الاداء كان سيء الاتحاد كان افضل لكن الحظ

الحمدلله رب العالمين الهلال كان جيد بالمباراة
اسال الله ان يسعدنا دائما
لكن ارجو الاهتمام والتركيز اضعنا الكثير
وليس كل مباراة سنكون قادرين على صنع فرص مثل مباراة اليوم.

الف مبروك الفوز لجميع الزعماء مباراه جيده من الهلال ضيعنا الكثير من الفرص مباراة اليوم حدث فيها شي هام طالبت فيه وغيري كثير وهو لعب الشهراني بمركزه الأساسي الظهير الأيسر بعد خروج الزوري هذه النقطه بالذات أراها حسنه لريجي ولكن خبصها بلعب الدعيع بالظهير الأيمن وهو قلب دفاع وكنت أتمنى البريك وأتمنى ان يعلم ريجي ان مراكز اللاعبين مهمه وأتمنى اعادة الشهراني للظهير الأيسر والبريك للأيمن وعزوز كمهاجم ثاني
وعند بداية الانتقالات أتمنى على الادارة التعاقد مع برناوي ظهير ايمن الفيصلي والجهيم مهاجم الطائي ومقايضة المسلم والسالم والحمد والغنام والبيشي والسبيعي والفضل وعطيف مع معاذ وبيع عقود البقية وتكليف الشلهوب بالعمل الاداري ليصبح تشكيل الفريق
الزوري والشهراني ظهير ايسر وبرناوي والبريك ظهير ايمن ليكون لدينا المره الاولى من تسع سنوات أظهره حقيقيه !
أتمنى يكون بديل بنتلي مهاجم هداف وبديل كواك الأنصاري محور الكويت وبعد نهاية الموسم يتم تقييم مستوى الجميع ويتخذ ما يساهم في تفوق الفريق

مبرررروك الفوز يا زعماء

اليوم ابدع الفريق كامل وما نستنقص من احد ولكن كواك لك عليه شوي و بالنسبة ل نيفيز ترى مشكلته مع المدرب و ليس مع الهلال

اتوقع لو يجي مدرب غير ريجي راح يرجع نيفيز لكن الجماهير لن تصبر على مستواه لاخر الموسم انا ارى ان نعير نيفيز لاحد الاندية الخليجية او البرازيليه و نحضر مهاجم اجنبي و نطير كواك و نجيب بداله صانع العاب

الاتحاد سئ جدا ولوقابل فريف غير الهلال لأنهزم ب٤صفر !!
تخبط مدرب بلعب لاعبين في غير مراكزهم !!
ونيفيز وكواك وديقاو عليهم الف علامة استفهام ؟؟؟
بنتلي والسديري فقط كانا في الفورمة .

الف مبرووك للزعيييم وعقبااال فرحتنا بالكأس. ولا يخفي علينا انه توجد سلبيات كثيره علي الهلال مع انني ما كنت متفائل بالفوز اليووم لكن جابوها الرجال اليوم واثبتوا انهم رغم الظرووف وقساوتها وتوقيتها الا انهم اثبتوا انهم ابطااال بمعني الكلمة.

