الف الف الف مبرووووك
انا كنت باالبيت وقبل المبارات كلمت اخواني وولد اختي
قلت لازم نحضره سوى عندي ومتعودين المباريات الاسيويه
يجون عندي لان الاستراحه فيه فقراويه ويشجعون ضد الهلال
جمهور مسيار متعود المهم قلت هاالمبارات نبي سوى المهم
جو وحضرنا سوى وكنت متفأل واقول بحول الله لنا الكأس
ولما جاء هدف النصر مافقدة الامل الى اخر لحظه اقول بحول
الله يرجع الهلال وهم يقولون خلاص الوقت وانا اقول مادام
ماصفر الحكم بحول الله يرجع الزعيم الى هدف الغاااااالي
الجحفلي وياربي وشلوووون كنااااا انا فرحاااااان لان ماخاب
ظني بزعيمنا الغالي وبعد المباراااات للفجر ندووور عروس
الشمااااال حايل فرحااااانيييين باالاعلام الهلاليه ويارب افراحنا
دووووووم وياقلبي يا الشلهوب والجحفلي وربي متى
ماشفته راح اسلم عليه واقووووووول الله يسعدك دنياء واخره
مثل مااسعدة الامة الهلاليه يارب فرح فرح فرح جنوني
وللحيييين الفقراويه اللي اعرفهم يتهربووون عنا
ياربي دوووووووووووووووووووم فرحكم يازعماء

الف مبرووووك البطوله ...

اما الشعور الى هذه اللحظه بعد 5 ايام لم اتعرف على شعوري الحقيقي ولازالت الفرحه تغمرني بكل دقيقه ...

احمدالله واشكره ...

قسم بالله كنت ناوي اتعلق في مروحة السقف
من شدة الفرحه وقتها ادركت البطوله هلاليه

بالملعب انا عانى 800 كيلو عندى احساس اننا نفوز سبحان الله نزل الشلهوب تغيرلعب الزعيم اللاعبين اكثرهم هلك من الرطوبه بس ربك اراده للهلال والحمد لله بس لاعبين النصر ماعندهم اخلاق تمنبت ناصر بقى ماطلع لانهم دفاعهم وقف وقت ناصر

والله أخ سالم كنت متخوف مره ويوم جاء الهدف صرخت بقوه ووقتها أمتدت المباراة للأشواط الإضافية عرفت أن الهلال بيفوز
والحمد لله جاء الفوز وهو ماخطط له المدرب القدير دونيس .
صراحه مدرب يخطط ويكسب هذا مانريده صح

انا اول شي نطيت من الفرحه

وصوتي انبح

ههههه

أنا كنت في الملعب جاي من الرياض وقبل نهاية المباراة بدقيقتين طلعت من المدرجات ومامداني اطلع لسة في الممشاء الى اسمع لأصوات الجماهير والتفت على الملعب واشوف الفريق يحتفل طبعا ركضت ركض عشان ارجع لكرسيي وفرحها وقتها كانت جنونية ...

قبل لااقول كيف شعرت خلوني اوصفلكم شعوري تجاه المباراة .. كنت واثق من الفوز قبل المباراة وكثيرا ماتصيب توقعاتي .. لكنها قد تخطأ .. هذه المرة ذكرت لمن حولي قبل المباراة ان موضوع الفوز اكيد 100٪ وهذه لأول مرة في حياتي اجزم بنتيجة مباراة .. في داخلي كنت افكر ستنتهي 4 على الاقل ان لم يكن 5

ولما بدأت المباراة كنت متفائل بالتسجيل طول المباراة حتى وان قل تفكيري انها ستكون تاريخية .. لما جت الاشواط الاضافية خفت .. لكن لازلت متفائل جدا .. جاء هدف النصر ولم يغير من تفائلي .. لكن قبل نهاية المباراة بثلاث دقائق شعرت باني في واقع مزيف وان المباراة تسير في مصلحة النصر .. هنا بدأت اخاف بقوة ولكنني لازلت متفائل حتى جاء الهدف .. طبعا انا بين اصحابي .. وكنت اذكر لهم تفاؤلي وواحد يضحك يقول خلاص خلصت وانت متفائل ببرود عجيب .. الشخص ذا نصراوي .. لما جاء الهدف نقزت وصفقت وصحت باعلى صوووت .. ثم اعطيته النظرة الخنفشارية ههههههههه يعني ها موب تفاؤلي في محله .. جت البلنتيات وانا زاد تفاؤلي تفائل بها هههههههه والحمد لله من قبل ومن بعد

