ياجماعه الخير ،،

حقائق ودي اوضحها لـ هلالنا هذا الموسم ! . .


لاتتباكون على النصر لانه اخذ الدوري " بالتحكيم "

ولا تتحطمون من نهائي ولي العهد " سوء مستوى "

ولاتنقهرون من نهائي اسيا المسلوب " بالتحكيم "

لو كان معنا فريق حقيقي ، ولاعبين يحرثون الارض

كان مافرطنا بـ البطولات هذا الموسم

نهائي اسيا : الغلطه من الاداره في اقالة سامي وجاء ريجي وخبط بأم الفريق لاتقولي خسرنا النهائي تحكيم وثلاثه بلنتيات وكذا !! ،، لو كان معك لاعبين صح ويجيدون التسجيل من ارباع الفرص ،، كان بتدخل خمسه اهداف اقل شي في النهائي ،، وخلي الحكم وقتها مايحسبها .. !


نهائي ولي العهد : لاعبين متخاذلين + مدرب سباك .. + قوة الاهلي
، الاهلي استحق البطوله بجداره وبرضوا اكرر السبب اشباه اللاعبين اللي عندنا


الدوري .. : بغض النظر ان النصر اخذه بالتحكيم ~ لو كان الهلال استغل مبارياته مع الفرق الصغيره وفاز كان جبنا الدوري وحسمناه قبل ماينتهي بجولتين ،، لو نلاحظ الفرق بين الهلال والنصر " 10 " نقاط ..
تعادلنا مع الفيصلي وهجر والرائد وانهزمنا من العروبه ،، 2+2+2+3 =9 نقاط
يعني 9 نقاط ضيعناها كانت بإيدنا وماجينا للفرق الكبار تعادلين مع الاهلي رايح جاي وتعادل مع الاتحاد وهزيمتين من النصر رايح جاي وهزيمه من الشباب !! خليكم من الفرق الكبار ،، تخيلوا لو فزنا في النقاط اللي خسرناها من الفرق الصغير مع فوز وحيد على احدى الفرق الكبار، ، كان الحين ابطال الدوري ، ،

ايش يعني هذا ؟ ؟!

كل اللي حصل بسبب تخاذل اللاعبين وتخبطات الاداره والمدربين !!

اتمنى ان لاتتكرر الموسم المقبل .. !

الحذر ثم الحذر ،، ان نقع في مصيدة السنين العجاف ،، الاهلي 34 سنه بدون دوري ،، النصر قبل عامين 20 سنه بدون بطوله ،، الاتحاد من جرف لدحديره ~
الهلال صار له سنتين بدون بطوله وخمس يسنين بدون دوري وياخوفي تطول !!!!!

اتمنى ان نجلب كأس الملك فقط ومن بعده كاس السوبر وتكون انطلاقه ناريه للزعيم !!!

اتمنى الاعداد من الان للموسم المقبل ،، لانريد اشباه اللاعبين ،، نريد لاعبين يحرثون الارض ويقدرون ويحترمون شعار النادي والجمهور ،،

تعاقدوا ، نسقوا ، اعيروا ، استعيروا ،،

تمتلكون خزينه مليئه بالاموال ~

النادي المليارديري ،، هيبه وجاه !

وش ناقص ؟!

نمتلك كل مايتمنوه الانديه !!

والسلام عليكم ورحمة الله وبركاته

اخوكم ابراهيم ..