العابد يعتذر إليكم يا جماهير الهلال - نادي الهلال السعودي - شبكة الزعيم

XabdulazizX · #1 24/03/2015, 01:54 AM

قام اللاعب نواف العابد بالإعتذار للجهاز الإداري و الفني و الجماهير بسبب عدم مرافقته للفريق في مباراة فولاذ الإيراني وسمح له مدرب الفريق بالعودة للتدريبات الجماعية بعد خضوعه لبرنامج تدريب انفرادي وخصم 50% من مرتبه. هذا وقد وعد اللاعب بتقديم أفضل ما لديه في الفترة المقبلة كـ تعويض على ما بدر منه وأيضا من أجل محاولة إسعاد الجماهير الهلالية.

زعيم المشآعر · #2 24/03/2015, 04:46 AM

يعتذر بالانضباطية العالية والمستوى المؤثر داخل الملعب
الكل يقدر يعطي وعود وكلام ..

أبـــ تاكي ـــــــو · #3 24/03/2015, 04:53 AM

طاااااااح الحطب يانواف.

واتمنى بشدة ان تنتبه لمستقبلك " لاتضيع نفسك " الصاحب ساحب على قولتهم.

عندك بطولة اسيا وكاس الملك نبغاهم يانواف منك ومن نجوم الملكي " جيبوها "

خيال هلاليه · #4 24/03/2015, 05:14 AM

تصرف صائب وسلـيم من نواف
وأتمنى انه يكون عند كلامه ومتأسف ومتندم .. وانه راح يحاول يعوض الفريق ويقدم أفضل واحسن ماعنده .. ان شـاءالله
ويـارب يظل منضبط على طووول ومايكرر أي غيابات وتأخير من غير عذر

hilalicanada · #5 24/03/2015, 05:15 AM

كلام لازم يسمعه ويحطه حلقه باذنه...
تراك ما انجزت مع الهلال شي عشان يجينا منك كل هالغطرسه والاستهتار بالنادي والجمهور...
كل الي جبته كم دوري على ولي عهد... غيرك جايب لنا 6 بطولات آسيويه... ولا قل ادبه مثلك...
لاتصدق عمرك لمن شويه المبزره الي فرحانين فيك على هدفين وسحبتين...
وآخرتها بيروح اسم نواف العابد اللاعب الموهبه لادراج النسيان...
اي نعم... ماحد بيتذكرك... لا انت ولا باقي اللاعبين...
الكل بيتذكر الي يحقق بطولات كبيره مثل آسيا...
خل البزوطه و الرقص و تسحيب ينفعونك...
لمن يصير مصيرك مثل عزيز والجمعان...

وعلى فكره... ترى مركزك ماعاد مضمون مثل اول... فيه عزوز و كعبي و العمار وغيرهم من الاولمبي
عندهم الروح و الموهبه... وبعضهم افضل منك بعد...

على العموم... مسامحينك الحين... نبي نشوف آخرتها معك... وعسى ان يخيب ظني فيك...

مارد الهلال الازرق · #6 24/03/2015, 05:31 AM

نشـــــــــــــــــــــــــــووووف

هلاليه زي القمر · #7 24/03/2015, 06:03 AM

اكيد بنتقبل عذرة لاننا عارفين انه يحب الهلال وان شاءالله ماعاد يعيدها لان في الهلال مافي نجم فوق النادي اطلاقا ايا كانت نجوميتة

الفرص قليلة في نادي بحجم الزعيم اذا ما حافظ عليها بتفوته واللي بيخدم شعار الهلال راح ينحط ع رؤوس الهلاليين واذا كان العكس الهلال مايوقف ع لاعب

يعطيك العافية

هلاليه زي القمر · #8 24/03/2015, 06:03 AM

اكيد بنتقبل عذرة لاننا عارفين انه يحب الهلال وان شاءالله ماعاد يعيدها لان في الهلال مافي نجم فوق النادي اطلاقا ايا كانت نجوميتة

الفرص قليلة في نادي بحجم الزعيم اذا ما حافظ عليها بتفوته واللي بيخدم شعار الهلال راح ينحط ع رؤوس الهلاليين واذا لا الهلال مايوقف ع لاعب

يعطيك العافية

ابوهديل الزبيدي · #9 24/03/2015, 06:03 AM

لا اعتقد بان العابد سوف يوفي بهذا الوعد وليعلم نحن كجمهور لهذا الكيان الكبير لن ننسى نكباته مع زعيمنا وسوف يلحق بمن هذبوا مع النسيااااااان

أبو محمد الأول · #10 24/03/2015, 06:08 AM

شكرا
الكل يتمنى الهلال يانواف
لاتعمي عيونك بيديك
أعوان الشركثر وصديقك من صدقك
أنت المسؤول عن نفسك ومستقبلك
أرجو لك الهداية والتوفيق

ابوفيصــل · #11 24/03/2015, 07:02 AM

تدري وش علاجك يانواف علاجك الزواج وتترك المراهقه والسفر والسهر صدقني الزواج بيخليك تستقر نفسيا

#ابوخالد# · #12 24/03/2015, 07:42 AM

كفووووو لأنه كفو الاعتذار من شيمة الكباااااار

نتمني عودته سريعاً فهو ثقل في الفريق ووجوده دعم

العابد يؤثر عليه اعلام قوي مثلما يؤثر علي ناصر

عبدالله حكمي · #13 24/03/2015, 08:41 AM

سوف تتكرر لاحقا .. وسترون ..
لا يهمني الاعتذار بقدر ما يهمني حزم الإدارة والانضباط ..

على خطى عزيز ..

الصماk · #14 24/03/2015, 09:23 AM

الإعتذار سمة الكبار..
وأرجو أن يكون منهم.

عـ الهلالي ـبادي · #15 24/03/2015, 09:27 AM

المستوى المعهود والانضباطية التامة في قادم الأيام هي من يحدد ذلك