في المباريات المهمة وأمام الفرق الكبيرة فقط السلام عليكم ورحمة الله وبركاته صباح - مساء الخير للزعماء :rose: نعم في المباريات المهمة وأمام الفرق الكبيرة لنطبقها ونغير خطه لعب الفريق وهي الدفاع وعلى الهجمة المرتده ماراح نخسر شي فيه فرق كثيره لعبت بالطريقه الدفاعيه وفازت بالالقاب والامثله كثيره والكل يعرفها ... الدفاع القوي معروف يجيب لك بطولات بالاضافه اذا كان عندك حارس قوي يعني كان المفروض من الاول الادارة تتعاقد مع مدافعين مميزين وحارس مميز الان المدافع المميز الموجود هو ديقاو أما كواك مع احترامي مو مدافع مميز وله أخطاء .. المطلوب الان من المدرب ان يغير الخطه ويلعب بالطريقه الدفاعيه وعلى الهجمة المرتده في المباريات المهمه وأمام الفرق القوية فقط :yes: صدقوني راح تشوفون نتائجها بالنهاية ايجابية والطريقه الدفاعيه تستفز الخصم وتجعله يرتكب اخطاء ويترك مساحات ونستغلها بالتسجيل والامثلة كثيرة :yes: خلاص لعبنا كثير في المباريات المهمة بالطريقه الهجومية نجحت الخطه في بعض الاوقات وفشلت في بعض الاوقات لكن الطريقه الدفاعيه نجاحها مضمون :yes: هي فكرة واعجبتني اتمنى تطبيقها وان توصل الفكره الى الادارة والمدرب والرأي الاول والأخير للإدارة والمدرب . ختاما أسأل الله العلي العظيم أن يوفق الهلال في بطولة اسيا ويجعلها من نصيبه :wub: تحياتي وأحترامي للزعماء :rose: |
الله يعطيكم العافية وبالتوفيق للزعيم الملكي |
طيب فرضنا لعب المدرب بنفس خطتك امام الفرق القويه و الي تجاريك بالمستويات.. و فجاءه و مع زيادة استحواذ خصمك على الكره و جعلك في ثلث ملعبك الاخير.. و مع العرضيات صار فيه خطاء دفاعي او لمسة يد او تمثيل حتى.. و جاك بلنتي.. هل تعتقد بأن الرجوع للمباراة سهل ..مع فرق قويه..! و ان استطعت و رجعت هل تتوقع انك بتقلب الطاوله و تفوز..! اذا فريقك بطل ، و قوي ، تلعب مرتده ليه..! على اي اساس العب مرتده..؟ بالعكس بالعب بكل قوتي مع الفرق القويه ، و باباغتهم بهدف و باعزز النتيجه بهدف اخر اما بالكرات الطويله او بالكرات العرضيه من الاطراف.. ولا يعني كوني باباغت او باسجل اني اهمل المناطق الخلفيه باجعل التوازن موجود ، بجميع الخطوط و باخر 10 دقايق بالعب مرتده ما يمنع.. عموما خطة دونيس كويسه و ماشيه مع اللاعبين و معطتنا نتايج ممتازه.. و ما يبعث الاطمئنان ان الكوتش دونيس لديه خطه ثانيه في حال التعادل استمر.. المهم ان نقف خلف زعيمنا و نترك الخطه للكوتش و العمل .. دمت بود.. |
مرتدة! لخصت مباراة 90 دقيقة بمرتده! لا مخ ولا فكر ولا تكتيك ولا تكنيك ولا هم يحزنون! الي يسمعك يقول ان فريق من جيبوتي بيلعب ضد برشلونه! او ان الهلال به 25 لاعب مصاب وبيضطر يلعب الحميداني والمفرج بدال ديقاو والشلهوب! يعني على الاقل قول المباريات الضعيفه نلعب بمحور واحد والقوية بمحورين.. وحتى لو لعبنا بمحورين بامكاننا نبني هجمه ونسكر الخانات اذا قطعو الكره بدون قلق او اهتزاز للفريق.. ولو تراجعت في ملعبك طول المباراة وجا عليك هدف او اثنين ستجبر انك تفتح اللعب وممكن تتقبل المزيد من الاهداف! وبالخطه "الفريده" حقتك في حال لقمنا كم هدف اللعيبه بيكونون ضايعين مثل البهايم لان المدرب خطته "مرتده انت وياه" حتى الفتح تجرأ وحصل على ما يريد... وبكلامك هذا... الا تستحي ان تستكثر على كبير آسيا انه يفوز بمجهوده؟ |
تدري المشكلة مو في الخطة ، المشكلة ان ماعندك لاعبين عندهم خصائص دفاعية كَ سد الصين سابقاً عزيز والغامدي ! مافيه محور إلا كريري ولياقته ماتسعفه تخليه يكمل مباراة كاملة حتى ،، فريق الهلال لاعبينه يميلون للهجوم البحت عندك سالم والكعبي والعابد كلهم خصائصهم الهجومية تفوق خصائصهم الدفاعية بل حتى اشك ان عندهم قدره على افتكاك الكره بشكل سليم وغير كذا خطة قفل واللعب على المرتدة بتخليك في حالة خطر دائم وتلعب بأسلوب الفريق المتواضعة انا معك ان الاسلوب مايهم اهم شيء تحقيق الانتصارات والذهب ولكن الواقع يقول الهلال لايجيد إلا لغة الهجوم فقط بس المشكلة والعائق الوحيد هو إنهاء الهجمة وصدقني مافيه شي ينقص الهلال بعدها |
