![]() |
شخصية مدرب الهلال الجديد " جورجيوس دونيس" اقتباس : شخصية مدرب الهلال الجديد .... أكد ديمتريوس بابودلس المدير التنفيذي لنادي أرتميتوس اليوناني أن المدرب جورجيوس دونيس، الذي سيتولى تدريب الهلال خلال الفترة المقبلة، له فلسفة محددة في اللعب وهي تأمين المناطق الدفاعية واللعب على أخطاء المنافس، واصفاً إياه بالرجل الطموح ذي الشخصية القوية. وقال بابودلس في تصريحاته :" دونيس رجل رائع ولديه نهم دائم للتفوق وتحقيق الانتصارات، ولم تمنعه بداياته الصعبة في التدريب من النجاح لاحقاً، بعد أن حصل على بعض البطولات في اليونان، وبالذات معنا في نادي أرتميتوس، ويمكنني أن أتحدث عن الفترة التي عمل فيها معنا بكل وضوح، حيث تمكن من النهوض بالفريق وصناعته مجدداً، وإحضار بعض اللاعبين الشبان الذين أسهموا في تحقيق الطفرة الفنية اللازمة للمنافسة على البطولات والجميع في أرتميتوس لا يمكن أن ينسوا العمل الذي قدمه دونيس جيورجوس في النادي، لقد قضى معنا هنا في نادي أرتميتوس ثلاثة أعوام رائعة ". وأضاف :" دونيس رجل هادئ ويتعامل مع الأزمات الطارئة في غرف الملابس بحكمة، وفي المقابل شخصيته صارمة في التدريبات، ودائماً ما يطالب لاعبيه ببذل مزيد من الجهد، لديه القدرة على إدارة الأندية بشكل ممتاز، وفنياً هو لديه فلسفة واضحة يرددها، حيث يقول دائماً لنا إنه يجب علينا إن لم نفز ألا نخسر، بمعنى أنه حريص بشكل واضح على تأمين المناطق الدفاعية وتنظيم اللعب في وسط الملعب وتنويع الأداء الهجومي عبر صناعة الفرص بالضغط على المنافس أو اللعب على أخطائه ". وحول رأيه في نجاح دونيس مع الهلال، قال :" دونيس عمل بشكل مميز مع الأندية التي دربها في اليونان سابقاً، ولديه تجربة جيدة للغاية خارج البلاد مع أبويل القبرصي، وحصل معهم على البطولات، والجميع شاهد الأداء الجيد الذي قدمه النادي القبرصي في دوري أبطال أوروبا ". وزاد بابودلس :" في السابق كان لديه بعض العروض الجادة من الخليج وتحديداً من بعض الأندية القطرية، ولكنه رفضها آنذاك، بسبب رغبته في الاستمرار بشكل أطول في اليونان، والآن لديه تحد آخر في محطة جديدة ويحتاج إلى بعض الوقت من أجل التعود على أسلوب الحياة هناك وسيكون بعدها بخير ". وأنهى قائلاً :" وجود جورجيوس ساماراس الذي يلعب الآن لمصلحة نادي الهلال عاملاً مساعداً بالنسبة لدونيس جيورجوس بكل تأكيد في التعرف على المعلومات اللازمة عن النادي واللاعبين بشكل خاص والوضع المعيشي في السعودية على وجه العموم". المدرب واضح انه كويس وعنده خبره كافيه .... ومانقول الا الله ينفع به الفريق وبشرط لاعبين الهلال وبذات اللي في بالي يتعاونون مع المدرب... ماهو كل فتره يتم تغيير المدرب والخلل في اشباه الاعبيه... لازم يعطون الشعار حقه ويحترقون عشانه ... ماهي دايم براس المدرب.... انتهى |
