السلام عليكم ورحمة الله وبركاته

هارد لك على الخسارة ، ومعوضين خير وقدر الله وماشاء فعل ..
هذا حال كرة القدم ، ومن لايستطيع تحملها فالأولى ان يعتزل التشجيع ..

بخصوص موضوعي ::
في آخر بطولتين آسيوية قرر الإتحاد الآسيوي فصل الغرب عن الشرق ، ولايلتقون إلآ بالنهائي
وبإعتراف الجميع أن القرار سهل لفرق الغرب الوصول للنهائي بسهولة ..

الهلال كان يجب عليه الفوز بإحدى هاتين البطولتين بأي شكل ،
جميع الفرق التي قابلها الهلال الى نصف النهائي هي أندية اماراتية أو قطرية أو ايرانية أو اوزبكية
تخيل سهولة المشوار ، اندية تشبع الهلال من مواجهتها والفوز عليها ..

الموسم الماضي جاز أن يعتبر الهلال بطل الغرب ووصل للمبارة النهائي وخسرها بالسيناريو الذي يعرفه الجميع ،
هذا الموسم والخروج امام الأهلي الإمارتية ليست كبوة جواد بل كارثة قد تؤخر فوز الهلال بالبطولة الآسيوية لسنوات عديدة ..

أصعب السيناريوهات التي قد تمر على الهلال في المواسم القادمة هي كالتالي :
1- الغاء فصل الشرق عن الغرب والعودة لمواجهة فرق الشرق من دور16 وهناك أقاويل عن دمجهم حتى بالمجموعات لكن غير مؤكد .
2- الغاء بطولة أندية العالم نهائياً خصوصاُ بعد الفضائح المالية للفيفا وعدم اهتمام الأندية الأوروبية فيها ، آخرها برشلونة بطل أوروبا الموسم الماضي لم يرسل حتى مندوباً يحضر قرعة البطولة !

قرار الإلغاء سيفقد دوري أبطال آسيا أهميته ، فلنعترف أن شرف اللعب في كأس العالم أهم من نيل البطولة نفسها !
واتركوا المجاملات وكونوا صريحين في هذا الموضوع ، ولايوجد إحراج فيه ..
الجميع يعرف أن الهلال حقق دوري أبطال آسيا وتأهل الى العالمية بشرف ومن الملعب ، لكن الأغلبية يعتبرونها بطولة ناقصة وكانت ستكتمل لو شارك الهلال في البطولة العالمية ..

بعكس فرق أوروبا التي يكون الأهم لديها هو الحصول على البطولة الأوروبية العريقة ، وحتى لو الغت بطولة العالم للأندية لن تكترث لها ..


ختاماً لأول مرة يخرج الهلال من آسيا دون ان اكترث او اغضب كالمواسم السابقة ، هل أصابنا الهلال بالتبلد !
هل ستكون آسيا حلما صعب المنال !
متى سيتحقق هذا الحلم !

الى اللقاء وفي أمان الله ..

الحقيقة انها ليست الاسهل
لانخدع انفسنا فكل مباراة لها ظروفها
نعم الهلال لم يكن كما عهدناه في مباراتي الاهلي الاماراتي لكن هذا لايقلل من قوة البطولة وصعوبة الوصول لدور الاربعة
بطل ووصيف الدوري السعودي خرجوا من الادوار المتقدمة فعن اي سهولة تتحدث ؟
الحمدلله على كل حال

لاتنسى ان الفرق تطورت وتجيب اجانب على مستوى عالي

يعني اجنبي واحد عن ثلاث لاعبين بدورينا حنا عندنا مواهب بس نفتقد الماده زي الموجوده بالامارات وقطر والصين


