السلام عليكم ورحمة الله وبركاته

تصريح الامير خالد في اكشن بخصوص الهلال وسامي من كلامه اتضحت لي بعض الامور ان النادي فيه نظام شله تتفق على المدرب مثل مشكلة الاتحاد ومدربهم اتفقوا بعض لاعبين الهلال ووصل كلامهم للاداره وشالوا سامي والشي الثاني الهلال يقابل تيار اقوى منه الدليل خالد بن طلال في تصريحه يقول حنا مادافعنا عن عبدالرحمن بن مساعد تركوه يصادم الاعلام الاصفر وغيره من الانديه لوحده وتوهق في موضوع ريجي وتحمل الشرط الجزائي وعقد المدرب الجديد لو كنت مكانه اقلت ريجي بعد مباراة سدني مباشره اللي يقول التحكيم سلبها من الهلال المدرب شريك في نحر الهلال واللعب بمهاجم واحد وشكرا



https://www.youtube.com/watch?v=v4UiyCvXHx8

رجائي لكم يااعضاء الشرف قولوا شي يبيض الوجه
ولاترززوا مكانكم الهلال مقبل علئ مباريات مهمه
مووقت هالتصاريح

الان بحاجه ان نكون على قلب رجل واحد ولكن بعد تدريب الكوتش سامي للهلال انقسم الزعيم قسمين والله يستر من القادم. ونحتاج الرجل الحكيم وكبير الهلالين هذا الوقت

للاسف هذى المره الثانيه خلال 3 اسابيع يطلع يتكلم فيها وللاسف كلامه متناقض كله يبى يثبت ان ريجى مدرب ناجح افضل من سامى ويا سمو الامير اللعيبه ما شافوا تشجيع ابدا كثر ما شافوه ايام سامى والجماهير كانت تناديهم بالأسم داخل الملعب وانت تقول زعلانين سامى اكل عليهم الجو
وبعدين الفراج سألك شلى اختلف بعد اقالة ريجى شوداك لسامى تتحدث عنه وهل هذا وقت الحديث بعد ما بدى الفريق يسترد عافيته
سمو الامير هل يعقل الملايين من جمهور الزعيم ما يعرفون وضع الفريق مع كل المدربين مو بس سامى وهل الجماهير ما تفهم الصح من الخطأ
للاسف سمو الامير جيت بتكحلها عميتها
ارجوا تقدير هالجمهور الكبير الفاهم الواعى

الله المستعان.... نبي نوحد صف الكيان الهلالي ويأتي من يفسد ذالك ...

يا سمو الأمير .. نكن لك التقدير والاحترام والحب كعضو شرف هلالي ..

لكن قسم بالله يازينك ونت ساكت ... الله يصلحك لم تأتي ولم تضف شيء

على العكس تبي تشب النار ...

أقول العمل بصمت أفضل من كل كلامك ..

خلنا نلمم جروحنا بدل من أن توغل بسهامك لشق الصف الهلالي ...

ولا اقلك الهلال أكبر منك ..

اللهم آرنا الحق حق وارزقنا اتباعه .

اللهم وفق الهلال وجماهير الهلال

قسم بالله إني كنت احترمك واحبك في الله .. وساظل أحبك فقط لكونك .. هلالي..

إقتباس الرسالة الأصلية كتبت بواسطة wdrago مردوووود عليه كلامه الامير في جزئية سامي وإدانة للأمراء بأن سامي اكل عليهم الجو يعني الامير يبي يفهمنا ان اللعيبة مابغو سامي ؟ هاذي كبيرة يا امير كيف لعيبة اسقطو سامي وهم معه من انتصار الي انتصار واذا كان هذا الامر صحيح والادارة لم تتدخل فهي مشاركة في سرقة حلم هذا المدرب

عين العقل.. كلام ما يدخل راس العاقل
شي عجيب وغريب

للاسف الامير خالد بن طلال مع احترامنا له لم يعي الدرس السابق جيدا

في نهائي ابطال اسيا خرج بتصاريح سببت ضغط نفسي للفريق قبل سفره الى استراليا

ومرة اخرى يستسلم للاعلام الخبيث ويخرج بتصاريح غير موفقه والفريق بدا يستعيد عافيته ومع بداية المعترك الاسيوي