واشوف مواضيع مدري وش الهدف منها تطرح وتسب في المدرب ونقل " خبث القوس وبرنامجه ومحللينه اللي الله اعلم انهم باعوا ضمائرهم... في حرب القوس على الهلال ولو دفع دم قلبه.... والهدف قلب جمهور الهلال على الاداره واستمرار المشاكل... والتقليل من المدرب في نظر الجمهور والاعبين... لكن حذرنا كثير لكن البعض مايستوعب... قلنا مليون مره يازعماء... يازعيمات... اي شي او خبر يطلع من العربيه وبتال القوس لاتصدقونه ، القوس معروف انه يرشي المحللين اللي يتعاقد معهم ... محاوله منه احباط جمهور الهلال وبيدخل بروس الاعيبه انه مدرب فاشل عشان اشباه الاعيبه يحطونها براس المدرب اذا قصرو او فشلو... طبعا جريدة الرياضي والمريسل وجريدة النادي والبكيري اقذر واخبث من القوس يجب عمل بلوك عليهم وعدم نشر اخبارهم في منتدانا ،،، لوبي اصفر خبيث مايتعب ولايمل فقط محاولة استمرار المشاكل في الهلال خلونا على قلب واحد ندعم الاداره والمدرب والاعبين هذا المطلوب من جمهور الهلال الان استمرو في وقفتكم مع الفريق بكل ماتقدرون عليه... لكن العتب على بعض الجمهور اللي ينقل كل مايطلع من هالبرامج والصحف الى منتدى الزعيم... |
اتمنى انه ما يكون مقال تلميعي بقدر ما نتمنى انه يكون حاضر لغرض غير الغرض الفلسفي في الملعب كون انه هادئ او عصبي ما يهم .. اللاعبين مو مناسبينه الي يهمنا النتائج فقط |
إقتباس:
اقدرغيرتك علئ فريقك ومساندتك له قلنالهم اكثرمن مليون مره اتركوا عنكم البرامج ونقل مايقولونه لاانهم بصراحه منبع التعصب الرياضي كنت متابعه لهاالبرامج يوم كانت سنعه وتفكيرهم ايجابي الحين لااكره شي اسمها برامج رياضيه هذي عبث برامج رياضه |
على فكره فيه لعبه خبيثه تنفذ الان واغلب الجمهور مرت عليه... القوس يجيب مدرب النصر يعترف ان النصر استفاد من التحكيم المريسل يعترف ان النصر استفاد من التحكيم مطرف بعترف ان النصر استفاد من التحكيم.. هي لعبه لتغطيه على الارهاب اللي يمارسه خبيلان على الحكام واجبارهم على مساعدة النصر في الفوز طيب غصب.. واللي نشوفه في الملعب.. وقدام عيونا. واللي يصير في مصلحة النصر ماهي اخطا تحكيم هو امر مدبر واستخدام نفوذ خبيلان في المباراة وتخوفين الحكام... غير كذا وحركة ان القوس واشكاله يمثلون دور الاحتراف وانههم يعترفون بفوز النصر بتحكيم لعبه وفلم جديد ... |
إقتباس:
!! قلتلك موضوع لمن يهمه الامر مااحتاج رايك في مواضيعي انتي بذات |
إقتباس:
سالت محلل فني معروف وميوله والله ماهو هلالي قال المدرب كويس وممكن يحقق بطولات بس قال لازم الاعبين يتعاونون معه ويساعدونه... |
يعطيك العافيه يامهتم على الموضوع الرائع وبالتوفيق له مع الزعيم ولاتهتم لمن يسعون وراء البلبله وتأجيج الجو وإطلاق الأحكام الإستباقيه وإسطوانة كل مدرب أوروبي سباك فإذا كانوا المدربين الأوروبيين في نظرهم سباكين تدريبيا فأحب أطلق على من يسعى لمثل هذه الإسقاطات بأنه سباك فكريا يعتمد على ماينقل دون أن تكون له نظره واقعيه ومتأنيه ويجيرها لمنظوره مثل هذه القله والشواهد عليهم كثيره لاتلقي لهم بال هم مجرد نقاله لا أكثر ولا أقل |
إقتباس:
تسلم لي ياغالي والله ثم والله ان لو يرجعون جمهور الهلال زي اول ويد وحده وضد كل من يحاول يشوشر ويخلق المشاكل في الاعلام الاصفر المنحط ،، مستحيل احد يوقف الهلال وقالها الراحل عبدالله بن سعد لكن مشكلة الهلال منه وفيه... https://vine.co/v/O5lwjjEqOhH |