اللي تطورت بفضل الاعبين الاجانب

تبي اسيا جب لاعبيين يقدرون شعار الفريق يخلصون للكيان ويزعلون اذا الجمهور طالع زعلان
ياخي دكة الاحتياط ضعيفة والمصيبة عندك لاعبين مثل سالم والعابد ماعطينهم وجه اكثر من اللازم
جب اجانب على مستوى زي اجانب الاهلي الاماراتي يفرقون بالبطولة
ادفع وجب لاعبين فريقنا فيه نواقص كبيررة مافيه قلوب دفاع ولا محاور ولا لاعبيين يلعبون على الاطراف
انا مهيئ نفسسسي للهزيمة مبكرا

البطولة صعبة
والتأهل من دوري المجموعات
تعجز عنه أندية كثيرة
ودور الأربعة الآسيوي أكثر صعوبة
والنهائي حلم كل فرق القارة

اشتغل على البطوله شغل صح اذا تبيها
ترفيع ماراح تسوي شي وراح تنهزم حتى لو وصلت للنهائي

الحين البطولة الاسيوية ماتعني لي شي لان البطولة انتهت
ولكن اللي يهمني فقط هو معالجة المشاكل الكبيره عند بعض اللاعبيين
ومواصلة مشوار الدوري وتحقيقه
واهم شي محاسبة من تخاذل

اسهل اجل ههههههه
لو قلت العام الماضي قلت لك ممكن
لكن ذا السنه غوانزو او الفريق الياباني
سيصل احدهما وهم اقوى من سدني بمليون مره
خاصه غوانزوا لو لعب مع الهلال نهائي طلعت علوم الهلال
اعتقد خيره خروجنا انا اشوف كذا الستر زين

إقتباس الرسالة الأصلية كتبت بواسطة هلالي المزاح100 اسهل اجل ههههههه لو قلت العام الماضي قلت لك ممكن لكن ذا السنه غوانزو او الفريق الياباني سيصل احدهما وهم اقوى من سدني بمليون مره خاصه غوانزوا لو لعب مع الهلال نهائي طلعت علوم الهلال اعتقد خيره خروجنا انا اشوف كذا الستر زين

نفس تفكيري لو نجيب لاعبين المنتخب قوانزو راح ياخذ الكاس

بس امنيه عندي ان الفريق الياباني يفوز لو ببلنتي عشان يتاهل الاهلي الاماراتي لبطوله الانديه

فريقنا ياحبيبي طبطب وليس يطلع كويس ماحققناها برادوي وولي وجريتس اللي كان وقتها الهلال الفريق المرعب بتحققها مع الحلوين العابد والدوسري الملايين بحساباتهم ومافي احد يحاسبهم ومدرب يعاقب اللاعب الجاهز ويحط لك حارس مالمس كورة من اكثر من شهرين وداخل المباراه بمحور واحد ومهاجم وتعبنا ونقول الهلال فريق هجومي هجومي هجومي عندك القحطاني جاهز مالعب عندك السالم جاهز مالعب عندك العليوي اللي ليش جابوه ماادري عندك الحافظ اللي مالعب من سنه ليش جابوه احسن شراحيلي اللي طلع بتبديل كان من الاولى اللعب 442 وهاجم بقوة بس خلاص اسيا نحلم فيها سواء سهلة ولا صعبة وفي شي مهم حذرنا منه مليون مره لا تشمتوا لا تشمتوا بتنقلب علينا فاز الاهلي على النصر اشتغلت الطقطقه بشكل مخيف وجانا الاهلي ورقعنا ماالتفتنا لفريقنا بس يلا الحمد لله على كل حال

الحمد الله من قبل ومن بعد ,, وهاردلك وان شاءالله القادم افضل .

سبق وذكرتها مع نهاية الموسم الماضي . لابد من الغاء عقد ديجاو او كواك واستبداله بلاعب اجنبي صانع لعب . فلا يعقل ان نص الاجانب في خط الدفاع!! سالم والشمراني ونواف العابد لابد ان يركنوا في دكة الاحتياط للفتره القادمة. الاستغناء عن محمد القرني وعبد العزيز الدوسري فهذا الثنائي لن يفيد الفريق اطلاقا . اخيرا يجب ان لايترك الحبل على القارب للمدرب فهو السبب الرئيس للخروج اليوم وسلامتكم.