[ALIGN=CENTER]

الله لايهينك انت وياه اقطع الاتصال
عشان ماتخسر الشايب وتمخمخ على قرايه الموضوع

الكثير منا يعرف المغازل وماجر غصنه <<< معناها (( ماتبعه )) << فهمتوا ياجيل النيدو
يعني لايخفى على كثير منكم قصص حصلت للمغزلجيه من التماسيح او الضفادع.
قبل ماابدء بذكر مواقف حصلت للمغزلجيه احب اعرفكم على المغازل
والفرق بين مغازل منول ومغازل هالجيل.<<< اقول منتب عاقل يالخبره


عــــرف المغــــــازل ؟؟<<< عليه ( 3 ) درجات <<< متاثر بالاختبارات

هو حركه جنونيه وقد تكون في بعض الاحيان تهوريه من التمساح او الضفدعه
لجلب انتباه الاخر لااعطاءه الرقم او الايميل << يقولون طايحين فيها ذا الايام
والله وتطورتوا يالسعوديين صرتوا ترقمون بالايميلات .....


الفرق بين مغازل جيل الحليب والاقط وجيل النيدو والهمبرقر <<< (10 ) درجات << اشرح بالتفصيل << اكره هالسوال مدري ليش ؟؟<<< لانه يقضى الحبر يالبخيل هههههه

اببدء بمغازل منول ايام سنه السبله <<< اقول منتب عاقل يالشايب


يطلع اخونا التمساح <<< ترى مااقصد ابوي وابوك هههههههههههههه
من بيتهم ويصير خابر وقت طلعت بنت جيرانهم من البيت ويجلس يتميلح
عند باب جيرانهم ويصفق اخوياه وبنت جيرانهم ماجابت خبره
المهم اذا طلعت بنت جيرانهم جاك يمشى مليون مسوي فيها
والمشكله شكله ماشاف عمره وابقولكم بعض مواضفاته
اول شي تلقاه حافي ورجليه ممشقه ههههههههه وثوبه متشقق
وخصوصا المخبات تلقاه شاق نصه مسوي فيها ولد نعمه
يقصد انه من كثر فلوسه انشق مخباته هههههههههههههههههههههههه
وطاقيته الزري اللي ماتقدر تميزها هي طاقيه ولا بيز
المهم بنت جيرانهم الضفدعه << ترى مااقصد امي وامك
مسويه فيها ثقل وهي رايحه في خرايطها عاد ابتسامه من اخونا
التمساح وتظهر سنونه الصفر واحمرار في خدود الضفدعه
ومن بعدها يصيرون احلى ثنين بالحاره <<<<< يازين مغازل منول

مغازل جيل النيدو والهمبرجر

مغازل هالجيل سهل وخصوصا ان الضفدعه تتحكم في التمساح هههههههه الاماندر
يعني تاخذ منك الرقم عند الاشاره وبعدها ب 100 متر ماخذه من واحد غيرك
بس خلوني اقولكم الطريقه المشهوره في المغازل وهي اكيد بالسوق
يجيك اخونا التمساح لابس ثوب <<< لا والله هالايام طايحين في البدلات
اللي سروالها يدخل فيها 3 صعايده من الحجم العائلي لا وعليهم الوان
بعد تفقع العيون خلونا في حقين الثياب لاني مااداني حقين البدلات
يجيك داخل السوق ولابس ثوب يسحب في الارض ومن بياض الثوب
تقدر تشوف النفر اللي في جسمه ههههههههههههههه ولاننسى الشماغ
اللي مخلص عليه نشا كامل وحاط لك ذيك الكوبرا وتلقاه مايلتفت لايمين ولايسار
يخاف تخرب الكوبرا <<< مابينهم فرق هو والمحنط واذا شاف الضفدعه ضاعت علومه
والمسكين مغير مطامر وراها وهي معطيته اشكل المهم يطاردها من محل لمحل ويتميلح
وهو سنونه المكسره << من كثر مايحشش والضفدعه مسويه ثقل وهي والله انواع الاغراء ريحه الطيب تصك في العقل واللي ذا العبايه المخصره ولا ذا العيون المكلحه والمزركشه يعني انواع الاغراء عاد اذا ملت منه الضفدعه عطن وجه عاد اخونا التمساح مايصدق تلقاه كاتب كل ارقام عائلتهم ههههههه << حتى سواقهم كاتب رقمه ...المهم يمد لها الرقم والضفدعه تاخذهويجلس اسبوع على اسبوعين ليين تدق عليه عشان تصير ثقل او يمكن عندها غير هالتمساح تسلى معه <<< الله ابوه حب تعرفينه

ابذكر لكم مواقف حصلت للمغزلجيه وهي مواقف صدقيه <<< ترى مااعرف ااكذب

الموقف الاول ( الرياض )


