أسباب الخسارة في الوقت الأخير من المبارة ...

عدم بروز دور القائد في الفريق

الاعتماد على تشتيت الكرة .. والكرات الطولية سواء من الحارس أو المدافعين .. والتي تمكن من خلالها لاعبو الأهلي استعادة الكرة وبناء هجمات متتالية عليك ..

عدم الاحتفاظ بالكرة لوقت أطول وقتل الوقت بالتمريرات العرضية بين اللاعبين .. وهنا يأتي دور المدرب ولاعبي الخبرة لتوجيه الفريق .. للأسف التوجيه كان معدوما ..

والخطأ الفادح الذي ارتكبه نواف والذي تسبب بركلة حرة .. توقعنا منه الهدف قبل ولوج الكرة في المرمى .. لأن في مثل هالوقت لا ينبغي ارتكاب أخطاء وإلا ستعاقب ..

و طبعاً دفاع الهلال بلا هوية !! والتوهان واضح من بداية المبارة .. فأكثر ما كنا نخشاه على الهلال هو دفاع الهلال ..

لا أدري ما الذي أراده ديجاو بتصرفه الأرعن في مباراة لخويا .. والذي تسبب في إيقافه وحرمان الهلال من خدماته .. وهو اللاعب المحترف الذي كان من المفترض أن يتعامل بذكاء في الدقائق الأخيرة في مباراة لخويا لا بغباء ولا مبالاة بالكيان الذي يمثله ..

و لا أدري لماذا لاعبو الهلال عندما يتقدمون في النتيجة يتسرعون في الهجوم ويتفننون في إضاعة الكرة .. ولا يلعبون بتوازن بين الدفاع والهجوم .. وعندما يتراجع الفريق تدخل فيه أهداف بأخطاء بدائية .. وعندما يتراجع الخصم ويتكتل أمام مرماه يصعب عليهم تسجيل أهداف !!

عموما المشكلة تكمن في الضعف الدفاعي .. وعدم تهدئة اللعب وقتل الوقت بتمرير الكرة بين اللاعبين ..

أبو الحسن ..
سلطنة عمان ..

صراحه ، الزوري اخطاء خطاء قاتل ، بفقدانه الكره ، وبعدها اضطر العابد لاعاقة اللاعب ، هذا عيب اللاعب السعودي، فعلها حسين عبدالغني مع المنتخب امام تونس كنا متقدمين بهدفين لهدف من قدم ياسر القحطاني والاسطورة سامي الجابر ، واخر الدقايق تشتيت خاطي 'وهدف تعدل ،عاد وعنملها حسن ومالك معاذ امام البحرين للتاهل لنهائيات كاس العالم 2010 . , ثقافة اللاعب السعودي ككل هي سبب خسارة الهلال ووالمنتخب، كورة في قدم الزوري بدل الهدوء ، والاحتفاظ بالكره ورفع راسه ومحاولة تضييع الوقت ، بالحصول على رمية تماس او اخذ اللاعب في الطرف ، وكسب مزيد من الوقت ، لكن اختار التوجه للمدافع حتى قطعها منه وبدات هجمه ، واضطر العابد لارتكاب خطاء حتى يمنع هجمه خطره ، قدر الله وماشاء فعل ،لكن الاخطاء يتحملها الجميع .

ياشباب انا ماقاهرني الا الباصات القصيره ياضعيفه ولا انها ماتوصل اللاعب في مكانه يروح يجري وراها !!
وتحركات اللاعبين سرييييييعه في الباصات .. اذا جتك كوره اثبت مكانك يرجعها لك ويفتح لك ولاعب من هناك يفتح ووو !!
والله قهررر لاعبين يعتبرون من الافضل في السعودية والمنوالات بينهم كذا

في الاوقات الاخيره من المباراه هم بيضغطون لكن فيه مجال حق ون تو بينهم والله كان يمدي نصكهم الثالث لكن عندك هنا بوز لنص الملعب وترجع للمرمى ويدك على قلبك

اسباب الخساره سببين اولا اخراج ادواردو بعد التعادل كان الأهلي يلعب مدافع ومرتبك وخايف يفتح اللعب بسبب وجود ادواردو والميدا وناصر وبخروج ادواردو خف الضغط على دفاع الأهلي كثير ولعبو دفاع متقدم ووصلو الى نص ملعبهم في المقابل كان المفترض ايعاز دونيس للاعبين بعد اكتشاف هالخطأ بخروج ادواردو الضغط على حامل الكره وتضييق المساحات بشكل مثلثات على كل لاعب اهلاوي يستلم الكره والأولى لو تم اشراك ياسر بدل ادواردو حتى لو انه منقطع عن المباريات الرسميه لكن وجوده بحد ذاته واسم ياسر بحد ذاته يربك اي فريق يعرف هاللاعب وحجمه هذي اسباب الخساره ويبقى السبب الأهم ان الله ماكتبها لنا

الهلال سئ من اسواء المباريات اللي لعبها وهدف الاهلي نفس هدفهم الاول في الذهاب العرضيات سوء التغطيه دفاع الهلال هو ديقاو بلاجحفلي بلا كواك كلهم يرتبكون وسيئين في التغطيه كوزمين تفوق على دونيس

إقتباس الرسالة الأصلية كتبت بواسطة a.raqeeb69 صراحه ، الزوري اخطاء خطاء قاتل ، بفقدانه الكره ، وبعدها اضطر العابد لاعاقة اللاعب ، هذا عيب اللاعب السعودي، فعلها حسين عبدالغني مع المنتخب امام تونس كنا متقدمين بهدفين لهدف من قدم ياسر القحطاني والاسطورة سامي الجابر ، واخر الدقايق تشتيت خاطي 'وهدف تعدل ،عاد وعنملها حسن ومالك معاذ امام البحرين للتاهل لنهائيات كاس العالم 2010 . , ثقافة اللاعب السعودي ككل هي سبب خسارة الهلال ووالمنتخب، كورة في قدم الزوري بدل الهدوء ، والاحتفاظ بالكره ورفع راسه ومحاولة تضييع الوقت ، بالحصول على رمية تماس او اخذ اللاعب في الطرف ، وكسب مزيد من الوقت ، لكن اختار التوجه للمدافع حتى قطعها منه وبدات هجمه ، واضطر العابد لارتكاب خطاء حتى يمنع هجمه خطره ، قدر الله وماشاء فعل ،لكن الاخطاء يتحملها الجميع .

كــــلااااام سليـــــم 100٪

اتفق معك اخوي حمدان في النقاط اللي ذكرتها يعطيك العافية

مشكلة الهلال في التفاصيل الدقيقة والصغيرة واللي دائما تتسبب في خروج الهلال من الاسيوية العام الماضي من كرة شبه ميته يسجل سدني هدف وهو من كان خاضع طوال المباراة لسيطرة الهلال ذهابا وايابا ولكن بدون فائدة ويتكرر المشهد اليوم امام الاهلي الاماراتي تسجل هدفين وتعود للمباراة ومايفصلك عن التأهل سوى دقيقتين ومن خطأ غير مبرر يستغل الاهلي الفرصه ويسجل ويخطف التأهل

الهلال يعاني من مشكلة لانعلم هل هي نفسية ام فنية احترنا معهم صراحة

كلامك صحيح العابد يتحمل الفاول في آخر دقيقة هجم جميع لاعبي فريق الأخويا ومنهم المدافع الكوري الذي سجل الهدف ... ماله داعي الفاول والكرت الذي سوف يحرم العابد من النهائي لو تأهلنا ... يعني في آخر دقيقة وآخر ثانية يا نواف تعطينا فاول وكرت !!! ... لايوجد أي استفادة بتاتا من درس كرت الفرج في آخر دقيقة من مباراة الذهاب !!