الله يوفق ونشوف تأثيره الايجابي على أداء اللاعبين . أهم نقطه أتمنى أشوفها على اللاعبين التقليل من الاحتفاظ بالكره واللعب الجماعي وباسلوب سريع وخصوصا من سالم الدوسري ونيفيز والشمراني لاحظنا عليه في المباريات الاخيره الاحتفاظ بالكره ولا نستثني سماراس ايضا يحتفظ بالكره كثير . وأتمنى التركيز على ياسر الشهراني بالاوفرات , والسديري يحتاج توجيه بالخروج للكرات العاليه والتسديدات البعيده . الله يوفقه مع الزعيم ويتاقلمون اللاعبين مع المدرب الجديد بسرعه لان الوقت جدا ضيق . |
انا شفت إنجازاته الصراحه الرجل خسائره كثيره |
والله العظيم سبق اني اخذت عهد بيني وبين جمهور منتدى الهلال ان لا نشاهد برنامج مكار القوس والحمد لله لم اشاهد برنامجة من سنة واكثر ولا افكر فية |
إقتباس:
تحاربني علئ أشياء تافهه خل مواضيعك لك وبعدين انالي الحريه اردعلئ اي موضوع |
إقتباس:
وانا مثلك ولله الحمد... لا اتابع القوس ولا العجمه ولا البرامج في الخشبيه.... ولو اغلب جمهور الهلال مايتابعها بتصير برامجهم منهم ولهم ... لكن المشكله ان الاداره السابقه عطتهم وجهه كثيير لكن البركه في نواف بن سعد اللي ندعي انه يكون الرئيس القادم... ان يمنع حتى لاعبين الهلال من التصريح او الخروج على هالقنوات والبرامج اللي تستعمل كل اسلحتها في ضر الهلال .. والاستفاده ماليا من جمهور الهلال الكبير تخيل ان اكشن يادوري يقدم اعلان عن جريدة الرياضي الصفرا الخبيثه ويقول " الرياضي الحقيقه'! حسبنا الله ونعم الوكيل كل شي بالفلوس يصير اجل الرياضي والمريسل الدجال الحقيقه الا السفاله والدجل والنفاق |
ماهي من علوم الرجال يحط راسه براس بنيه امااناماراح انزل مستواي لمستواك فهمت وهذاخرردلي بموضوعك |
احس بروز المدرب من عدمه يعتمد في الاول والاخير على عوامل نفسيه وتعامله مع اللاعبين لو تجيب احسن مدرب تكتيكي وتعطيه كل الصلاحيات وتجيب له اللاعبين اللي يبغاهم وتعامله مع اللاعبين سيئ ماراح ينجح وراح يتغير رغم انه جيد مشكلتنا نعلق كل شي على المدرب واللاعب ماعليه اي شي |
ماحبيت انه يعتمد ع الدفاع لكن الاهم من ذلك ان شخصيته قويه خليه يهجد بعض الاعبين بالتوفيق له وان شاءالله وجهه خير علينا ويحقق الكأس ويتأهل لدور الثمانية باسيا ويحقق مركز متقدم بالدوري يعطيك العافية |
إقتباس:
قلنا المدرب لازم ياخذ فرصته مستحيل يجي مدرب وعلى طول نحكم عليه... ويعدين اذا على التعامل النفسي والله الاعبين كل يوم يجون بنفسيه غير .. يعني اذا قعد يراعي نفسية فلان وعلان ماخلصنا ... عندك دكة احتياط جيده الاعب ابو نفسيه خله يجمد على الدكه لين تتعدل نفسيته ... غيره يكون جاهز نفسيا وعلى الدكه حرام |
إقتباس:
الله يعافيك يازعيمه... فعلآ الهلال خلق ليهاجم لكن لاننسى ان الفرق اللي يقابلها الهلال تلعب بخطة 9دفاع مع الحارس ومهاجم واحد يلعب على المرتدات ويسجل وكذا احراج كبير للهلال.. لازم يلعب بتوازن بين الدفاع والهجوم كذا افضل |