هذا واحد من التماسيح دقت عليه ضفدعه بالغلط واعتذرت الضفدعه وقالت اسفه انا غلطانه
وسكرت السماعه التمساح عاد ماصدق ان بنت دقت عليه وطار في العجه وعلم كل عيال الحاره وصار عيال الحاره يتمصلوحون معه عشان يعطيهم الرقم وهو عاد مسوي حميه يقول خويتي<< الله ابوك ...حتى دقيقه ماجلست معها المهم التمساح ارسل لها رساله اخر الليل ودقت عليه البنت قالت فيه احد مرسل رساله قال ايه انا قالت له وش تبي قال ابي اتعرف قالت مافيه مانع المهم علاقتهم استمرت لمده شهر وطلب انه يقابلها بس الضفدعه رفضت وحاولت تصرفه قالت له انا شينه وسمراء ومن هالكلام ... التمساح لزم انه يشوفها
ووافقت الضفدعه ... تواعدوا في المطعم الصيني على طريق الملك فهد الضفدعه سبقته للمطعم دخلت وجلست على طواله ودقت عليه وعلمته رقم الطاوله المهم دخل التمساح المطعم يوم دخل الغرفه اللي فيها خويته وقف وتفاجء وانهبل وصار وجه ملون <<< احس انكم بتقولون تقرب له ..لا توقعكم غلط طلعت الضفدعه فيها عرق نيجيري يعني طلعت كحله فحمه التمساح قال لها انتي (؟؟؟) قالت ايه قال والكوبه وحط رجله وطلع من المطعم ومن عقبها صار مايكلم ضفداع

الموقف الثاني ( الرياض _ الخبر )

هذا واحد من التماسيح مشبك له ضفدعه عن طريق النت وتطورت علاقتهم وصاروا يكلمون بعض عن طريق الجوال المهم البنت من اهل الرياض والولد من اهل الخبر ومع تطور علاقتهم ومثل العاده طلبت البنت مقابله الولد << اكيد مستغربين المهم الرجال زهب اغراضه ومشى للرياض ويوم وصل استاجر له فندق وسكن وريح ويوم اذن العشاء دق عليها عشان يواعدها في مكان اتصل ومن هالكلام الخرابيط ...المهم البنت اعتذرت قالت اليوم مااقدر اطلع معك ويحاول معها الولد يمين ويسار ولاقدر رجع للشرقيه وهو ماقابل ولاشاف <<< تلقاه انواع النصب على اخوياه يقولهم شفت وطلعت وسويت وهو ماغير قابض ذا الخطوط ... المهم اتصلت عليه البنت وتاسفت له وواعدته الاسبوع الجاي ووافق الولد
مر اسبوع وراح للرياض ودق عليها المهم البنت ( المستفضدعه ) << ردت وهي ماتدري
انه خويها التمساح<< يعني ميب بنت ردت بصوتها الصدقي <<< اصلا هي تمساح المهم الولد انهبل قال من انت ؟؟ عاد المستفضدع خربها وقال انا كنت العب عليك يالمخفه .. الخ المهم ولد الشرقيه صار امبير الظغط عنده 500 ...قال له ولد الشرقيه والله انك لعبت على بس والله انك خفيف دم ومن هالحكي بس ياليت اشوفك الحين ودي اسلم عليك قبل مااسافر الشرقيه المهم المستفضدع صدق قال خلاص << والله المخفه صدق
المهم ولد الشرقيه ماصدق انه شافه اول ماشافه طب في حوض بطنه وصفقه ليين بغى يموت المستضفدع ورجع ولد الشرقيه لاشاف ضفدعه ولا شي .....

الموقف الثالث (الرياض )

يوم من الايام كنت في سياره واحد من الشباب ومعنا 2 نفر زياده يعني المجموع 4 واحد من اللي معنا صوته اطلق من البنت ويجرجر انواع التماسيح <<< بس انا ترى ثقل ماقدر جرني الا عشر طعش مرههههههههههههههههه المهم وواحد ثاني توه مطلع جوال ... اللي صوته بنت كان راكب قدام واللي توه مطلع جوال كان راكب وراء ..دق المستفضدع على خوينا بصوت بنت وجلس يكلمه وخوينا مصدق وحنا في نفس السياره يوم جلسنا 10 دقايق وعلمناه وقام يضحك على نفسه <<<< شر البليه مايضحك


مايستفاد من الموضوع
1/ لاتغازل وحده الا وانت قازها صح ومرقمها يد بيد
2/ لاتهمك عيون الضفدعه ترى اكثر اللي تحت البراقع مخادع
3/اذا بغيت تثبت ان خويتك بنت او مستفضدع خله يكح او يضحك بصوت عالي
4/ اذا غازلت بنت ودقت عليك شف كان رقمها بفواتير ولا سوا
لان ضفادع هالايام غاثين التماسيح كل يومين تبي بطاقه سوا<< الله ابوها الظاهر تشحن لشغالتهم


سي يو
فيصل;)[/ALIGN]

هههههههههههههههههههههههههههه
حلوه

إقتباس إقتباس من مشاركة فيـصل [ALIGN=CENTER] [COLOR=blue مايستفاد من الموضوع بيد 2/ لاتهمك عيون الضفدعه ترى اكثر اللي تحت البراقع مخادع 3/اذا بغيت تثبت ان خويتك بنت او مستفضدع خله يكح او يضحك بصوت عالي 4/ اذا غازلت بنت ودقت عليك شف كان رقمها بفواتير ولا سوا لان ضفادع هالايام غاثين التماسيح كل يومين تبي بطاقه سوا<< الله ابوها الظاهر تشحن لشغالتهم[/COLOR] سي يو فيصل;)[/ALIGN]