هاردلك الخروج باخر دقيقه من المباراة..لاشيء يعادل (نكسة سدني)..مباراة سدني اعطتنا مناعه ضد الصدمات...لذلك هذا الخروج اخف وطاءة من مباراة سدني لعدة اسباب من اهمها ان الهلال خرج باخر دقيقه برغم كل الظروف..
الثلاثي الموقوف يتحمل جزء كبير من المسؤليه..فديقاو للاسف ياخذ ايقاف مجاني بضربه لاعب لخويا بلا مبرر باخر دقيقه!
والفرج يواصل الحصول على الكروت المجانيه..بالاضافة لشراحيلي وتاخره عن التمرين وهو يعلم ان فريقه مقبل على مباراة مهمه اسيويه..
ورغم هذه الظروف والنقص العددي وللاسف هذا النقص ليس بسبب اصابة بل بسبب تصرفات لاعبينا...وبالرغم من التاخر بهدفين...فالهلال العملاق عاد وبقوة وسجل هدفين رائعين واصبح متاهلا للنهائي لاخر دقيقه...ولكن الله لم يكتب لنا التاهل فالحمد لله على كل حال...
براءيي الشخصي وبالرغم من الحزن على الخروج خصوصا بهذا السيناريو المزعج الا ان الهلال اثبت انه عملاق وصعب المراس جدا وهنالك مكتسبات اتمنى من كل قلبي واتمنى من كل هلالي مخلص التفكير فيها والمحافظه عليها:
1- المدرب دونيس..لازلت اراهن على هذا المدرب فهو من انتشل الهلال بعد نكسات سيء الذكر ريجي..وحقق الهلال معه بطولتين في ظرف 3 اشهر..كل مدرب له اخطاءه التكتيكيه لايوجد مدرب كامل..ولكنه بصفه عامه مدرب المرحله للهلال..بعض اللاعبين هم من خذلنا وخذل دونيس..
2- الادارة...ادارة واعيه هادئه..محترفه..لازلت اراها (تصحح) اخطاء الماضي..واخطاء الادارة السابقه..فبكل امانه من ضم احمد شراحيلي للهلال؟..مع احترامي للاعب فالهلال اكبر منه..
3- المحترفان البرازيليان ادواردو والميدا...اثبتا انهما لاعبا حسم وضهرا بالمباراة..لكن للاسف الدفاع السيء ساهم بدخول3 اهداف..يجب المحافظه على هذان اللاعبان...بل انني ارى بان ادواردو يتفوق على طيب الذكر نيفيز بشيء مهم جدا...ان ادواردو يضهر بمباريات الحسم عكس نيفيز اللذي يختفى بمباريات الحسم..
4- الهلال ورغم كل الظروف والنقص العددي(بسبب استهتار الثلاثي المبعد) ورغم الهدفين المبكرين في مرماه...عاد وبقوة الرجال حتى اخر دقيقه...هذا يثبت ان الهلال يملك روح عاليه وخرج بشرف..ويستحق لاعبيه ان نستقبلهم استقبال الابطال..
5- الاهلي الاماراتي فريق قوي ويملك لاعبين اجانب بعشراات الملايين و6 لاعبين من المنتخب..فريق لايستهان به وهو بعصره الذهبي..براءيي الشخصي انه اقوى وبمراحل من سدني ولكن لم نكن بوقتها امام سدني نملك مدرب ممتاز مثل دونيس..كان عندنا اسوء مدرب مر على الهلال سيء الذكر ريجي..
ياهلاليين نصيحه اخويه...
حافظوا على مكتسباتكم...المدرب ذو فكر رائع وانضباطي ..البرازيلين الميدا وادواردو رائعان واثبتوا انهم لاعبين يضهرون بالاوقات الصعبه اليوم حافظوا عليهم...الادارة اثبتت احترافيتها وبعد نظرتها وخصوصا باختيار الثنائي البرازيلي الرائع..الادارة تعكف على تصحيح اخطاء الادارة السابقه خصوصا التخلص من بعض اللاعبين الاقل من الهلال كالقرني وشراحيلي احمد..والتعاقد مع لاعبين محليين بمراكز مهمه بالفريق..
افتقاد الهلال للثلاثي الاساسي ديقاو والفرج وشراحيلي كان من اهم اسباب الخروج براءيي والسبب عقلية هؤلاء اللاعبين اللذين تم ايقافهم بسببها..

اذا نواف بن سعد يفهم بالإداره يسوى حاجه وحده
نواف العابد وسالم الدوسري وعبدالله الزوري .
يحرم على كل لاعب منهم يلعب بالفريق الاول مهما كان ظروف المباراه
واعطاء الثقه لخالد كعبي والسواط والبريك ولا يتم تغيرهم مهما حصل
نبي نجدد ثقه بلاعبينا الشباب وما راح نخسر شي اكثر من خسارة نهائي ابطال اسيا موسمين متتاليين.
حسبنى الله وكفى

"حافظوا على مكتسباتكم" .......................

