يعني مشاركاتك واجده يعني مفروض انك من الهلاليين العاقلين!
انت تدري واقسم لك بالله لو استقال بن مساعد ان تندمون؟
وقل ماقلته سجلوها علي وذا ماصرنا تحت مركز الاتحاد وننافس على المركز الاخير احذفو عضويتي
الاستقاله موب كذا خذني جيتك هذا نادي كبير وذا صارت هلحركه الكل بيبدا يبزوط ويتبلد والمشكله ماهي في عبدالرحمن بن مساعد المشكله في نواف بن سعد الي ترك مكان كبير بالهلال وهو الي كان معاون عبدالرحمن بن مساعد ومقوي ادارته وسامي الحابر بعد بس ترك منصبه الاداري ضاع الهلال
عيب ورب الكعبه عيب الي تسوونه عيب مره ترانا من الحين بدينا نصير زي الفقراويين وتشووفون المهازل جايه بطريق طالما انتم كذا (سجلو طلباتكم وخلاص مانحتاج رئيس ولا مدرب ولا شي حنا نطلب بالمنتدى وخلاص) ووفرو فلوس ونصير اعضاء شرف وكل شي وبعدين نطلب اقالة انفسنا ونقيل الاعبين ونقيل المباني الهلاليه لانها السبب في خسارتنا البطولات وبعدين نبدا نطلب اقاله رئيس اسرائيل لانه السبب في هزيمتنا في استراليه لانه يبي يسبب فتنه بين جماهير الهلال عشان نتهاوش عشان نصير حنا العرب اعداء! اقولكم ترا داعش المشكله هم الي دمرو الهلال! ولا تدري لا ترا الي يصير بالهلال كوارث طبيعيه هي السبب خلونا نقيل الكوارث الطبيعيه!!

خلاص استقال ويوم الخميس الاستقاله على مكتب الرئيس العام ارتاح ورفض في الاجتماع اللي قبل شوي يسحبها الرجال زهق واعطى كل ماعنده وراح وترك لنا فريق بلا هويه ولا روح ولاشي الحين لا مدرب ولا رئيس ولامدير فريق زي الناس وراح نكون ضيوف شرف في اسيا

الحميداني رئيس مكلف الى نهاية الموسم..........

خلاص عبدالرحمن بن مساعد رحل اتركوا الرجل في حاله

سؤال لماذا الى الان لم يقدم عبدالرحمن استقالتة الى الاتحاد السعودي هل لا يوجد بديل ام هي لعبة من اجل امتصاص غضب الجمهور ؟.؟
هي ليست لعبه وامتصاص غضب لا الرئيس نفسيته تعبت ويرغب بالرحيل
واتوقع مسألة وقت وتصل للاتحاد السعودي استقالته خاصتاً بعد تعثر الفريق الامس .

هي فقط محاولات شرفيه معه بالتأني والصبر وتأجيل ذلك لنهاية الموسم لإايجاد رئيس جاهز يمسك زمام الامور .. صعب جداً تجد شخصيه تمسك النادي بمنتصف موسم ووضع الفريق هكذا ..مع بداية كل موسم تختلف الامور بتواجد كل شي جديد ومعسكر يتم الاستعداد من خلاله .
قد نشاهد حاليا شخصيه مؤقته فقط تقف مع نادي لغاية نهاية الموسم .
هل تؤيد رحيل الحميداني والمفرج والجاسر مع رئيس ام رحيل رئيس كافي ؟.؟
نعم اؤيد رحيلهم ورحيل غيرهم ولكن الامر بالنهايه راجع لرئيس الجديد
هو اللي يحدد ذلك .

رشح رئيس للهلال ؟.
حالياً / نواف بن سعد لما تبقى من هذا الموسم .
وبالموسم الجديد / محمد بن فيصل او خالد ابن الوليد .

الاوضاع في النادي مكركبة من كم سنة وكان الأولى الإستقالة تجي في وقت مبكر اقلها بعد نهاية بطولة آسيـا حتى لو كانت البطولة مسلوبة من الهلال لأن عبد الرحمن بن مساعد كان طموحه بطولة آسيا ولا حققها وهذا غير الأخطـاء اللي حصلت من إدارة الأمير سواء في عدم التواجد في النادي بشكل مستمر وشحذ همم اللاعبين أو التعاقدات اللي مالها لزمة وتضييع فلوس على الفاضي وأيضاً أعضـاء مجلس الإدارة اللي معه اللي ماهم الا الظهور الإعلامي والفلسفة الزايدة باستثناء حسن الناقور اللي اشوفه يقدم الغالي للنادي واتمنى ان نواف بن سعد يكمل الفترة هذي على ان يتم انتخاب رئيس جديد وأعضاء مجلس إدارة وأتمنى الرئيس يكون شخصية قيادية ويعرف يمسك زمام الأمور ويضعها في نصابها
الله يوفق الجميع
(( الهـلال يمـرض ولكـن لا يمـوت وبإذن الله رجعته قريبة ))

الاستقاله الخميس القادم على ذمة اكشن يادوري