ما اقوووول الا الله يوفق الزعييم الاسيوي |
الله يعطيك العافية وبالتوفيق للزعيم الملكي |
توتو الشمري انا قلت طبق الخطه الدفاعيه بشكل محكم وان شاء الله ماراح تجي أخطاء لازم نتفائل طيب ليه ماتقول ان الخصم بيرتكب اخطاء وبيترك مساحات وبكذا راح نستغلها ونسجل اهداف أثبتت الخطه الدفاعيه نجاحها والامثله كثيرة :yes: hilalicanada لالالا ركز في كلامي ماقلت مرتده وحده في 90 دقيقه قلت مرتدات والمرتدات يجي منها اهداف وراح تجيك مرتدات كثيره في 90 دقيقه . طيب انت بتقابل فرق قويه في اسيا ومو عيب انك تلعب خطه دفاعيه امامها بالعكس تفتح اللعب بتنهزم يعني انت ماتابعت الفرق اللي لعبت بخطه دفاعيه وفازت ببطولات فيه امثله كثيره منها عالميه واسيويه وانت عارف هذا الشي . خلاص لعبنا بالخطه الهجوميه كثير في المباريات المهمه وخسرناها خلونا نغير الخطه ماراح نخسر شي سعد الحسيني والله اني عارف ان فيه لاعبين ماعندهم خصائص دفاعيه لكن الشكو لله دافع وسوا اللي عليه وشتت الكرة وزيد العدد بالمناطق الدفاعيه وانا قلت كان المفروض من الاول نتعاقد مع مدافعين مميزين وحارس مميز لكن هذا الموجود وترى فيه فرق لعبت بخطه دفاعيه وماعندهم خصائص دفاعيه ونجحت وفازت بالالقاب حتى سيدني العام ترى دفاعه فيه أخطاء لكن في الاخير فاز وفيه امثله غيرها كثيره مثل الانتر 2010 وتشلسي 2012 . تحياتي للزعماء :rose: |
المباراه 90 دقيقه جزء منها دفاعي والجزء الاكبر مناورات في الوسط وجزء بالهجوم انك تلعب 90 دقيقه دفاع وتقول ليه ما تتفائل والخصم يغلط ويترك مساحات كأنك تأمل الفوز باخطاء الخصم فقط!! ولو فرضنا انك موافق على انك تتفائل تفوز بسبب اخطاء الخصم وترك مساحات، ليه ما تلعب بخطه هجوميه وتتفائل ان الخصم مع الضغط يسبب اخطاء وتفوز عن طريقها؟ او انت تتفائل فقط ان كانت الخطه دفاعيه فقط!؟ وبعدين ياخوي.. الاداراه جايبه مدرب بملايين الريالات ومهنة التدريب والتخطيط لها علمها ومسؤوليتها تجي تقول نوصل صوتنا للاداراه على أي اساس؟ هو انت مدرب سابق او لك خبره تديب انديه اروبيه او آسيويه؟! مع احترامي لك ولجميع مدربين المنتدى الموقر اعطوا الخبز لخبازه واتركوا الامور بيد رجالها رجال نادي الزعيم زعيم القرن |
^ انا متفائل والخطه الدفاعيه نجحت كثير مع فرق وجابوا بطولات بهذي الخطه واحنا لعبنا كثير في المباريات المهمه بالخطه الهجوميه وخسرناها الخطه الدفاعيه نجاحها مضمون وراح تجيب لك بطولات نسبه نجاح الخطه الدفاعيه أعلى من نسبه نجاح الخطه الهجوميه والادله والامثله كثير :yes: انا قلت القرار الاول والاخير للمدرب والادارة هو مجرد رأي وفكرة ليه ماتبون أحد يقول رأيه ؟! لاتنسى ان الادارة احيانا تأخذ رأي الجمهور الهلالي يعني ليه مستكثر علينا يوم قلنا رأينا . |
إقتباس:
|
^ طيب مع كوزمين الخطه كانت دفاعيه ونجحنا وشف كوزمين الحين مع الاهلي الاماراتي خطته دفاعيه وفاز بالذهاب على الفريق الايراني في ايران يعني على مشارف نصف النهائي واذا قابلنا الاهلي راح تكون مباراتنا صعبه معهم لانه بيلعب دفاع وعلى الهجمه المرتده . يا الله يازعماء عطونا رأيكم |
مافيه شي اسمه لازم نلعب بخطة دفاعية أو هجومية المدرب بناء على مايتوفر لديه من لاعبين ومالدى الفرق الأخرى يحدد طريقة اللعب الأهم اكتمال الفريق عناصريا ومحاولة الوصول إلى الأفضل انا لازلت أرى الحاجه الى ظهير ايمن مع البريك وتصعيد محور ومهاجم من الفرق السنية مثلا تصعيد الأفضل من القحطاني والشريد والفرحان وفلاته للمحور والمنيع والبقعاوي للهجوم وربما أيضا يفيد تصعيد البقعاوي للظهير الأيمن مع البريك وإذا كان لابد من التعاقد فاتوقع الشهيل للظهير الأيمن وعبدالله المحمد للمحور خيارات جيده بشرط العقود لموسم أو موسمين وتتضمن شروط تحفظ حقوق اللاعب والنادي |
الوقت المعتمد في المنتدى بتوقيت جرينتش +3.
الوقت الان » 07:58 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd