعد .. الشخص اللي انا مواعده من زمان ما شفته .. واسمه محمد ؟؟[/ALIGN]
طبعا هلالي الجوف معي على الخط .. ويسمع ..
و ميت من الضحك .. وانا متورط ..
المهم رجعت لهلالي الجوف عند باب الشقق .. ولقيته يضحك ( عرفته من ضحكته 
)
نزلت الشخص اللطيف من السيارة وقلت له فرصة سعيدة ولا عاد تركب مع احد ثاني مرة الين ما تتاكد انه خويك ؟؟! ...
قال لا عاد تركب احد الا لين تعرف من هو 
وكل واحد فينا يبتسم للثاني وكلنا حاقدين على بعض ..
المهم اني سلمت على الشخص الالطف هلالي الجوف وبغيت اتوطا في بطنه ؟؟
بس تذكرت انه عضو مجلس ادارة .. وقلت اهجد* يا ولد 
صراحة ..
في البداية كنت متلخبط ومعصب من الموقف ..
ولكن بعد ما ركبت السيارة بديت استوعب الموقف شوي وضحكت على عمري لين قلت امين ..
بس شوفوا كيف الصدف ..
موعدين .. نفس المواصفات ..
الاسماء .. محمد وفيصل .
نفس المكان .
نفس الزمان .
شبه المناسبة ؟؟
طبعا المثل اللي يقول " صدفة خير من الف ميعاد "
ما ينطبق على هالموقف ابد ؟؟
[/ALIGN]
معاني الكلمات:
* اتمقل : بتشديد القاف .. والتمقل كلمة تطلق على الشخص الذي يمعن في النظر .. يعني يناظر بحدة مع شوي من البلاهه
* القزازة : هي عبارة عن زجاج ينحط في السيارة على الباب .. يطلق عليه احيانا شباك .. او دريشة .. والعرب يسمونها نافذة .. مصدرها الفعل الماضي " قزّز " .. قزّز .. يقزز .. فهو قزّيز
* بلّمت : بتشديد اللام وتسكين الميم .. والتبليم يطلق على الشخص اللي يفق ثمه ويكون في قمة الاستعحاب والاستغراب .. مما يسبب تصرفات خاطئة
* اهجد : يعني اركد .. او اعقل .. او هد اللعب شوي والعب على الهجمات المرتدة
[ALIGN=CENTER]
[/ALIGN]
موقف ما ينّسي بين هلالي الجوف والموهوب ( بااايخ ) 
..
الوضع المتطور
