14/02/2015, 03:18 AM
|
| زعيــم متواصــل | | تاريخ التسجيل: 18/11/2012 المكان: ابها
مشاركات: 164
| |
السلام عليكم
اولا ودي اسال ادارة المنتدى متى بتتفضل علينا وتسمح بكتابة مواضيع جديده ..
.................................................
ثانيا والاهم
الخساره موجعه
والضعف اللي في الفريق مؤلم جدا
الفريق عنده العناصر اللي تقدر تتفوق علي اي فريق مو بس في السعوديه على مستوى اسيا
ولكن المشكله انها سلمت لمدرب جاي عشان الفوس وما عنده طموح للنجاح ولا هي فارقه معه فاز خير وبركه انهزم
ما عنده اي مشكله
عشان الواحد يكون منطقي وبعيدا عن العاطفه
المدرب يحجك بانه يوصل المهاجمين للمرمى ويرى ان هذا واجبه
ومعلق الموضوع على اللاعبين
يعني مطلع نفسه منها
وما عنده استعداد يحل هالمشكله
يعني لاهو اللي ركن اللاعبين المزاجيين ولعب الناس اللي مستعده تقدم نفسها وتخدم الفريق
هنا يطلع لنا الدور الاداري والحزم وتفعيل مبدا الثواب والعاق ومنح الخانه للي يستحقها
رجي في هالمباراه اللي كانت تمثل طوق النجاه له وللاداره وللاعبين
اشرك الشامخ وترك كريري يقابل الفريق الاهلاوي لحاله
مع ان المنطق يقول انه يشرك الفرج ظهير وعطيف يسانه كريري وسماراس مع نيفيز والشمراني ويفاضل بين العابد و سالم الدوسري
في المباراة اللي كنا نحتاج ننزل بثقلنا كله تذكر لاعبي الالومبي وتركهم في المباريات السهلهاللي تدخلهم في جو الفريق الاول تدريجيا
الفريق تايه بين اداره متساهله ومدرب ما عنده اي طموح ولاعبين اتوقع انهم ماهم مرتاحين لطريقة المدرب ولا للاحمال التدريبيه اللي مستخدمها معاهم
رجي مدرب جبان
من مباراة العين وضح هالشي وتاكد في باقي المباريات
مصر على طريقته ولانه ما في احد يحاسبه لا اداري ولا فني
وصلنا لها المستوى
بالنسبه لعبدالرحمن بن مساعد
حورب من داخل مجلس اعضاء الشرف والكل عارف انه لها السبب اقيل سامي
وكان انتصار لبندر بن محمد وربعه
وللاسف ما كان البديل في مستوى سامي اللي قالو انه بدري عليه يدرب الهلال
من وجهة نظري انه الوضع تحول زي ما كان عبدالرحمن متمسك في سامي وهم رافضين
صار اللحين عبدالرحمن بنمساعد يبي يقيل المدرب والشله رافضين
صارت المساله عناد
وتخلو عنه ولهذا وصل الفريق لهذا المستوى
استقالة عبدالرحمن بن مساعد
ماهي حل وخاصه في هذا التوقيت
لانها زياده للمشكله وطعنه اخرى في جسد الكيان
كان المفروض تكون الصدمه بتغيير المدرب ولو انها متاخره
اذا كان اعضاء الشرف حريصين على الفريق يدعموه حتى نهاية الموسم وبعدها يتم التغيير
تخيلو الحميداني رئيس للهلال ؟؟
اذا ما قدر يسوي شي وهو مع عبدالرحمن اش بيسوي لحاله ...؟
اسفي على الهلال
وعلى ما ستؤل له الامور
لا ادارة ولا مدرب وياقلب لا تحزن
اتوقع ان موسمنا انتهى واسيا الله يستر من نتائجها
ومن التلطيش اللي بنشوفه في كاس الملك وبقية مباريات الدوري
حسبي الله على من ساهم في حرق الزعيم
وتحياتي لكل الزعماء المخلصين |