طول بالك جزاك الله خير .... والشي هذا تم اخذه والموافقة علية هو لقرب المسافة بين العاصمة
البريطانية ومكان معسكر الفريق .... فحسابيأ الوقت والزمن والمكان والفائدة للجميع
لهذا تمت الموافقة

نعم كلامك في محله والواجب
ان إدارت الهلال أصدرت بيان
موجه لجمهورها العظيم
تشرح فيه فوائد نقل المباراة
إلى لندن وتحسس الجمهور
انها مسويه له إعتبار ولكن
دائمً غلطت الشاطر بعشره

لازال الموضوع مجرد موافقة من الاتحاد السعودي بتصويت ورفع للجهات عليا يعني ممكن يرفض جملة
وتفصيلا
لذلك لايمكن لإدارة النادي ان تتعجل وتوضح لماذا اقدمت ع هذه الخطوه يمكن يكون من وجهة نضرها من
مصلحة الفريق في فترة الإعداد وامور لا نعلم انها الان لعل هناك توضيح فلا نتعجل الأمور وان لم يحدث
توضيح مقنع من إدارة الهلال فأنا معاك فلعتب وخطأ من الاداره يجب ان نشير اليه ويوصل صوت جمهور عملاق اسيا ليس تكملت عدد

المساله مب مسالة رضا جمهور او الجمهور ر قم واحد نحن اعتقد ووصلنا لمرحلة صعب نشكك في مدى مصداقية اداراتنا .. وعلى راسهم الأمير نواف بن سعد لكن ياعزيزي الرجال يدفع من ماله وقته لاجل النادي ف هو صدقني حريص اكثر منا على النادي .. والدعوه فيها مليون دولار .. مايعادل الأربع مليون ريال وههذه ترجع لها بفايده للهلال ان شاءلله ..

انا قبل كنت معارض بس بعد ما تذكرت ان معسكر الهلال في اوربا المباراة هذي رح تكون آخر مباراة في المعسكر وبكذا تستفيد مباراة قويه في نهاية المعسكر وقريبه منك
على فكرة ليس دائما رأى الجمهور صحيح ولنا في إيمانا خير مثال

مباراة اعتبرها نقلت الى ارض الخصم وش صار يعني ؟ ولا تدورون شي على الادارة ؟
اذا تبغى توضيح اطلب من الاتحاد السعودي مش من الهلال

اي صوت هذا اللي بتوصلوه

المفروض موضوعك هذا كان على المباراه الوديه بين القدامى والمنسوبين وغير هذا الكلام احنا وثقنا في الامير نواف بن سعد وهو ادرى بمصلحه الهلال وين

مصلحه النادي ؟

م شفنا اي كلام اي شي من الاداره اللي شفناه الاتحاد صار له اسبوعين يختار والانديه توافق
الاتحاد بحث عن المداخيل اللي بتجيه،، م فكر بسمعه الكره السعوديه اولا ولا فكر كيف يلبي احتياجات الكوره
المداخيل اللي يسولف عنها من وين بتجيه من الجمهور
يعني بالاول والاخير الجمهور هو اللي بيرفع وهو اللي بينزل ايه

انا م احارب اي رئيس للهلال ان اضع النقاط ع الحروف لم اتكلم عن صفقات اللاعبين لن اتكلم عن المدرب لن اتكلم عن مايخص الجهاز الاداري لان هذا عمل الاداره وهي كسبت ثقتنا ونعلم انها تتوجه لطريق الصحيح
لكن انا اتكلم عندما يهمش بالجمهور .. عندما تسحب المباراه ... عندما يغرد اعلاميين بان هذي نقله نوعيه للكوره السعوديه
لتعلم عزيزي ان هذي هي حفره نوعيه لم نسمعها بتاريخ المستديره

ف كافه اتحادات العالم يهتم للجمهور اولا ..

طيب خلني اكون معك ان هناك مبالغ طائله وصفقه تنفع الاتحاد السعودي
وش بيسوي بالمبلغ وش بهبب .. وهو ماغير اجتماعات حتى مدرب للمنتخب م اختار للحين ع كثر هالاجتماعات

انا وانت عاشقين لهذا الكيان ،، لكن لن نرضى ان نهمش

المباراه الوديه كانت عمل خيري لن ادخل بالتفاصيل

وانا ماقلت اني ضد مصلحه الهلال لكن هذا الكيان لمين !! لمن يدفع اكثر والا للجمهور ؟؟؟

وانا ضد ان الجمهور هو اللي يختار اللاعب يعني يوم تقول مو دائما الجمهور ع حق الجمهور يجعل الاداره لها كافه الخيارات ويحاسب الاداره نهايه كل موسم

لكن كلامي هذا واضح ان اتكلم ان المباريات هي ملك للجمهور مش لغيره اذا كان كلامي هذا غير صحيح فلا يحق للاداره ان تطلب المسانده من الجمهور وله حريه الخيار ام بالحضور او عدمه

لان التهميش اشوفه كبير جدا بحق الجماهير العاشقه التي جعلت اسيا تهاب هذا الكيان