لكن العابد لايتحمل الخسارة يتحملها الذي قام بإشراكه في مباراة تعني الشئ الكبير للهلاليين آسيا ... دونيس

من نهاية مباراة الذهاب قلنا ما يصلح اللع بـ 5 مدافعين لكن العناد شين

شراحيلي
زوري كواك جحفلي شهراني
كريري
شلهوب - ادواردو - درويش
ناصر - الميدا

العناد على 5 مدافعين شين ... والمصيبة التغيير في الدقيقة 80 الي قلب المباراة اخرج مهاجم ودخل مدافع !! يعني تحول ورجع واصر على اللعب من 4 مدافعين إلى 5 مدافعين واكلناها هدف

كلام في الصميم والله صدقت


ولا تنسى خطاء المدرب في اخراج البرازيلي واشراك فيصل درويش مكانه وهو كان منسجم مع الشلهوب بتوزيع الكور


اقسم بالله شي يقهر

لو بدا التشكيله من الشوط الاول بدخول
الشلهوب والشمراني واخرج شراحيلي وسالم ولعب
442 كان خلصناها بدري بس مانقول الا
الجايات اكثر وباذن الله نحققها

الوسط كان مفرغا في الشوط الأول حتى نزول الشلهوب فضبط إيقاع الوسط والفريق .. كنا نرى كريري يجري وحيدا في المنتصف وهو لاعب ارتكاز .. وذلك بسبب مزاحمة سالم ونواف للأظهرة وتفريغهم للوسط .. لذا كان الأهلي يصل بسهولة لمرمانا .. ويسجل بكل أريحية ..

وبعد قلب الموازين في الشوط الثاني كان فريق الأهلي مستسلم كلياً. .. والهلال متحكم في اللعب ومسيطر على كل أجزاء الملعب .. وفجأة نرى الفريق يتراجع ويسلم المباراة للأهلي .. لا ندري لم التراجع و أنت تدرك أن دفاعك هش !!


الهلال سجل 5 أهداف في ثلاث جولات بالدوري .. وهذا مؤشر خطير على تراجع القوة الهجومية للفريق .. ال5 أهداف كان الهلال يسجلها في مباراة واحدة مع سامي أو جيرتس .. مع أن في هذا الموسم لدينا وفرة في المهاجمين .. ولكن اختفى دور الوسط .. الوسط في المواسم السابقة هو من كان يشيل الفريق .. ويمثل القوة الضاربة في الهلال .. لذا كان الهلال لايحتاج لأكثر من مهاجم واحد مع وجود وسط قوي مساند للهجوم ..

ثقافة تضييع الوقت معدومة خاصة في الاوقات الضائعة واللي هي بدل ماتمسك الكورة في ملعب الخصم ترجعها لملعبك وترتكب اخطاء

غير كذا اشوف الاعبين يشدون حيلهم في حال كانوا متأخرين مجرد ما يكونون متقدمين يتراجعون للخلف ليش هالخوف والجبن

الهلال الفريق الوحيد اللي ما يعرف يدافع اطلاقا وفي حال تراجعه يخسر عكس لما يكون مهاجم فهو يضرب الخصم من جميع الاتجاهات

غير كذا ضعف مستوى الحارس ودلاخة المدرب تسببت بالخسارة

ع العموم انتهت البطولة بالنسبة لنا اتمنى التعويض بالبطولات القادمة

يعطيك العافية

قدر الله ماشاء فعل لكن دونيس مدري ايش يبي وش محببه بالمهاجم الواحد الشوط الاول سيئ مررررررره بسبب مهاجم واحد وبعد ما اشرك ناصر اللعب الهلالي في تحسن وسجلنا الاول والثاني دووونيس لازم يغير من تشكليته لازم مهاجمين ويكون وسطك قوووي

الحمد لله الحمد لله الحمد لله وقدر الله وما شاء فعل ونحن نقف مع الادارة في السراء والضراء يدواحده والجايات افضل ان شاء الله لزعييم الاسيوي