فريق هو وصيف بطل اسيا.. ولعب على نهائي الكاس.. وباقي له بطولتين محلية وسيخوض دوري اسيا قريبا

بناء موجود وقائم لكن فيه شوي مشاكل.. البوية مضروبة.. التشطيب مش ولا بد...

هل نجي ونهد البيت كله ونبنيه من جديد بما يطلبه من وقت وجهد ومال؟
ام ببساطة نحدد مكامن الخلل ونصلحها..
يعني اضرب بوية جديدة.. غير السراميك ..الخ


خسرنا نهائي.. لاحظ.. نهائي.. باخطاء ورعونة لاعبين
النتيجة..
شيلوا المدرب
شيلو الرئيس
شيلو اللاعبين
شيلو أعضاء الشرف
شيلو وشيلو..

كذا تدخل في زوبعة مالها اخر
تهز أساس البنا
بتطلع من مشكلة الى مشكلة
تحتاج وقت أطول للتعديل والتصليح..
لا ويستغربون كيف خسرنا من العروبة
هذي بداية دوامة اذا لم يتدخل العقل فورا ليخرجنا منها ستقودنا العواطف الى اعمق اعماقها

اعتبروا بالجار الذي وصل الحال ببعض جماهيره العاطفية الى رفع لوحات تطلب رحيل الرئيس على مدرجات النادي نفسه خلال التمارين
ووقتها ضحكنا عليهم
مع كذا استمر رئيسهم وعدل الأخطاء واستثمر الأموال وأعاد فريقه بعد سنين جدباء، والا لكانوا الى الان -والله أعلم- محلك سر

الان تفعلون فعلهم
تغيير الإدارة والمدرب ليس مجرد ثوب تخلعه وتلبس غيره
خلال الأوضاع العادية يحتاج المدرب والإدارة الجدد نص سنة ع الأقل حتى نبدا نشوف بدايات .. وأقول بدايات .. بصماتهم
فهل نجي نغير نص الموسم ونتوقع النتيجة بكرا!!


هنالك انفعال ومبالغة من البعض
مع تقديرنا لحرصهم فهذا ليس في صالح الفريق
دعوا العقلاء يشخصوا الداء ويصفوا الدواء بدون تسرع

أحيانا ممكن يكون الحل في شي بسيط
مباراتي الأهلي وسيدني كان ينقص انهاء الهجمة
ربما العلة كلها في الهجوم او صانع اللعب او الاثنين
تعاقد خارجي ممكن يحل المشكلة لو مؤقتا..
هذا الكلام فرضا
فهل الأفضل تشخيص الداء وعلاجه مثلا بإضافة لاعب جديد ام تغيير إدارة ومدرب وخلق حالة لا توازن وتعمل لخبطة كبيرة وممكن في الأخير يجي رئيس جديد يعمل هالاجراء البسيط ويحل الاشكال.. لكن بعد ماذا,, وماهو الثمن المدفوع.. ماهي الخسائر المترتبة

الفريق ماهو لعبة بلايستيشن تشكله بضغطة زر او تعمل undo اذا ما عجبك النتيجة
القرارات الانفعالية تولد موجات لاتدري اين ومتى ستقف

وسلااامتكم

اخي العزيز

كأن المشكلة اليوم وليست منذ سنوات كلنا نبحث عن الاستقرار والهدوء والحلول وليتها بالبساطة التي تقول

منذ موسم ظ¢ظظ،ظ¢ والهلال يعاني من نفس المشكلة ويوجود الرئيس ولكن بدون حلول وبدائل

طبعاً انا وانت وغيرنا يتذكر كارثة اولسان وخروجنا بشكل مذل امام جماهيرنا ماذا فعل الرئيس من وقتها الى الآن

اين الحلول واين الهدوء والبدائل والاستقرار ماعمله الرئيس من موسم ظ¢ظظ،ظ هو الآتي :

- اقالات مدربين بعد اثبات فشلهم الذريع دول وهاسيك وكومبواريه ولازلاتكو وسامي الجابر كانت افضل فترة

هي نهاية الموسم مع سامي حينما بدأت ملامح عمله تظهر وتم اقالته بتعسف .

