يازعماء الرجاء قراءة هذا الموضوع قبل موضوعي هذا الي كتب قبل نهائي اسيا بشهرين !!

اما ان يعود سامي والثنيان ... او يأتون بمهاجم اجنبي .. والا !!!

____________________________

من الاخر ..

مدرب اتضح انه صارم و (( سباك )) في نفس الوقت !

ولن ينفع مع نوعية لاعبينا مرهفي الاحساس !

يبي يفرض شخصيته على حساب مصلحة الفريق ..!

تغيير السالم تأديبي بسبب غلطة الهدف !

مع العلم ان الهدف جاء بسبب تأخر عطيف .. وخطأ بتمركز قلوب الدفاع !

____

احب اطمنكم ان المدرب مارح يطول لنهاية الموسم كما هو معلن !

ليالي العيد تبان من عصاريها ..! ونحن الضحية ..! ولكن هذه المرة ستكون موجعة جدا !!

وربما تكون الكارثة على يد هذا (( السباك )) ..!

وهي فرصة لاتعوض لاصحاب الخمسات للانتقام !

بتقولون بدري احكم عليه ..!

اقولكم فنيا : ان اسوأ لاعب الشوط الاول كان الزوري ..

من البديهي سامرانس مكان الزوري ... ويرجع الفرج ظهير ايسر للاستفادة من عرضياته ..!

______

المدرب لم يبحث عن الثلاث نقاط من البداية .. لهذا خسر !

كان واضح اسلوب اللاعبين في اللعب هو قتل اللعب وبطؤ الرتم ..

وهالاسلوب معروف عن الفرق والمنتخبات اليونانية !

دائما ماتكون نتائجها تعادلات او فوز بفارق هدف او ضربات ترجيح ..!

ويلعبون على الاخطاء وخطف الاهداف وتخدير الفريق المنافس .. وهي طريقة تطابق اسلوب فريق سيدني الي خطف فيها البطولة !!

وسبق لليونان تحقيق كأس امم اوربا بهذه الطريقة .!

وللعلم هذه الطريقة ممتازة جدا وناجحة مع الفرق المتواضعة فنيا والتي امكاناتها المادية ضعيفة ..

وهالاسلوب يحتاج نوعية لاعبين لهم خبرة ومحترفين بمعنى الكلمة !

ولن ينفع مع لاعبين محترفين بالاسم فقط .. لايعرفون معنى الانضباط و الصبر والتركيز طوال90 دقيقة !
___________

ولهذا اراهن كما راهنت سابقا قبل نهائي اسيا بشهرين بان الهلال لن يحققها للاسف .!!!!

واقول لكم بان المسؤولين بالفريق لن يصبرو كثيرا .. لان بالاساس مافي تخطيط .. ويوم جابوه ماهم عارفين اسلوبه بالاساس !!

سيبدأ اللاعبين بالتذمر والملل من اسلوبه وسيبدأ مستواهم بالانخفاض ... !

وربما تحدث للهلال كارثة في المباريات المقبلة ... بل اتوقع انه سيتلقى نتيجة كبيرة ...!

وسيقال بعدها هذا السباك !!

__________________

سلام

سباك وصارم ما تصير

امدااااك حكمت ؟؟؟؟ وش هالنظره الثاقبه عندك

عسى ما الشرط الجزائي كبير هالمره ؛(

يارجال طير بس وش المدرب ذا الي تبغاه يفرض تكتيكة في اول اسبوع

اتوقع المدرب بعد المباراه الجايه يطردونه فاشل. اذا الحميداني قوي يطردونه . سيبيريا موجود....

الله يعطيكم العافية وبالتوفيق للزعيم الملكي

سلامااااااااااات

تونا باول مباراه وطلعته سباك

وفوق انه سباااااااك ( صارم ) ..!!

اقووول بس كيف الحال^__^

ماشاهدناه من المدرب في مباراة السد لا يبشر بالخير

تغييراته لظهيرين غريب جداً وخروج السالم وابتعاد سامراس عن المنطقة كارثي

لكن مباراة واحده لاتكفي للحكم نتأمل ان يغير هذا المدرب نظراتنا

مع اني غير متفائل به ابداً خصوصا انه يلعب بمهاجم وحيد

سيبيريا كان افضل ومعه عاد بعض من الهلال

مدربنا الجديد اذا استمر باللعب بمهاجم وحيد سيكون ريجي آخر

المدرب ناله ذنب مع فريق لايملك مهاجمين

الشرهة على السباكين الاداريين وعلى راسهم ابن مساعد ورط الفريق

بلاعب كرة طائرة محسوب كلاعب محترف وصفقات باهضة نتيجتها التعاقد مع لاعبين درجة اولى -جحفلي ودرويش -

بالله كيف تريد الفوز ولايوجد مهاجم تتوقع منه يسجل!!!

اجل هجوم الزعيم ماغير السالم ولابديل له في حالة الاصابة!!

من انتكاسة لأخرى تخلصنا من الرمان توهقنا في يونان!!!!

مشكلة لما يدير الفريق لايعرفون كرة القدم إلا بالمشاهدة في التلفزيون!!!!

من المبكر الحكم عليه

ولكن المدرسة اليونانية متحفظة دفاعية لاتؤمن بالهجوم او الضغط على الخصم

استغرب من اللي يقول الفريق ماعنده هجوووم ويحط اعذار لليوناني!؟

السالم والكعبي وسامراس كلهم يستطيع اللعب بهم مهاجمين

طلع الاول وحط الثاني والثالث وسط معناها مايبي يفوز وللاسف هذي طريقة الكرة اليونانية والرومانية وطقتهم

الهلال عاد لانه بدا اللعب بمهاجمين وجاء هالمدرب وبيرجعنا لطريقة ريجي

للاسف ان هذا المدرب استمر اكثر من الشهرين الي توقعتها

عارضني الكثير ..

والنتيجة 6 اهداف في مبارتين

هزيمة تاريخية من التعاون

هزيمة من الاتحاد بالاربعة

والكثير من المصائب هذا الموسم

ناصر كان ضحية ودفعنا الثمن .. مع عدم قناعتي الكاملة بأن يكون مهاجم الهلال سعودي .. ولكنه كان افضل السيئين

موسم للنسيان

آسيا انسوها حتى وان تأهل الهلال لدور ال16

لن نتجاوز دور ال16 بهذا الفريق الا ان حدثت معجزة !

عاجل:عضو شرفي هلالي بارز يتلقى امس موافقة من المدرب الروماني كوزمين على العودة من جديد لتدريب الهلال

المصدر:قناة الكاس