هذه رساله من هلالي محب الي هذا الكياان العريق اتمني انها توصل للامير عبدالرحمن بن مساعد قبل اي شي يجب علينا عدم الالتفات لما يجري من احاديث خارج المستطيل الاخضر . نحن معكم قلبا وقالبا ولكن يجب الاستماع الينا والي الاراء البناءه لا الاراء "التخريبيه" . نحن نعلم بانه توجد في هذه الفتره اخطاء من قبل الاداره والجهاز الفني ولكن يجب علينا التصحيح لا التشتيت. التصحيح يا سمو الامير فقط . يؤسفني استقالت الامير بندر بن محمد وهذا ما كان يخشي علي الهلال من فقدان رئيس اعضاء الشرف وكبييير الهلالين الذي اتمني ان يتراجع عن قراراه لاجل الهلال وحب الكيان. يا سمو الامير لو رجعنا لسنوات ليست بالبعيده لكنا نري تكاتف الاداره والاعضاء والعمل الكبير من الجهاز الفني ولكنا نري ان الهلال لا يتاثر بغياب لاعب او خمسه. الهلال يفتقد الي البديل الجاهز . ودكة الاحتياط اكبر دليل علي كلامي . مع قريتس كنا نلعب مباريات هامه بالرديف . والان ما عندنا في الدكه الا الشلهوب فقط هو اللي تحس انه يعمل الفارق . ما الفائده من تواجد السالم والحمد والغنام غير نزف للملايين علي الفاضي. اعيروهم وجيبوا غيرهم. بنتلي اسم بدون مسمي . نفيز لم يبقي لديه شي لتقديمه للهلال . مع انني احب هاللاعب لكن دائما ما يفتقده الهلال في المباريات القويه. وقبل اي شي المتدرب وليس المدرب في نظر كل هلالي لا يليق بالزعيييييييم . سامي الجابر مع انه في بداية مشواره التدريبي الا انه قدم للهلال شي ملفت يشكر عليه الله يوفقه. ومنذ قدووم ريجي والهلال من سووء الي أسوأ . لا يووجد لديه اي تكتيك ولا قراءه للمباريات. اسميه المدرب الجبان تغيراته عشوائيه وغالبا ما تقتل الهلال. اتمني التخلص منه في اقرب وقت حفاظاً علي سمعة الهلال. اتمني التصحيح في الفترة الشتويه وامداد الهلال بمدرب ولاعبين كفؤ لحمل رايتنا


كما قلت في السابق نحن معكم قلبا وقالبا يا سمو الامير ولكن نرجو التصحيح تكفي

الله يحفظكم ويرعاكم

الهلال اليوم رجّع جزء من مستواه بفضل الروح والتوفيق وخطة المدرب اللي اليوم أشوفه وفّق في هذه المباراة وهذه أفضل مباراة قدمها من يوم ماجا ولو إن فيه بعض الملاحظات على المدرب كتبديل الزوري اللي أشوفه ماله لزوم ومقدم مباراه جيده ورجّع سلمان للظهير الأيسر ومعه كرت ومعرّض للطرد ومع رجوع الفرج للدفاع قل مستوى الوسط واستلم الإتحاد زمام المباراة وحس بفراغ الوسط وعدّل غلطته ودخل الدعيع للظهير الأيمن ونقل ياسر الشهراني للظهير الايسر ورجع سلمان للوسط
أضف لذلك أخطاء الدفاع بالتمركز والدخول بتهور لكواك
من ايجابيات المدرب اليوم لعب الكرات الطويلة للهجوم واللعب من العمق وهو ماأجادها الهلال اليوم وسجل من خلالها الهلال وتحرر الظهيرين لمساندة الهجمة وهذا الهلال يبي هجوم مايبي يدافع
كل لاعبين الهلال ماقصرتوا وهذا ديدنكم
ناصر الشمراني بيض الله وجهك ماقصرت من أفضل صفقات الهلال
نواف العابد ماقصرت ولو إن الإرهاق ولعب المباريات كاملة من دون توقف مع النادي والمنتخب مأثّر فيك
سلمان الفرج لمساتك للكورة من ذهب
نيفيز أسوأ لاعب في الهلال ويجب تغييره لاعب مستهلك وثقيل واليوم أغلب كراته مقطوعة باستثناء تمريرة القول
سالم الدوسري يبيلك قرصة إذن أنانيّتك بتقضي على مهارتك وموهبتك
بنتلي مستوى لابأس به والأجنبي لازم يكون أفضل من اللاعب السعودي
سعود كريري قبله على راسك ياوحش قائد بمعنى الكلمة أنت رمّانة الوسط على كبر سنّك وتلعب لعب واحد بالعشرين وصناعة هدف سلمان الفرج ماتجي إلا من لاعب كبير
ياسر الشهراني ماشاء الله وين ماتحطه يعطيك ويبرد قلبك لاعب جوكر على الرغم من اصابته وقصر مدة تأهيله
كواك مستواك لابأس به ولو إني أشوف سلطان الدعيع خير من يشغل خانتك والنظر لخانات أخرى نستفيد منها بالعنصر الأجنبي
سلطان الدعيع أتمنى أن تعطى الفرصة وأراهن عليك واليوم مجهودك وانت في غير خانتك ممتاز وهذا ظني فيك
ديقاو صمّام أمان الدفاع وتكفيني فيك روحك وحماسك
الزوري يعطيك العافية على ماقدمت ولا ادري ليش المدرب أخرجك
عبدالله السديري خير من يخلف الدعيع وأبدعت اليوم والفضل لله ثم لك ولو إني أشوفك في العرضيات غير مباراة اليوم القريبة لك ماتظهر أتمنى ان تتفادى هذه المشكلة وتريح دفاعك
لاعبين الهلال يبون مدرب هجومي واحكم على مستواهم زي مباراة اليوم المدرب تخلى عن بعض قناعاته وحرّرهم
للهجوم وشوف كم الفرص اللي جت واللي ضاعت
نملك أفضل12 لاعب بالهلال ولكن نبغى دكة إحتياط مليئة بالنجوم تلعب فيها موسم كامل ولاتتعذر بالنقص
وتجيب بطولات وتنسيق أو بيع عبدالعزيز الدوسري وعبداللطيف الغنام ويحيى المسلم وسلطان البيشي ويوسف السالم وحمد الحمد
وتصعيد العمار والكعبي والقحطاني والبقعاوي والبريك
أتمنى أسمع الإستغناء عن نيفيز وكواك وجلب مهاجم وصانع لعب