- لاعبين محليون تعاقدنا معهم لاعب لا اذكر اسمه من الانصار لم نشاهده الى يومنا هذا مسعد والجيزاني

وفيصل الجمعان والسبيعي والثنيان كحراس عطيف والحافظ والسالم والحمد قتلتهم الدكة والقائمة تطول

اسماء كثيره جداً لم ينجح منها احد .

- على مستوى الاجانب في كل موسم يتم التعاقد مع اجانب في خانة واحده احيان هجوم وبعدها محاور

وهذا الموسم كلها في الدفاع .. رغم ان مشكلة الفريق الازلية في الوسط وصناعة اللعب كل التعاقدات الاجنبية

دون حاجة الفريق .


- منذ اكثر من موسم وابناء النادي لاياخذون اماكنهم في الفريق الأول لا نعرف السبب هل الفئات السنية لايوجد بها من يستحق

أو ادارة النادي والجهاز يقتلون المواهب وابناء النادي .


- الطاقم الاداري ببداية بالحميداني مروراً بالجاسر والمفرج وبعض اداريين النادي وليس جميعهم لايستحقون العمل بالهلال .


- الادارة دللت اللاعبين والمدربين لدرجة انهم اصبحوا غير منضبطين .. هدايا للمدرب وزوجته قبل التتويج بأي بطولة

اللاعبين يعطون مبالغ وملايين ولايقدمون مايوازي هذه العقود وانظروا لعقد سالم والعابد وعزوز


- الرئيس اخطأ كثيراً ووعد كثيراً والهلال لم يتغير واصبح بدون طموح ونظرة فنية فتصريحه ان ريجي مدرب كبير وان فريقه يعطي لسنوات ..!!



اخطاء كثيره وطويلة ذكرت اهمها وفي كل موسم تتفاقم دون حلول تذكر بل بالعكس تزيد

ولك ان تستعرض كل موسم نهاية بهذا الموسم كيف ان الادارة في انحدار تنازلي بالفريق


نحب الامير ونقدر ماقدمه ولكن المرحلة الحالية تحتاج غيره الافضل له وللهلال صدقني رجوعه لن يضمن الاستقرار

يجب ان يكون هذا الموسم للنسيان ومحاولة التركيز على آسيا وكأس الملك والتفكير بالموسم المقبل

اخيراً

ليس هناك بناء حتى يكون هدم



اسف على الاطالة



شكراً

الله يعطيكم العافية وبالتوفيق للزعيم الملكي

رأي أزرق

كلامك جميل وواقعي
لكن ان صبرنا كل هالمدة.. ما ننتظر 6 شهور؟

انا اللي ابي اوصله ان التوقيت غير منااااااسب
ما تغير وسط المعمعة تغييرات جذرية
والا فالنتايج حتما عكسية
وبداينها واضحة في مباراة العروبة
والله يستر من مباراة الأهلي...

أشكرك ع التوضيح المفيد...

والله كلكم ماشاء الله عليكم شخصتو وضع الهلال وشعورنا كمحبين للهلال

لكن من حرقه على الهلال احيانا الواحد تغلبه العاطفه على العقل وبعد فتره يجد نفسه اخطأ في حق الهلال نفسه

فعلا الهلال يحتاج الى تغيرات منها كبيره اداريا ومنها مؤقته فنيا على الاقل لنهاية الموسم والتمسك باسم وهيبة الهلال

كلنا مقتنعين بان الهلال اساسه لا يهدم فهو مبني بسماكه عاليه لكن يحتاج للتدعيم سواء في الادارة او اللاعبين والمركز الاعلامي

لكن تجي اوقات لابد من وضع اساس جديد مختار بعناية ليستمر سنوات وهذه النقطه اللي تكلم فيها الاخ رأي ازرق وهي الفئات السنية مع انو من عرفنا الهلال والفئات السنية هي قلبه النابض وتذكرو اجيال الهلال السابقه بتعرفون ايش اقصد بالضبط

وحاليا في مجموعه من اللاعبين اللي تدرجو بالفئات السنية يقمون اجمل المستويات مثل سلمان الفرج والعابد ... لكن العابد يبيله فركة اذن من مدرب او مدير كره يعرف يتعامل معاه حتى يرجع لفنه وموهبته

التغير يحتاج لصبر وحنا بنصبر وندعم ونهتف ونحضر كمان لاجل شعار الهلال واسم الهلال