الى الآن المدرب بالنسبه لنا غامض وغير معروف واي مدرب يحتاج الى ستة مباريات تقريبا ليتبين اسلوبه وادائه وملامح فكره في ارض الملعب عموما اي هلالي يتمنى ان ينجح المدرب على الرغم ان توقيت المدرب خطأ فادح ولم يتعلمو من اخطائهم الموسم الماضي عندما استبدلو سامي بريجي في عز المنافسات الاسيويه لكن ارجو من الله ان يكون المدرب له بصمه سريعه وان يتفهم اللاعبون طريقته واسلوبه بسرعه فهذا من مصلحتنا ويجب على اللاعبين بذل الجهد المضاعف للتركيز فيما يريده المدرب والله يوفق هلالنا |
إقتباس:
انتي كذا سبيتي نفسك بنفسك هههههههههه الله يسعدك ويصلحك ماحط راسه براسك يابنت الله يهديك . هدي اعصابك الدنيا دنيه ماتسوى ^_^ |
بالتوفيق له مع زعيم اسيا ... بارك الله فيك |
إقتباس:
امدام مالك علاقه بالموضوع لاتدخل مع احترامي لك افهم الموضوع وبعدين ناقش فيه |
بالعقل !! المحلل خالد بيومي قال أنه مدرب إمكانياته ضعيفة ولا يناسب الهلال طبعاً هناك من رد أن هذا حكم مستعجل وسابق لأوانه لكن أيضا كما أنه هناك من أو يعيب على المدرب أو يقلق من سيرته الذاتية فيكون الرد عليه بإنه استعجل الحكم كذلك من يضع مواضيع فيه مدح لتجارب سابقة للمدرب فهو أيضاً استعجل الحكم قبل البدء بالمنافسات وظهور عمل المدرب !!!!!! لماذا تؤخذ الأولى والثانية تهمل ما حدث مع ريجي المفترض يكون درس فلحظة قدومه ما قصرت حسابات إعلامية هلالية بمديحه وطريقة تدريبه ...... وأنه عنده مدرب لياقي مميز وغيرها !!!! فلا نرضى الحكم السيء أو الجيد أو محاولة إعطاء انطباعات سلبية أوإيجابية حتى يتأكد الأمر للجمهور |
اقول زعيمنا يحتاج مدرب عصبي لان العصبي دايم عنده فلسفه في التدريب ريجي هادي وما نفعنا لكن كوزمين عصبي نااار وصنع فريق لا يقهر وجهة نظر ومشكور على الموضوع الرائع وعموما اذا صدق الخبر بالتوفيق لدونيس في معقل الكؤوس |
مدرب مغمور ممكن يقدم شي كبير حتى يثبت نفسه اهم شي انضباط اللاعبين بدون انضباط اللاعبين بخطط المدرب ما راح ينجح أي مدرب |
شكراً لك على التقرير ... والتوفيق اولاً واخراً من الله ... يجب ان يكون هناك ادارة شديدة وعدم التهاون والتخاذل مع المقصرين مع اين كان . يجب ان يكون هناك مبدا الثواب والعقاب , مثل ما كان يطبقها الامير الراحل عبدالله بن سعد رحمه الله عليه , وان يكون هناك لجنه ثلاثية . يجب الانتباه للعيبه اللي يسهرون ومحاسبتهم كونهم محترفين مع تغير الفكر الكروي للاعب المحترف . ومطالبه جميع اللعيبه بالعب بالروح قبل الجسد . بخصوص البرامج الرياضية ولله الحمد ما اتابعها بس قراءت عنها في المنتدى . لازم على الادارة محاسبة اي لاعب يصرح لهم سوء لقناة العربية او روتنا او الصحف الورقية الاكترونية وخاصه اصحاب النكابات ابو بلوت والمطرود من اجتماع النادي يا عسكري طلعه برى . ما يحتاج ذكر اسمائهم . الله يوفق الزعيم الملكي موكس ابو تركي |
الله يعطيكم العافية وبالتوفيق للزعيم الملكي |
اغلب اقالات المدربين الغلط من اللاعبين وليس المدرب بنسبه 65 الى 70 ٪ من اقالات المدربين كان نقص من اللاعبين والمدرب ماله دخل |
اهم شي اصبروا عليه تراه ماسك الفريق في نص الموسم و بدون تحضيرات لا تطالبونه بالمستحيل و اهم شي نتأهل من مرحلة المجموعات و بإذن الله آسيا زرقاء. |
لا يصير سمراس اللي جايبه ههههههههههههههههه |