إقتباس الرسالة الأصلية كتبت بواسطة ويسلي2013 السالم والغنام نسقوهم السالم ما عنده شي يقدمه للهلال

الهلال محتاج الى مهاجم محلي لاعب الرائد وهدافهم مشعل العنزي او هداف العروبة موسى الشمري ومهاجم اجنبي لاعب التعاون ايفولوا بدال من بنتلي شفنا اليوم بعد خروج الشمراني والحمدلله خرج الهلال فايز 2/3 والعب يوسف السالم ضيعنا ....

أولاً: التنظيم الدفاعي مطمئن لحد كبير لكن يحتاجون سرعة في تخليص الكرة بدون اي فلسفة ممكن تخسرنا المجهود الجماعي.. كواك لازم يحسب حساب بعض تدخلاته خصوصاً في منطقة الجزاء.. امنية (أن ايكون الدفاع من ابناء الهلال قريباً)
أما بخصوص بناء الهجمة فهو في وجهة نظري جيد جداً اذا اخذنا بعين الإعتبار الهبوط الواضح والغير مبرر في مستوى تياقو.. هنا أحب اشيد بكل الخطوط فمباراة اليوم شاهدنا ترابط أكثر و نقل كورة أسرع. الأظهرة فعالة, عدم التمسك في العمق, تنويع الهجمات.
التبديلات: ارئها موفقه^بحكم اننا فزنا^ لكن اشوف أن الشلهوب لو نازل الشوط الثاني كان أفضل خصوصاً أنه عاد بمستوى عالي.


ثانياً:السلبيات, تمسك (العابد و سالم) في الكثير من الاحيان بالكرة اكثر من اللازم... لابد هنا يكون الجهاز الفني يكون له وقفة فالكرة الان جماعية وايضاً يستلزم من اداراة الفريق استصدار الية لمنع او خفض ^اللعب الفردي او الانانية^ اللتي كادت تخسرنا اليوم وتوصيل فكرة لكل اللاعبين أنه " لايهم من يسجل المهم ان نشترك في صناعة المجد للهلال".. الإجابيات: بصراحة مباراة اليوم ايجابياتها كثير.. تتطور ملموس في مستوى السديري وثباته.. اكثر من لاعب شفناه يلعب بمركز مختلف وابدعوا^ماشاءالله تبارك الله^


ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟

الكل كان في الموعد.... لكن الأبرز عندي هم :ديقاو.. ياسر..سعود..السديري**..سلمان ويستاهل بوسة على الراس والله..
وللاسف كالعادة تياقو لم يقدم شي يذكر كما عودنا في السابق البعيد.. نواف ايضاً ماعجبني مستواه اليوم..


