لا يزال ريجي بنظري مدرب ممتاز وماينقص الفريق هو فقط بعض الاضافات
في تشكيلة الفريق .. كصانع لعب ومهاجم .

ريجي صنعة الاعلام المعادي لسامي الذي لايهمة مصلحة الكيان

إقتباس الرسالة الأصلية كتبت بواسطة الاسطورة سامي999 ريجي صنعة الاعلام المعادي لسامي الذي لايهمة مصلحة الكيان

طيب يامشجع الافراد يصير خير بكره نقول للاداره يجيبون المدرب الفلته
اللي جاب لنا العام الدوري وكاس ولي العهد وكاس الملك



عطو الرجال فرصه خلوه يشتغل ياجمهور نادي سامي السعودي

ههههههههههه شر البليه مَ يضحك الحمدلله ع نعمه العقل ، لخساره بطوله صار كل هالانقسام ، حسبي الله ع الظالم بس .. يَ احبائي اترك الرجل يعمل الرجل شغال بشكل ممتاز وفوق الممتاز بعد مَ احب اتكلم عن شخص سامي او غيره لكن لو اكمل سامي الاسيويه ... لقمنا 5 من العين كّ فريق الوطن الاتحادي ..


عموماً مَ ينقص الهلال معروف لدى الجميع ، صانع العاب ومهاجم فذ من طينه جيان وغيره ، اتمنى التركيز ع الدوري التركي فهناك الكثير من صناع اللعب لا تحضرني اسماء لكنهم لاعبين مميزين جداً جداً

إقتباس الرسالة الأصلية كتبت بواسطة عاشـ يـ 20ــاسرــــق لا يزال ريجي بنظري مدرب ممتاز وماينقص الفريق هو فقط بعض الاضافات في تشكيلة الفريق .. كصانع لعب ومهاجم .

اقول لكم خير الكلام مّ قل ودل ، ، ،

المدرب ريجي كامب أخطئ عندما استهتر بالخصم، أيضاً لم يعالج ضياع الفرص السهله رغم تكرارها في آخر 4 مباريات، أيضاً لعب بمهاجم واحد رغم طريقة الخصم الدفاعيه!!،، الحكم يتغاضى عن ضربات الجزاء ويكتفي بالتفرج !!
سامي لو لكان المدرب لتمسك بيديه وأسنانه بالبطولة، لأنه يعرف عشق الزعيم للنهائيات، هذا هو الفرق.
نحن لسنا ضد سامي أو ريجي، نحن ضد التهاون والتساهل.

إقتباس الرسالة الأصلية كتبت بواسطة الحوت الازرق999 هههههههههههههه شر البلية مايضحك صحيح سامي مدرب معروف من 10 سنوات وجاي الليجا الاسبانيه ولا البريمر ليج مادري العالم ذي كيف تفكر يا ان ريجي اللي عندنا واحد ثاني غير اللي نعرفه او انك ماتفهم ووتتابع كوره مع احترامي لك ريجي الحين سار مغمور !!! يارجل !!! وماعنده خبره !!! رجل تدرج بالتدريب مع فريقين صغيرين برومانيا واستلم بعدها اقوى فريق في رومانيا بوخارست وفاز معهم ببطولتين الدوري قدم اداء رائع في ابطال اوروبا بدأ التدريب قبل أربعة أعوام مع عدد من الأندية الرومانية في الدرجة الثانية والثالثة. وتولي ريجيكامب تدريب فريق كونكورديا كأول مهمة له مع فريق في الدرجة الأولي في منتصف موسم 2011، ونجح في انتشاله من المركز قبل الأخير " الـ17 " إلي المركز العاشر في جدول ترتيب الفريق، وقادهم في 16 لقاء، فاز في 11 وخسر أربع وتعادل في لقاء واحد، وبعد نجاحه الساحق مع فريق كونكورديا، انتقل بعدها لتدريب نادي ستيوا بوخارست الذي حققه مع طفرة هائلة وانجاز كبير بالفوز ببطولتين للدوري. انتقل لورينت إلي نادي ستيوا بوخارست كمدرباً في موسم 2012، وقادهم للفوز بلقب الدوري في الموسم الأول، ثم فاز بكأس السوبر 2013/2014، ثم تبعه في الموسم الثاني بلقب الدوري للمرة الثانية علي التوالي، ليحقق انجازاً كبيراً، خاصة أن ستيوا كانت قد غاب عن منصات التتويج منذ سبعة أعوام كاملة. هذي بالاضافه ان جميع الرومان اللي اشرفو ع تدريب الهلال كوزمين وبلاتشي ويوردانيسكو اشادو فيه عشان انت تجي تقول ماعنده خبره ومايعرف كوره الله يصبرنا ع مرضى سامي ملو المنتدى

