احس بروز المدرب من عدمه يعتمد في الاول والاخير على عوامل نفسيه وتعامله مع اللاعبين لو تجيب احسن مدرب تكتيكي وتعطيه كل الصلاحيات وتجيب له اللاعبين اللي يبغاهم وتعامله مع اللاعبين سيئ ماراح ينجح وراح يتغير رغم انه جيد مشكلتنا نعلق كل شي على المدرب واللاعب ماعليه اي شي |
ماحبيت انه يعتمد ع الدفاع لكن الاهم من ذلك ان شخصيته قويه خليه يهجد بعض الاعبين بالتوفيق له وان شاءالله وجهه خير علينا ويحقق الكأس ويتأهل لدور الثمانية باسيا ويحقق مركز متقدم بالدوري يعطيك العافية |
إقتباس:
قلنا المدرب لازم ياخذ فرصته مستحيل يجي مدرب وعلى طول نحكم عليه... ويعدين اذا على التعامل النفسي والله الاعبين كل يوم يجون بنفسيه غير .. يعني اذا قعد يراعي نفسية فلان وعلان ماخلصنا ... عندك دكة احتياط جيده الاعب ابو نفسيه خله يجمد على الدكه لين تتعدل نفسيته ... غيره يكون جاهز نفسيا وعلى الدكه حرام |
إقتباس:
الله يعافيك يازعيمه... فعلآ الهلال خلق ليهاجم لكن لاننسى ان الفرق اللي يقابلها الهلال تلعب بخطة 9دفاع مع الحارس ومهاجم واحد يلعب على المرتدات ويسجل وكذا احراج كبير للهلال.. لازم يلعب بتوازن بين الدفاع والهجوم كذا افضل |
الى الآن المدرب بالنسبه لنا غامض وغير معروف واي مدرب يحتاج الى ستة مباريات تقريبا ليتبين اسلوبه وادائه وملامح فكره في ارض الملعب عموما اي هلالي يتمنى ان ينجح المدرب على الرغم ان توقيت المدرب خطأ فادح ولم يتعلمو من اخطائهم الموسم الماضي عندما استبدلو سامي بريجي في عز المنافسات الاسيويه لكن ارجو من الله ان يكون المدرب له بصمه سريعه وان يتفهم اللاعبون طريقته واسلوبه بسرعه فهذا من مصلحتنا ويجب على اللاعبين بذل الجهد المضاعف للتركيز فيما يريده المدرب والله يوفق هلالنا |
إقتباس:
انتي كذا سبيتي نفسك بنفسك هههههههههه الله يسعدك ويصلحك ماحط راسه براسك يابنت الله يهديك . هدي اعصابك الدنيا دنيه ماتسوى ^_^ |
بالتوفيق له مع زعيم اسيا ... بارك الله فيك |
إقتباس:
امدام مالك علاقه بالموضوع لاتدخل مع احترامي لك افهم الموضوع وبعدين ناقش فيه |
بالعقل !! المحلل خالد بيومي قال أنه مدرب إمكانياته ضعيفة ولا يناسب الهلال طبعاً هناك من رد أن هذا حكم مستعجل وسابق لأوانه لكن أيضا كما أنه هناك من أو يعيب على المدرب أو يقلق من سيرته الذاتية فيكون الرد عليه بإنه استعجل الحكم كذلك من يضع مواضيع فيه مدح لتجارب سابقة للمدرب فهو أيضاً استعجل الحكم قبل البدء بالمنافسات وظهور عمل المدرب !!!!!! لماذا تؤخذ الأولى والثانية تهمل ما حدث مع ريجي المفترض يكون درس فلحظة قدومه ما قصرت حسابات إعلامية هلالية بمديحه وطريقة تدريبه ...... وأنه عنده مدرب لياقي مميز وغيرها !!!! فلا نرضى الحكم السيء أو الجيد أو محاولة إعطاء انطباعات سلبية أوإيجابية حتى يتأكد الأمر للجمهور |
اقول زعيمنا يحتاج مدرب عصبي لان العصبي دايم عنده فلسفه في التدريب ريجي هادي وما نفعنا لكن كوزمين عصبي نااار وصنع فريق لا يقهر وجهة نظر ومشكور على الموضوع الرائع وعموما اذا صدق الخبر بالتوفيق لدونيس في معقل الكؤوس |
مدرب مغمور ممكن يقدم شي كبير حتى يثبت نفسه اهم شي انضباط اللاعبين بدون انضباط اللاعبين بخطط المدرب ما راح ينجح أي مدرب |
شكراً لك على التقرير ... والتوفيق اولاً واخراً من الله ... يجب ان يكون هناك ادارة شديدة وعدم التهاون والتخاذل مع المقصرين مع اين كان . يجب ان يكون هناك مبدا الثواب والعقاب , مثل ما كان يطبقها الامير الراحل عبدالله بن سعد رحمه الله عليه , وان يكون هناك لجنه ثلاثية . يجب الانتباه للعيبه اللي يسهرون ومحاسبتهم كونهم محترفين مع تغير الفكر الكروي للاعب المحترف . ومطالبه جميع اللعيبه بالعب بالروح قبل الجسد . بخصوص البرامج الرياضية ولله الحمد ما اتابعها بس قراءت عنها في المنتدى . لازم على الادارة محاسبة اي لاعب يصرح لهم سوء لقناة العربية او روتنا او الصحف الورقية الاكترونية وخاصه اصحاب النكابات ابو بلوت والمطرود من اجتماع النادي يا عسكري طلعه برى . ما يحتاج ذكر اسمائهم . الله يوفق الزعيم الملكي موكس ابو تركي |
الله يعطيكم العافية وبالتوفيق للزعيم الملكي |
اغلب اقالات المدربين الغلط من اللاعبين وليس المدرب بنسبه 65 الى 70 ٪ من اقالات المدربين كان نقص من اللاعبين والمدرب ماله دخل |
اهم شي اصبروا عليه تراه ماسك الفريق في نص الموسم و بدون تحضيرات لا تطالبونه بالمستحيل و اهم شي نتأهل من مرحلة المجموعات و بإذن الله آسيا زرقاء. |
الوقت المعتمد في المنتدى بتوقيت جرينتش +3.
الوقت الان » 02:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd