الله يعطيكم العافية وبالتوفيق للزعيم الملكي

مرتدة!
لخصت مباراة 90 دقيقة بمرتده!
لا مخ ولا فكر ولا تكتيك ولا تكنيك ولا هم يحزنون!
الي يسمعك يقول ان فريق من جيبوتي بيلعب ضد برشلونه!
او ان الهلال به 25 لاعب مصاب وبيضطر يلعب الحميداني والمفرج بدال ديقاو والشلهوب!
يعني على الاقل قول المباريات الضعيفه نلعب بمحور واحد والقوية بمحورين..
وحتى لو لعبنا بمحورين بامكاننا نبني هجمه ونسكر الخانات اذا قطعو الكره بدون قلق او اهتزاز للفريق..

ولو تراجعت في ملعبك طول المباراة وجا عليك هدف او اثنين ستجبر انك تفتح اللعب وممكن تتقبل المزيد من الاهداف!
وبالخطه "الفريده" حقتك في حال لقمنا كم هدف اللعيبه بيكونون ضايعين مثل البهايم لان المدرب خطته "مرتده انت وياه"

حتى الفتح تجرأ وحصل على ما يريد... وبكلامك هذا... الا تستحي ان تستكثر على كبير آسيا انه يفوز بمجهوده؟

ما اقوووول الا الله يوفق الزعييم الاسيوي

المباراه 90 دقيقه
جزء منها دفاعي والجزء الاكبر مناورات في الوسط وجزء بالهجوم

انك تلعب 90 دقيقه دفاع وتقول ليه ما تتفائل والخصم يغلط ويترك مساحات
كأنك تأمل الفوز باخطاء الخصم فقط!!

ولو فرضنا انك موافق على انك تتفائل تفوز بسبب اخطاء الخصم وترك مساحات، ليه ما تلعب بخطه هجوميه وتتفائل ان الخصم مع الضغط يسبب اخطاء وتفوز عن طريقها؟

او انت تتفائل فقط ان كانت الخطه دفاعيه فقط!؟

وبعدين ياخوي.. الاداراه جايبه مدرب بملايين الريالات ومهنة التدريب والتخطيط لها علمها ومسؤوليتها
تجي تقول نوصل صوتنا للاداراه على أي اساس؟
هو انت مدرب سابق او لك خبره تديب انديه اروبيه او آسيويه؟!

مع احترامي لك ولجميع مدربين المنتدى الموقر
اعطوا الخبز لخبازه واتركوا الامور بيد رجالها
رجال نادي الزعيم زعيم القرن

^

انا متفائل والخطه الدفاعيه نجحت كثير مع فرق وجابوا بطولات بهذي الخطه واحنا لعبنا كثير في المباريات المهمه بالخطه الهجوميه وخسرناها الخطه الدفاعيه نجاحها مضمون وراح تجيب لك بطولات نسبه نجاح الخطه الدفاعيه أعلى من نسبه نجاح الخطه الهجوميه والادله والامثله كثير

انا قلت القرار الاول والاخير للمدرب والادارة هو مجرد رأي وفكرة ليه ماتبون أحد يقول رأيه ؟!

لاتنسى ان الادارة احيانا تأخذ رأي الجمهور الهلالي يعني ليه مستكثر علينا يوم قلنا رأينا .

إقتباس الرسالة الأصلية كتبت بواسطة توتو الشمري طيب فرضنا لعب المدرب بنفس خطتك امام الفرق القويه و الي تجاريك بالمستويات.. و فجاءه و مع زيادة استحواذ خصمك على الكره و جعلك في ثلث ملعبك الاخير.. و مع العرضيات صار فيه خطاء دفاعي او لمسة يد او تمثيل حتى.. و جاك بلنتي.. هل تعتقد بأن الرجوع للمباراة سهل ..مع فرق قويه..! و ان استطعت و رجعت هل تتوقع انك بتقلب الطاوله و تفوز..! اذا فريقك بطل ، و قوي ، تلعب مرتده ليه..! على اي اساس العب مرتده..؟ بالعكس بالعب بكل قوتي مع الفرق القويه ، و باباغتهم بهدف و باعزز النتيجه بهدف اخر اما بالكرات الطويله او بالكرات العرضيه من الاطراف.. ولا يعني كوني باباغت او باسجل اني اهمل المناطق الخلفيه باجعل التوازن موجود ، بجميع الخطوط و باخر 10 دقايق بالعب مرتده ما يمنع.. عموما خطة دونيس كويسه و ماشيه مع اللاعبين و معطتنا نتايج ممتازه.. و ما يبعث الاطمئنان ان الكوتش دونيس لديه خطه ثانيه في حال التعادل استمر.. المهم ان نقف خلف زعيمنا و نترك الخطه للكوتش و العمل .. دمت بود..

احسنت اخوي ، الخصم مهما كان قوي ويسجل فيك هدف يجب ان تكون اقوى وتسجل فيه ثلاثه الى اربعة اهداف ، مثل ما حصل مع دونيس ، وايام ريجي الخطه كانت دفاعيه بحته ولا نجحنا، لانه بعد كذا حاول يغير ويهاجم ولكن بعد فوات الاوان ، وخسر الهلال معه كل شيء ، مع دونيس الهلال يكسب ويعود للمباراة حتى مع حالة الارتباك اللي تصيبه ، في حال الخصم ضغط عليه او سجل فيه ، تلقاه يعود بسرعه من خلال الهجوم والضغط على الخصم ، وهذا حصل امام الاخويا ، والفتح ، اهم شي التركيز ، والقتاليه ، وعدم اضاعة الفرص .

مافيه شي اسمه لازم نلعب بخطة دفاعية أو هجومية المدرب بناء على مايتوفر لديه من لاعبين ومالدى الفرق الأخرى يحدد طريقة اللعب
الأهم اكتمال الفريق عناصريا ومحاولة الوصول إلى الأفضل
انا لازلت أرى الحاجه الى ظهير ايمن مع البريك وتصعيد محور ومهاجم من الفرق السنية
مثلا تصعيد الأفضل من القحطاني والشريد والفرحان وفلاته للمحور والمنيع والبقعاوي للهجوم وربما أيضا يفيد تصعيد البقعاوي للظهير الأيمن مع البريك
وإذا كان لابد من التعاقد فاتوقع الشهيل للظهير الأيمن وعبدالله المحمد للمحور خيارات جيده بشرط العقود لموسم أو موسمين وتتضمن شروط تحفظ حقوق اللاعب والنادي