بصراحة دائما صعب تتوقع بنجاح المدرب او فشله أحيانا اسم كبير ويفشل فشل ذريع واحيانا اسم مغمور وينجح نجاح منقطع النضير الهلال دائما و لله الحمد يتفوق باحضار المدربين حتى الفاشل فيهم يدرب منتخبات بعد الهلال واسئلوا بوسيريو البرتغالي و هولمان الالماني |
عموما اللي بالقدر يطلعه الملاس وأكيد الخبر بكرا ببلاش ..... وشخصياً ... أن ضد تغيير المدرب الحالي وخاصة بهالفترة الضيقة الفريق ماشي صح , مستوى متصاعد وروح كبيرة رغم النقص اللي يعانيه الهلال بكل مباراة |
.................................................................................................... .................................. |
الله يعين اذا انه مثل مقلب سامراس الله يخلف علينا |
الله يوفقه مع الهلال شكرا لك |
خلاص الان دونيس يمثل الهلال ويجب علينا دعمه وتشجيعه فمن يدري ربما يكون هو كلمة السر التي يبحث عنها الهلال للعودة للبطولات لامجال الان في التحطيم والتشاؤم قبل ان نرى عمله وماسيقدمه للفريق نسأل الله التوفيق |
كل الهلاليين عندهم عرف وعادة وسلوم وهي دعم أي مدرب جديد ما لم يرتكب أخطاء كوارثية تؤدي لخسارة مباريات حاسمة أو بطولات في متناول اليد أو أي مدرب يقبل التدخلات في عمله أو أن يكون سمسارا يهتم بمصالحه المادية ولا يهتم بالفريق يعطيك العافية أخوي ورفقا بالقوارير |
إقتباس:
اي خسائر لو سمح الله لايتحملها هالمدرب بسبب انه جاي في نص موسم وفي وسط اقوى منافسه على مركز متقدم في الدوري في دور مجموعات،، اكرر الله يعينه على المسؤليه بصراحه... |
متابعة امثال شلة الحثالة اللي ذكرتهم تمرضّك من غير شر ! فما بالك وأنت تحرص يومياً عليها ! الوسط الرياضي أصبح بيئة قذرة لإبعد الحدود ! ناس تناست ان فيه فالآخرة حساب وعقاب للكذب والنفاق والخداع ! والإشراف الله يهديهم في منتدانا الغالي أصبح يسمح لـ بعض المواضيع اللي تنقل لنا أخبارهم ؟ انا عني ولله الحمد لا أتابع إلا مصطفى الآغا واذا جا الدغيثر أحط سايلنت هههه هالخروف استغفرالله صدقني ان الهلال ابتلي بناس طيبيييييييين آخ بس وين الهلالين اللي يردون الصاع بصاعين وينههههم ! مهما كان لابد ان يكون للهلال صوت وكلمة ! مو معقولة يقلل منه ليل نهار ويسبونه بدون رد من الهلال ! الآن كما ذكرت أنت الهلال بحاجة الى تكاتف جماهيرة وعدم تداول او تناقل عفن أعداءه فيما بينهم اخزاهم الله وتعادلو أمس وصدقني راح يتردى حالهم بعووون الله ،يقول لك المثل لاتنوي الانتقام ابداً بل انتظر عجائب القدر ! وصدقني القدر راح ينتقم للهلال خير انتقام والجاي أفضل فقط كونو خلف الكيان وكما قال رئيس رابطة الهلال ياجمهور الهلال احنا خلف الكيان والكيان فقط |
- له فلسفة محددة في اللعب وهي تأمين المناطق الدفاعية واللعب على أخطاء المنافس حيث تمكن من النهوض بالفريق وصناعته مجدداً، - إحضار بعض اللاعبين الشبان الذين أسهموا في تحقيق الطفرة الفنية اللازمة للمنافسة على البطولات - رجل هادئ ويتعامل مع الأزمات الطارئة في غرف الملابس بحكمة، - شخصيته صارمة في التدريبات ودائماً ما يطالب لاعبيه ببذل مزيد من الجهد - لديه القدرة على إدارة الأندية بشكل ممتاز، وفنياً