ليش ما تقول سيدني كشف ضعفنا الهجومي ولا نضحك على بعض

الهلال محتاج مهاجم وصانع لعب على مستوى الزعيم
وبيرجع هلال المتعه الذي تعودنا عليه

الهلال وسدني ماكانت مباراة كشف المستور .. بل كانت مباراة جبان امام بطل
والي كان يحمي هذا الجبان هو الحكم وخلاه يفلت

بعض التحليلات الكروية تعتبر وسوسة
اهم شي لا توسوس

مشكلتنا إداريه بوجود المفرج وانا بأقعد ازن بهالموضوع الى ان يتم تغير المفرج الهلال بحاجة اداري قوي شخصية او على الأقل يملك شخصية يساعد المدرب على النجاح اللاعب السعودي لا يكفيه مدرب قوي لازم مع المدرب اداري عليه الكلام

أبـــداً ..
هالتكتل الدفاعي والخطه الدفاعيه البحــته اللي تنتهجها الفرق ضد الهـلال من زماااان مو بس من مباراة سيدني وانه كشف سر الهلال !!!
لكن كان فيه خطة مدرب وفيه لعيبه تلعب وتقاتل ومافيه انانيه واستعراض !!
هنا الفـــرق ...

نتمنى ان يكون حكمنا في هالمدرب اليوناني غلط ويكون أفضل للفريق ...
مالنـا إلا الصـبر

المتابع لهلال يعلم ان هذه ليست مسألة جديدة فكل الأندية تلعب امام الهلال بخطة دفاعية محكمة

لكن مايفرق حاليا هو وضع الفريق " النفسي " أكثر من التكتيكي .

فيه طرق تخلخل لك دفاعات الخصم مو كثل امس الا يلعبون عرضيات طول المباراة وكلها فاشله غير تكتيكك طيب هذا برشلونه الكل يلعب ضده مدافع ويصقعهم بالنتائج

البلا والله في المدربين اللي تجيبها ادارتك يعني هل يعقل امس الاستحواذ سبعين وفوق والفريق يلعب على مرمى واحد والمحصلة تسديدة واحده ع المرمى !!!!!! والله لو تقولها لاحد ما يصدق

وين راح هجوم الهلال اللي كان يضرب الاندية الكبيرة قبل الصغيرة العام اللي فات

حسبنا الله ونعم الوكيل باللي تسبب متعمد بالاطاحه بالهلال سوا كان هلالي او غيره

يعطيك العافية

ياعمي الهلال مافيه صناعة لعب ولا فيه اطراف تخترق ولا أظهره ترفع أوفرات زي الناس كل السالفة الواحد يركض بالكوره ثمن يشوتها وين ماتروح تروح بكيفها هذي الخلاصة الهلال بحاجه إلى عمل أكثر الهلال بحاجه إلى ثقه أكبر وبالتوفيق لملكي المملكة

وش رأيكم في إسلام سراج مهاجم نادي الفيصلي أنا أتوقع إنه مهاجم جيد بما أنه محلي .. زنوا على الإدارة وطالبوا بالتعاقد معه

يابوي المشكله ذي من قبل سدني

من ايام الحزم اذا تذكر في كاس ولي العهد .. مرورا بأم صلال ثم ذوب اهان

ان شاء الله تنحل في القريب العاجل بحول الله وقوته


لاهنت اخوي




يارب وفق الزعيم ~

حسبنا الله على نيشمورا اذا احد قال سدني تذكرته على طول

خساره الهلال من سدني يتحملها المخرب ريجي

لا كشف سر الهلال ولا شيء كل الموضوع ان سدني المحظوظ ماواجه الهلال الا بعميد المخربين ريجي الجبان ابو مهاجم واحد في الذهاب والاياب ضد فريق مستسلم ومسلم له الملعب بالكامل وفي الدوري مارس نفس الاسلوب على عكس ابو عبد الله اللي كان يفترس الخصم با الاربعات والخمسات والاهداف كان يسجلها المهاجمين من اول ثواني المباراة مثل ماحدث في رباعية الفقر وخماسية السد

والله يستر من دونيس اليوناني اللي يلعب باسلوب مشابه للمخرب رغم ان الحكم مازال مبكرا عليه