عن اي خبره تتحدث ؟


على فكره ترى ستيو بوخارست زي الهلال في السعودية يجب الدوري والكاس مع عبداللطيف الحسيني

يعني السباكين في رومانيا لو مسكو ستيو بوخارست جابو الدوري


لولا سامي وعمله طوال الموسم الماضي لما حضي ريجي الجبان بفرصة اللعب على نهائي القارة


ماذا اضاف ريجي ؟ لم يضيف الا انه اضاع عليك فرصة لن تحلم بها في السنوات القادمة ان تلعب على نهائي القارة


بالعكس ارى مفاتيح اللعب في الفريق الشمراني ونيفيز في انحدار رهيب منذ ان استلم ريجي الفريق


ضيعنا في مباراة الذهاب بدفاعه المبالغ فيه مع فريق لا يجيد الا الدفاع وحتى مع السد والعين لم ينجوا


الا بشق الانفس

هذا غير مباريات الدوري مع الشباب والاهلي


ليت سامي استمر يامريض ياحاقد يامطبل ياجاهل

مدرب مغرور وحتى لو يتحمل خسارة اللقب ماذا سوف يحدث البطولة وراحت

قرار إقالة سامي اكبر غلطة من الإدارة

ما احس موضوعك في محله يالغالي

يكفي الهلال سيطر على كل المباراتين الذهاب والاياب

مو معناها انو لعب مهاجم واحد يكون هو السبب

صحيح المفترض في الاياب يلعب في مهاجمين بس سيطرة نجومنا

واستعجالهم هو السبب الرئيسي في هدر البطولة والحكم الياباني حسبي الله ونعم الوكيل

هل يجوز لنا اطلاق اسم الريجييون على وزن السامييون ! ريجي أخطاء في التعامل مع الآسيوية ولو أصاب لمدحناه ننتظر أداء الفريق في الدوري واذا رفع الكأس سوف نعتذر منه ومن الريجييون قبله لكن البدايات غير مشجعه .

سبب الخساره ريجي وعلى مانقل من جماهير كثير اللي حضروا سامي موجود وسالوه لو كنت المدرب وش تسوي قال العب بمهاجمين من البدايه مباراه مصيريه تلعب بمهاجم واحد والمشكله لاعب ذهاب وعارف الفريق ومتوقع يلعب دفاع المدرب هو سبب الخروج واتوقع الهلال ماراح يحقق شي

إقتباس الرسالة الأصلية كتبت بواسطة الحوت الازرق999 هههههههههههههه شر البلية مايضحك صحيح سامي مدرب معروف من ١٠ سنوات وجاي الليجا الاسبانيه ولا البريمر ليج مادري العالم ذي كيف تفكر يا ان ريجي اللي عندنا واحد ثاني غير اللي نعرفه او انك ماتفهم ووتتابع كوره مع احترامي لك ريجي الحين سار مغمور !!! يارجل !!! وماعنده خبره !!! رجل تدرج بالتدريب مع فريقين صغيرين برومانيا واستلم بعدها اقوى فريق في رومانيا بوخارست وفاز معهم ببطولتين الدوري قدم اداء رائع في ابطال اوروبا بدأ التدريب قبل أربعة أعوام مع عدد من الأندية الرومانية في الدرجة الثانية والثالثة. وتولي ريجيكامب تدريب فريق كونكورديا كأول مهمة له مع فريق في الدرجة الأولي في منتصف موسم 2011، ونجح في انتشاله من المركز قبل الأخير " الـ17 " إلي المركز العاشر في جدول ترتيب الفريق، وقادهم في 16 لقاء، فاز في 11 وخسر أربع وتعادل في لقاء واحد، وبعد نجاحه الساحق مع فريق كونكورديا، انتقل بعدها لتدريب نادي ستيوا بوخارست الذي حققه مع طفرة هائلة وانجاز كبير بالفوز ببطولتين للدوري. انتقل لورينت إلي نادي ستيوا بوخارست كمدرباً في موسم 2012، وقادهم للفوز بلقب الدوري في الموسم الأول، ثم فاز بكأس السوبر 2013/2014، ثم تبعه في الموسم الثاني بلقب الدوري للمرة الثانية علي التوالي، ليحقق انجازاً كبيراً، خاصة أن ستيوا كانت قد غاب عن منصات التتويج منذ سبعة أعوام كاملة. هذي بالاضافه ان جميع الرومان اللي اشرفو ع تدريب الهلال كوزمين وبلاتشي ويوردانيسكو اشادو فيه عشان انت تجي تقول ماعنده خبره ومايعرف كوره الله يصبرنا ع مرضى سامي ملو المنتدى

أنا صراحهـ ما أحب أقول رأيي بـ المدرب ولا آي لاعب إلا فـ نهايهـ الموسم !!

لكن بشكل عام أتمنى الهلال يستقر ع مدرب واحد لمدهـ موسمين ع الأقل وبعدها يتم تقيمهـ من الإدارهـ !!
لأن وقتها بيكون أخذ وقتهـ لمعرفهـ أجواء رياضتنا + جميع لعب مع جميع الفرق وعرف نقاط قوتهم
وضعفهم + عرف جميع لاعبينا وكيف يستغل قوتهم ويعالج نقاط الضعف بالفريق !!

إقتباس الرسالة الأصلية كتبت بواسطة الحوت الازرق999 الاتحاد الموسم الماضي انهى الموسم ترتيبة السادس او السابع واين هو الان الشباب انهى موسمه الماضي ترتيبه الثالث وبفارق نقطي كبير عن الثاني والموسم الحالي اين هوا الان الاتفاق انها موسمة بهبوط وهوا الان بدوري ركاء والنصر بعد مافاز ع الهلال مبارتين وحده بالدوري والثانيه بكاس ولي العهد الهلال فاز مبارة وحده فقط السد ف دور المجموعات كنا متقدمين وعادلونا وكدنا نخسر في قطر وال 5 هيا حالة استثنائيه لكون اصلا السد يعاني دفاعياً اللي حاب اقوله في فرق بين الموسم الماضي والحالي الان كل الفرق الكبار قوية جداً ومستعده جداً ههههههههههه ضحكتني كلمتك ( يمشي مثله مثل سامي ) بس الله يصبرنا ع مرضى سامي

بالرغم إنني ضد المطالبهـ بـ إقالهـ ريجي إلا إني بنفس الوقت ضد من يحاول يقلل من جهد سامي
وعملهـ المميز بالتدريب !!

الحين إنت تقول إن جميع الفرق كانت ضعيفهـ الموسم اللي طاف وبسبب هـ الضعف فاز الهلال
عليها بنتائج كبيرهـ صح ؟!

طيب دامهم لهالدرجهـ ضعاف ليهـ النصر اللي أخذ الدوري والكأس ( بغض النظر عن مساعدهـ
الدفع الرباعي لهـ ) ما فاز بنتيجهـ كبيرهـ ع جميع هـ الفرق وخصوصا الشباب والإتحاد والأهلي ؟!!
أتمنى تجاوبني ع سؤال ليهـ النصر ما فاز عليهم بنتيجهـ كبيرهـ مثل ما فاز الهلال ؟!

أستغرب فعلا من بعض الناس يزعلون إذا طالبنا بـ إنصاف سامي ويتهمونا بـ " مرضى سامي "

وبعضهم يتهمونا بجمهور اللاعب !! ليهـ تبونا نسكت وحنا نشوفكم ما تنصفونهـ !!

أغلب من ينكر أخطاء ريجي ويتهمون اللاعبين إنهم هم سبب النتائج الآخيرهـ للفريق هم نفسهم
اللي كانوا ضد بقاء سامي !! ما يبون يعترفون إن سامي أفضل من ريجي لأن كبرياهم ما يسمح
لهم ينصفون إبن النادي اللي ما عطتوهـ فرصتهـ كاملهـ !!!!

الموسم الماضي خسر الهلال نهائي ولي العهد أمام النصر بسبب أخطاء حكم هاجمتوا سامي !!
والآن يخسر الهلال نهائي كأس آسيا بسبب أخطاء حكم تدافعون عن ريجي !!!
ليهـ ما تنصفون سامي وتنصفون ريجي ؟!!!!! لأن سامي ابن النادي ومدرب وطني لازم ما
ترحمونهـ ومستحيل مدرب وطني ينجح من أول تجربهـ لهـ ؟!!! أما الآجنبي بنظركم لا أكيد هو
ناجح ومستحيل يفشل ؟!!!!!!!!

بالتوفيق للأسطورهـ سامي واللهـ يعطيهـ العافيهـ ع ما قدمهـ للهلال سواء يوم كان لاعب أو مدرب أو إداري ~
وبالتوفيق لريجي مع الهلال إن شاء اللهـ ،، شكرًا لكـ ~

سبب الخسارة الاسراف والشرهات والبنتليات الي مالها سنع اقسم بالله ان الفريق الحالي مايستحق ربع مايصرف عليه من مدربين واداريين ولاعبين