هل من ضيع البلنتي..عبدالرحمن بن مساعد؟ - نادي الهلال السعودي - شبكة الزعيم

الهلالاب · #1 15/02/2015, 11:38 AM

بسم الله الرحمن الرحيم

قبل مااحد يدرعم..أنا مع استقالة رئيس النادي ولكن.....

استقالته في نص الموسم..راح يزداد الطين بله ومن جفره لدحديره..

نعم بعد نهاية الموسم ..يجب استقالة الرئيس مع شكرنا وتقديرنا على ماقام به..

ماتعودنا على هذا الجحود يازعماء؟!

رجل حقق سبع بطولات وكنا قريبين من اسيا اكثر مما مضى لولا المهزله..

ومع هذا كذا ردة فعلكم على الرئيس؟

انا بسألكم وش الواجبات اللي ماسواها بن مساعد محترفين من اغلى المحترفين في اسيا كلها..

وجاب مدربين من اغلى العقود في اسيا بغض النظر عن نجاحهم او فشلهم..!!

وجدد عقود اغلب لاعبين الفريق ..ومع هذا بكل حياديه وصدق ماقصر!!

لكن المدرب عقيم واقالته في نصف الموسم راح يتضرر الهلال اكثر من جلوسه ولنا بعد طرد كوزمين عبره..تذكرون المدربين هاشيك ولكينز وكيف كان حالنا!!

اللاعبين مستهترين ولاعندهم شعور بالمسؤوليه..وقاعدين يتعازمون عند مرمى الخصم؟

بلنتي ينشات بهذه السوء ومع العلم ان البلنتيات الان اصبحت لعبة مهارة ماهي لعبة حظ كما كنا نعرف!!

يااخوان لنكن واقعيين حنا ماوصلنا حتى نص الموسم..وفعلياً راحت علينا بطولة وحدة فقط..

وباقي الدوري والكاس واسيا ...

ومثل ماصبرنا على سامي موسم كامل نصبر على على الاداراة وريجي هالموسم ونشوف..لإن في اقالتهم والله خطوره..وراح تذكرون كلامي..

عني شخصياً اطالب عبدالرحمن بن مساعد بالعدول عن الاستقاله والاستمرار حتى نهاية الموسم وعند نهاية الموسم بعد ثلاث شهور تنعقد الجمعية العموميه لاختيار الرئيس..

لنترك العاطفه قليلاً ولتجتمع كلمتنا لمصلحة فريقنا ..فالمصلحة عندنا هو الكيان...