ياسمو الامير الفريق في حاجتكم للالتفاف حوله وليس لاطلاق التصاريح هنا وهناك لاعلاميين خبثاء ولاسرار المفترض انها تكون داخل البيت الهلالي فقط وتناقش داخل البيت الهلالي فقط ياسمو الامير انت لك من الخبره ماتجعلك تتفادى في الوقوع في مثل هاذي المهاترات الاعلامية الغير مفيدة للفريق في وضعه الحالي

اعضاء شرف الهلال للاسف الشديد لم يستوعبوا ولم يتعلموا من اخطاءهم السابقة واصبح الاعلام المضاد يستثمر اخطاءهم لتدمير الهلال

تصريح اقل مايقال عنه بأنه غريب
الحين انت طالع تتكلم عن ما سيحدث للهلال
او عن ما حدث للهلال ؟!
ماصدقنا بلله الجمهور ينسا سامي ويبدا يلتفت حول الفريق
رجعت تقلب الاوراق بكلام خالي من الصحه
الاعب الوحيد الذي كان لايريد سامي هو نواف العابد
والعابد هو نفسه من اضاع ركلة الجزاء امام الاهلي
ومعروف عنه بأنه لاعب غير منضبط وسامي عاقبه
جميعنا نذكر تصريح ياسر في اكشن يادوري عن نواف العابد
وقال ان نواف مخطي واجتمعو بسامي ولم يمانع بانظمام نواف
وامتدح ياسر سامي وبقربه من الاعبين
تجي انت ياسمو الامير وتقول سامي سيء والاعبين مايبونه
لم تكتفون باقالته واخراجه من الباب الضيق وتستمرون في نحر هذا الرجل
لانريد شخصيات تصرح وانما نريد عمل داخل الملعب
اذا لديك ماتقدمه فالهلال امامك واذا تريد التصريح والشهره
فأتمنا ان ترحل ياسمو الامير

ردودكم عاطفيه زياده عن اللزوم وبعضكم يتكلم كانه جمهور الهلال انت لاتمثل الا نفسك ...الامير اعترف ان تعيين سامي خطا لابد ان يتدرج في التدريب
او يكون مساعد مدرب فتره حتى يستطيع يقود الفريق اما مباشرة الطالب يصير مدرس ماصارت

إقتباس الرسالة الأصلية كتبت بواسطة الاسطوره الخالده ردودكم عاطفيه زياده عن اللزوم وبعضكم يتكلم كانه جمهور الهلال انت لاتمثل الا نفسك ...الامير اعترف ان تعيين سامي خطا لابد ان يتدرج في التدريب او يكون مساعد مدرب فتره حتى يستطيع يقود الفريق اما مباشرة الطالب يصير مدرس ماصارت

اذا انت مع تقسيم الجماهير مرة اخرى الى مؤيد ومعارض لسامي


ومع تأجيج الفتنة مرة اخرى داخل الصف الهلالي

ومتى؟

بعد ان استعاد الفريق عافيته وبدات الجماهير في الالتفاف حول فريقها بدون انقسامات


اسمح لنا انت من تمثل نفسك فقط

إقتباس الرسالة الأصلية كتبت بواسطة مين غيرك زعيم اذا انت مع تقسيم الجماهير مرة اخرى الى مؤيد ومعارض لسامي ومع تأجيج الفتنة مرة اخرى داخل الصف الهلالي ومتى؟ بعد ان استعاد الفريق عافيته وبدات الجماهير في الالتفاف حول فريقها بدون انقسامات اسمح لنا انت من تمثل نفسك فقط

ياصبر الارض عليكم انتم وسامي يااخي مايكفي طلعنا من بطولتين وعودة الفقر للبطولات ...وريجي كثر الله خيره جاء ووصل للنهائي وسلبت البطوله بصافرة الحكم بشهادة حتى النصراويين

إقتباس الرسالة الأصلية كتبت بواسطة الاسطوره الخالده ياصبر الارض عليكم انتم وسامي يااخي مايكفي طلعنا من بطولتين وعودة الفقر للبطولات ...وريجي كثر الله خيره جاء ووصل للنهائي وسلبت البطوله بصافرة الحكم بشهادة حتى النصراويين

هههههههههههه

برافو برافو محاولة يائسة لاستدراج الجماهير للدخول في الحديث والجدل البيزنطي


بس راح اقلك مايهمني الا الهلال حاليا وراح ندعم ونوقف مع الفريق مهما خططوا ودبرتوا

وخلي شهادة النصراويين لك مانحتاجها بمنتدانا