الحمدلله على الفوز مستوى و نتيجة وان شاءالله نبارك لبعض بالكأس...

وما زال الحكام يتجرؤن على الفريق باحتساب ركلات جزاء خياليه وصار كل من مثل وسقط في منطقة جزاء الهلال له ركله جزاء وهذا غير التسرع في اعطاء الكروت للاعبينا .مثال لقطة عسيري والفرج في ركل الكرة بعد الصافرة مع العلم ان عسيري كان للمرمى

إقتباس الرسالة الأصلية كتبت بواسطة العرجون القديم الاداء كان سيء الاتحاد كان افضل لكن الحظ

انت شفة نفس المباراة اللي شفناها!!!

الف مبروووك اللهم لك الحمد على هالفوز
بس تمنيت ان السالم ماضيع الإنفرادتين اللي جته كان ممكن نفوز بالخمسه والسته
لكن الحمدالله اهم شي الفوز والتأهل
فالنا الكاس بمشيئة الله

إقتباس الرسالة الأصلية كتبت بواسطة the fan أولاً الحمد لله على الفوز ... أدام الله أفراح الهلال والهلاليين مع أنها فقط مباراة دور 16 -=-=-=-=-=- 1. الدفاع كان جيد جداً ، لكن أحياناً كثرة تمرير الكرة في الخط الخلفي سببت خطورة وهجمات خطرة من لاشي ، على المدافع أن يلعب بمبدأ الأمان أحيانا فهو ليس عيباً.. صناعة الهجمات كان جيد جداً أيضاً ... أضاع المهاجمين فرص عديدة ... في الشوط الأول انفرادين 2. الايجابيات : كثرة الهجمات وتنوعها ...احكام الدفاع معظم فترات اللقاء السلبيات : احتفاظ بالكرة أحياناً زائد عن اللزوم...( اللعب من لمسة واحدة مطلوب- لاحظ الهدف الثالث) مجاراة الخصم باللعب السريع حتى وأنت متقدم .. الهلال فريق كبير .. سابقاً عندما يتقدم الفريق تجد اللاعبين يتناقلون الكرة بشكل مضمون وبعيداً عن المناطق الدفاعية ..مما يستنزف الخصم ويضطرهم لتسبب بأخطاء= أفضل طريقة لاضاعة الوقت. كثرةاضاعة فرص سهلة ومضمونة : فرصة الشهراني،الشمراني، نيفيز، فرصتي سالم الدوسري.. 5 أهداف لو نصفها سجلت لكانت مباراة مريحة.. جميع اللاعبين كانوا بمستوى رائع حتى الحارس .. ماعدا : نيفيز (مختفي تماماً ماعدا تمريرة الهدف الثالث ، وفرصة الركنية) لست مع من يخونونه .. هو يرغب بالتسجيل وصناعة اللعب لكنه ربما مضغوط نفسياً... يوسف السالم : حقيقة صدمت بمستواه وبطء حركته بالرغم من دخولة في الدقيقة 110 إلا أن اللعبين الآخرين كانو أسرع وأكثر حركة منه ... أظن لو كان بمكانه يحيى الكعبي لشكل خطورة أكثر ولربما سجل هدفاً في ظل ضعف لياقة لاعبي الاتحاد في نهاية المباراة واندفاعهم.

ما شاءالله عليك قلت ما في خاطري واحب اضيف توقف الان الدوري لتصفيات اسيا من الان على ادارة الهلال جلب مهاجم اجنبي بدل من بنتلي ومهاجم محلي لكي يستمر الزعيم في حصد النقاط ....

ألف مبروك الفوز والتأهل وسالم الدوسري لابد أن يراجع حسابته جيداً