فعلا لدينا مدرب جيد وادارة جيده
فقط تخاذل بعض اللعيبه اليوم سبب بالخساره
لازم تصدر لائحه عقوبه اي لاعب يتنرفز وياخذ كرت اصفر
تصدر بحقه عقوبه خصم من الراتب واللي مو عاجبه
يتوكل على الله الهلال مايوقف على احد
الاهلي اليوم ادى مباراة قويه عنده اجانب ومحليين نجوم
مانهضم حقه ابد يستاهل الفوز
اعجبني في الميدا اليوم واداوردو انهم ردوا على الحكم وسجلوا
بعد مارفض يحتسب لهم ركلة جزاء لكل واحد منهم
ادواردو اثبت انه لاعب حسم
لو المدرب ابقى على ادواردو ولعب بناصر والشلهوب بالشوط الاول
قدرنا نسجل بس هي كذا المباراة فوز وخساره
ومثل ماخسرنا في الموسم الماضي في النهائي
رجعنا مره ثانيه وكنا الاقرب للوصول مره اخرى للنهائي
وهذا شي طيب اننا نرجع ننافس على البطوله
باذن الله الثالثه ثابته الهلال عرف طريق التأهل
والحمد لله على كل ~

الف شكر على الطرح الجميل ياخوان اللاعبين ياخذون رواتب عاليه منهم من يستاهل ومنهم لا ديقاو كان منظبط وحماسى يجب تنبيه العابد دائما نكبات الهلال من عنده سالم يلعب لنفسه الشمرانى ممتاز لو يسلم من الحماس الزائد شراحيلى يجب البحث عن حارس بداله واحمله هزيمة الهلال امس ويجب البحث عن محور المدرب ممتاز ممتاز ممتاز

مناقشة المدرب في اللعب بخطه واحدة في كل المباريات مطلوبه يجب أن يتخلى عن بعض قناعاته فهناك مباريات يجب ان تحذر منها وهناك مباريات يجب أن تلعبها بهجوم وتحسمها وبالأخص المباريات اللي تتطلب التسجيل كمباريات خروج المغلوب في حالة التأخر بالنتيجة

والله يابن الحلال السبب الرئيسي ديقاو اولا والعابد ثانيا ديقاو نكبنا بتصرفاته الغبيه

اصبح اللاعب هو الملوم ؟؟؟؟ والاداره والمدرب صح !!! هذا عجب عجاب

اسباب الهزيمة
1- ادارة لم تهيئ الاعبين للمباراة.
2- تكتيك المدرب ما راح يتغير لو تلعب قدام الجيل درجة اولى وهذي سياسة عقيمة ومدرب مخبط تشكيلة وتغييرات
3- سالم العابد الزوري احمد شراحيلي السديري لن نحقق ولن ننافس اسيا بوجودهم والله لو نفحط مليون مرة
4- عاقب المستهترين ديقاو والفرج وشراحيلي بالخصم والتدريبات المكثفه وحرمانهم من الراحه لمدة شهر عبرة لغيرهم
5- الروح للأسف ما فيه امس الا الشلهوب والبقية الله يرحم الحال
ختاماً لن نحقق الدوري باستمرار المدرب بتشكيلته وفلسفته والاعبين المستهترين

اتفق مع اغلب ما ذكرت

لكن بودي ان اعلق على بعض الردود والسب لبعض اللاعبين
واتمنى احترام الذوق العام من بعض الاعضاء هداهم الله

الحمد لله حمدا يليق بجلاله والخيره في ما اختاره الله وقدر الله وما شاء فعل وسوف نقف مع الزعييم الاسيوي على الحلوه والمره ولن يزيدنا ذلك الا اصرار ولن نعطي بعض كارهين الزعييم الفرصه بل نقف يدا واحده مع الاداره والاعبين ونشد من ازرهم لان الخساره وارده في كرة القدم والجايات افضل ان شاء الله ولكم تحيه

اذا نظرنا الى الظروف التي تعرض لها الهلال في البطولة الاسيوية مقارنة مع الاندية الاخرى كالفقر والاهلي سنجد ان فريقنا قدم ملحمة كروية نفخر بها في اسيا

الفقر وهو في افضل حالاته وكامل محترفيه ومع الضخ المالي اللامحدود لفريقهم يخرج خروج فاضح ومذل وعلى ملعبه من الادوار التمهيدية للبطولة ومن امام فرق هزمناها بالثلاثة والاربعة وتأهلنا

الاهلي مع افضل مدرب مر في تاريخهم ومع هدافهم السومة واكتمال عناصرهم المحلية والاجنبية وعقد رعاية ضخم وبدون ظروف اصابات او ايقافات يخرج من دور ال 16 امام فريق نفط طهران المغمور واللي اول مرة يشارك في اسيا

اذا لماذا الغضب من فريق كان قاب قوسين او ادنى من نهائي اسيا وهو يلعب بظروف ايقافات واصابات وقبلها حرمان من الجماهير وتربص تحكيمي!!

ادعموا الفريق ومدربنا مدرب ممتاز في فترة زمنية وجيزة اعاد الهلال للتوهج مرة اخرى واعادنا لمنصة البطولات ووصل بالفريق الى ادوار في اسيا لم يكن اكبر المتفائلين يتوقع ان نصل اليها اذا ماربطناها بالظروف التي تعرض لها الفريق

الحمدلله على كل حال نافسنا وتقدمنا للأدوار النهائيه رغم الضروف اللي واجهناها من ظلم وجبروت الاتحاد الاسيوي من عقوبات كان المفترض يوجهها لأنديه ثانيه ومع هذا قد لاعبين الهلال ودونيس مستويات اكثر من رائعه ولاكن كالعاده بمباريات خروج المغلوب تهتز نفسية لاعبين الهلال ولا نعلم ماهي الاسباب هل هو الضغط النفسي هل هو الاستهتار محد يعرف والله لو عندك مورينهو وتجيبه لفريق كله نجوم ولاكن ماعندهم اي روح ماقدر يحقق لك ولا حتى بطولة درجة ثانيه وهذا تشيلسي الموسم هذا مستوى سيئ لأن اللاعبين ماعندهم اي روح معنويه رغم انهم نفس اللاعبين محد تغير