هو لديه فلسفة واضحة يرددها حيث يقول دائماً لنا إنه يجب علينا إن لم نفز ألا نخسر، بمعنى أنه حريص بشكل واضح على تأمين المناطق الدفاعية وتنظيم اللعب في وسط الملعب وتنويع الأداء الهجومي عبر صناعة الفرص بالضغط على المنافس أو اللعب على أخطائه ". تصريح المدرب لصحيفة الجزيره كان جيد وموزون الحمد الله ادارة الهلال وفقت في اختيار هذا المدرب خلال منتصف هذا الموسم بسبب ماذكره المدير التنفيذي للنادي السابق الذي كان يشرف عليه هذا المدرب . النقاط بالاعلى جيده لمصلحة الزعيم ولكن مثلما تفضلت اخوي مهتم لابد ان يتعاون اللاعبين مع المدرب ويعطون الشعار حقه ماهي دائم يتم وضع اللوم على المدربين .واضيف على ذلك صبر الجمهور والوقوف مع المدرب والفريق الف شكر لك |
أهم شيء ما نبالغ في مدحه حتى لو حقق نتائج جيدة في بداياته مع الفريق و نتمنى من أعضاء الشرف يبعدون عن الهدايا المبالغ فيها مثل ما صار مع ريجي ، لأن العبرة بالخواتيم ، وما أقول غير ( اللهم يا من لا تضيع ودائعه استودعك هلالنا ) تحياتي |
أشكرك ياصاحب الموضوع كلامك اللي بالأحمر هو عين الصواب ملينا من سالفة... مدرب مدرب مدرب دائما المدرب كبش فداء!!! إلى متى؟؟؟ |
طريقة المدرب / تامين المناطق الخلفية دفاعيا ... س / هل سنشاهد ريجي آخر ؟؟؟؟؟؟؟؟ رغم تفاؤلنا كل مرة بالمدرب الجديد إلا أن هذا التفاؤل سرعان ما يسقط مقابل فشل المدرب ... فهل العيب في التفاؤل أم في معيار اختيار المدرب ؟؟؟؟؟؟؟ ودمتم في حفظ الرحمن . |
الله يعطيكم العافية وبالتوفيق للزعيم الملكي |
إقتباس:
المدرب السابق ريجي كان مهاجمينه ثلاثه وقدام الفرق الصغيره يبالغ في الدفاع ويلعب مهاجم واحد،،،، لكن المدرب الجديد ناصر مؤقوف، ياسر مصاب، ساماراس مايلعب مهاجم، يعني مهاجم واحد بس اللي هو السالم المدرب الجديد في مثل هالظروف صعب يجي احد يتفلسف ويطالبه باللعب بمهاجمين راس حربه ممكن يلعب اربعه خمسه مهاجمين في الهجمه يعني يصيرون مهاجمين وهمين وهذا اللي اتوقع يسويه ... |
يااخوان انتم وش تبون بهالبرامج : متعبين انفسكم ع غير فايده صراحهً انتم الغلطانين ناس تكرهكم وتدس السمن بالسم < عاكسها عبآطه :s2: مجرد فتحت المتابع ع التلفزيون ع قناة العربيه وقت عرض البرنآمج الخبيث يعتبر +1 مشآهده يعني انت قآعد تدعمه بمتابعتك لبرنآمجه المقصود من كلامي لو جمهور الهلال فقط يطنشه ومايتابعه صدقوني بيقفلون البرنآمج لان نسبة المشآهده انخفضت بشكل مهول :to: انا مااشره ع بتال والا العجمه ولكن اشرهه ع جمهور الهلال الي ينصآع خلفهم باسرد لكم قصه مادري وش المغزى بس حسيتها بتفيد هههههههه يوم كنت ورع هآك السنين كان خويي فيصل يجينا البيت وكنت كل يوم اصفقه واشوته :s2: < مدري ليش بس من بآب المحبه هع الوكآد ابو فيصل يجي ابوي الله يرحمه ويقول عويض الله من ورعكم خالد :wub: وكآن ابوي يقول امسكوا معزاكم عن تيوسنآ :d الله يرحمه حطني تيس ههههههههههههههههههههههههه :s2: فهمتو وش اقصد والا اعيد الصيآغه :wub: |
الوقت المعتمد في المنتدى بتوقيت جرينتش +3.
الوقت الان » 05:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd