بسم الله الرحمن الرحيم ..

الحمدلله على كل حال وحظ اوفر والعوض إن شاء الله بالإياب ..

مثل ما تكرم بعض الأعضاء بتحليل المباراة .. لا ازود على كلامهم .. الهلال عمل كل شي بمباراة اليوم والحمدلله على كل حال ..

اليوم شفنا الهلال مستحوذ على اللعب وفارض اسلوبه والثقه واضحه على أغلب لاعبينه .. والشكر للجهاز الفني والإداري على التهيئه إلي اكثر من ممتازه اثمرت عنها تركيز اللاعبين وانضباطهم .. ماعدا بعض الهفوات .. واللي جا منها هدف للخصم

إن شاء الله يكون المدرب سجل الملاحظات إلي ما اتوقع تخفى على أصغر مشجع هلالي .. وهي

1- مشكلة في تضيييييع الفرررص وإنهاء الهجمه بالطريقه الصحيحه .. تعبنا من هالمشكله الفنيه إلي تلاحقنا مع تغيير المدربين ..
والله ماكان ناقصنا بعد توفيق الله إلا الأهداف وربي ماكتبها لنا ..

2- بعض اللاعبين ماكانوا في قمة عطاءهم مثل الزوري والفرج وناصر الشمراني .. لكن مع كل هذا الهلال كان المسيطر .. تخيلوا بعد توفيق الله في الإياب .. كل اللاعبين في يومهم ؟؟ راح تصير مجزره كرويه بحق نادي غرب سيدني ..

نجي للتحضير لمباراة الرد ..

أتمنى المدرب يركز على التالي ..

1- قبل كل شيء تهيئة اللاعبين نفسياً مثل تهيئة مباراة الذهاب .. أتمنى اللاعبين يشوفون مقطع راااائع تحفيزي من شركة انتاج اسمها TV Pro

‫آسيا .. مطلب بلد "كليب تحفيزي لنادي الهلال"‬‎ - YouTube

2-الثبات على تشكيلة الذهاب إلي اشوفها ممتازه .. مع تنبيه اللاعبين بالتركيز في الملعب والبعد عن الإلتحامات الخارجيه .. إلي ممكن تخرجهم من جو المباراة

3- الضغط على حامل الكره والتحرك بدون كوره .. وتبيه اللاعبين على اللعب بتركيز عند تمرير الكرات البينية الأرضية .. سواء الطوليه أو العرضية لخلق مساحات بهذا للعب السريع في ملعب مساحته كبيره ومهيأه بإذن الله راح تكون ورقتنا الرابحه إلي راح تتعب الإستراليين .. بالإضافه إلى الجو الحار إلي اتمنى من كل قلبي يوم السبت تزيد حرارته علشان يكون عامل لصالحنا ضد سيدني ..

3- الإحتفاظ بالعابد والشلهوب ورقة رابحه بالنصف الأخير من الشوط الثاني لإضافة عامل التركيز في صناعة اللعب من الشلهوب والسرعه من العابد .. لان تياقو وسلمان راح يكونون مرهقين .. بالإضافة إلى استنزاف جزء كبير من لياقة نادي سيدني ..

أهم خطوه ..
4- التمرن على تنويع اللعب في الهجوم وعلى فنيات وتكتيك إنهاء الهجمه في التدربيات الجايه .. وتكون بالتمرن على التسديد المركز من خارج منطقة الجزاء او حتى داخل المنطقه ..

شفتوا وشلون مهاجم سيدني المستبدل سجل الهدف الاول و بعد الهدف الاول وقف قلوبنا بشوته وقف لها القائم ؟؟ هذي النوعيه من التخليص وإنهاء الهجمه نحتاجها ..

نقطة قبل ما أنهي الموضوع .. إلي يقارن بين مباريات الهلال مع أولسان وذوب أهان .. مع كل احترامي .. كل مباراة لها ظروفها .. وهذيك المباريات بمدربين مختلفين وهذي بمدرب مختلف .. وأثق بقدرات مدرب الهلال ولاعبين الهلال ..

نقطة ختامية .. بالإضافة للتيفو إلي ما استغرب ابداع جماهيرنا فيه .. أتمنى حضوور استثنائي من جمهور الزعيم .. وعندما أقول استثنائي ليس حضور الجسد فقط لكن بالتشجيع المستمر والفعااال .. ولكم في جماهير غرب سيدني مثال .. ماكنت اتمنى يكون الدخول مجاناً لنوعية بعض المشجعيين إلي ممكن نشوفهم وما يكون لهم أي علاقة بكرة القدم .. لكن سجلوني أول الحاضرين .. والله يعيننا على دوام يوم الأحد .. لكن كل شي يهون لعيون الزعيم ..


يالله تجبر بخاطر كل هلالي وخاطر رئيس النادي ..عبدالرحمن بن مساعد .. وتوفق الهلال وتكتب هالبطوله سابعه باسمه..

الله يجبر بخاطرك انت ماخذينها مرتين وغيرنا يفحط تفحيط ماشمها الله يجبر بخاطرهم

بسم الله والصلاة والسلام على رسول الله

الحمد لك ربنا على كل شيئ

اللهم لاحول لنا ولا قوة الا بك

بذل اللاعبون الجهد ولم يتوفقوا

وبإذن الله السبت القادم بإذن الله ربنا يكرمنا ونحقق السابعة بإذن الله

لذا لاتلتفتوا لفئة والله لاتريد خيرا بالزعيم وجماهيره وسيخذلهم ربي يوم السبت القادم وستذهب مجهوداتهم ادراج الرياح بإذن الواحد الأحد

واخيرا لاينقطع الدعاء
لاينقطع الدعاء
لاينقطع الدعاء
فأنتم تدعون رب كريم رحيم يسأل عن عباده هل من تائب فأتوب عليه هل من مستغفر فأغفر له
سبحانك ربنا ما أعظمك اللهم سهلها ياكريم يوم السبت
وفرح عباد لك يدعونك بالليل والنهار
اللهم اكرمهم بهذه البطولة يارب

اللهم لك الحمد حتى ترضى ولك الحمد اذا رضيت ولك الحمد بعد الرضا

ولك الحمد على كل حال

النقاط جميله جدا اتمنى يستفيدون منها الفريق بكل حذافيرها

وان شاء الله الكاس ان قاله الله وبجهود الجمهور وحماس اللاعبين والاداريين

واعضاء الشرف انه ما يطلع من الرياض يبقى بالرياض يا رب يا كريم

يعطيكم العاافيه واشكركم على تشريفكم موضوعي

يارب يارب يارب انك تفوز الهلال في الاياب وانت فعال لما يريد يالله ...