حظنت ولدي بشكل ماتوصف وانا بالكويت حمدت ربي عز وجل وسجت لله تضرعا وشكر من ربي العالمين .

انا طوال المباراة موطي التلفزيون وايقنت بالخسارةبعد الجحفلة الله لايوريك
انتهت ضربات الجزاء طلعت لعيالي (تراي شايب )وانا اشير لهم بعلامة القوة
النوم مانمت هاك الليلة
رحت اصلي الفجر وانتظر الجماعة يباركون لي بس ماحصلت غير طير شلوى ابو نواف واخذنا بعض بالاحضان والجماعة يطالعوننا لاسيما وحنا مصلين العشاء مع بعض
نسيت لاقولكم بعد النهاية كلمت حبيبنا ابو نواف ومن الفرحة قعدنا حوالي ربع ساعة تقول وش قلت له اقولك انا مدري وهو مايدري

هذا الهدف يذكرني بهدف الاعب خالد الغانم الله يرحمه
في اخر ثانية والشباب كان متقدم بهدف واذكر اخر الدقائق وانا اتفرج على اكثر الجماهير وهي
طالعه من الملعب الا وهدف خالد في المقص سبحان الله نفس الشعور ونفس أللحظه
في كلا المباراتين الجمهور الهلالي اللي بدا يطلع رجع من صراخ الجمهور،،
فرق اللحظتين او المباراتين الاولى كنت مراهق والثانية شايب الديمن ههههه
المهم كنت اطامر في كل الهدفين لا شعوريا،،
الله يدوم أفراحك يازعييييم،،

كنت فرحان جدا لاني حسيت أن ابني الصغير 8 سنوات هلالي من جد و وصرت اقفز من الفرح انا وولدي بس حسيت بضربات قلبي اختلت شوي وجلست ارتاح وسلمت الرايه لوليدي

انا والله يشهد اني بعد هدف النصر غيرت القناة وتوضيت ورحت صليت ركعتين وقعدت ادعي واستغفر وجوالي جنبي الين خلصت المباراة إلا وتجيني رساله من واحد اهلاوي مكتوب فيها مبرووووووووك
طبعا انا ما استوعبت الرساله وخفت انه يطقطق قلت له الحمدلله الهلال ماكان في يومه والنصر أخذها لأنها مكتوبه له الرجال قالي وش تقول انت شكلك ماشفت المباراة اقولك الهلال فاز بضربات الترجيح وقتها حسيت أن الرجال صادق قلت له احلف يوم حلف إلا وانقز ارجع القناة واشوف احتفالات الهلاليين بصراحه كان حلم وعموما انا لي سنتين أصبحت
ما أتحمل مشاهدة المباريات الحاسمه أو الديربي حق الهلال واكتفى بمعرفة النتيجه لاحقا
الحمدلله علي توفيقه وإنشاء الله تتكرر فرحتنا هالسنه بكأس السوبر وآسيا والدوري ومبا يأت الهلال المهمه وكل عام ونحن من حسن إلى احسن

من هدف النصر وانا قاعد اسب باللاعبين والمدرب وماتوقعت ولا 1% انه يجي هدف باخر الدقايق
حتى اول ماجا الهدف من الصدمه مافرحت ! سكتت توقعت الحكم بيلغي الهدف او شيء بعدها سجدت شكراً لله بعد عودة الأمل
وحسيت انها مكتوبه لنا بعد هدف جحفلي باخر دقيقه .. ونفس الشعور جاني بعد هدف راموس بنهائي ابطال اوروبا