السلام عليكم

هاردلك يازعماء على الهزيمة رغم أفضلية الهلال ,, ومتأكد إنه الهلال بيحسمها في الرياض بإذن الله ,, لاحظت بعض

الهلالين يلومون ريجي على الهزيمة ..!! ,, وأنا أسأل ليش ..!! ,, المدرب مهمته إنه يضع التشكيل والتكتيك المناسب

والباقي على اللاعبيين ,,, نجي للتشكيل ,, أعتقد 99% من متابعين الهلال يتفقون إنها التشكيلة الأفضل ( ممكن

فيه نقطة اختلاف بسيطة في مركز الفرج وإنه ممكن يكون بداله العابد والمدرب نزله كبديل وشفنا نفس المشكلة ((

تضييع الهجمات)) ) ,, والمستوى اللي شفناه اليوم دليل إنه تكتيك ريجي ناجح وشفنا التنويع سواء في اللعب على

الأطراف أو العمق ولعب هات وخذ ,, لكن أسألكم بالله كم مرة الزوري والشهراني تجيهم كورة على طبق من ذهب

وقريب من المرمى ومع ذلك يا يناول غلط أو يناول لمكان الحارس ( قريب من منقطة ال6 ياردات حقته ) ,, وارجعوا

لكورة الزوري نيفيز أعطاه كورة من ذهب وبدل ما يعطيها ناصر اللي مكانه أفضل يرفعها لاحظوا لعبها فوق مع

إنه سالم كان غير مراقب ولو لعبها على الأرض لوصلت له بدل ما يرفعها لرأسه ,, هل المدرب قال له سوي كذا ..؟!

هل المدرب قال لناصر ضيع كورة ممتازة جدا وفرصة هدف محقق في الشوط الأول ,, هل المدرب قال للشهراني خلي

كل عرضياتك ومناولاتك غلط ,, هل المدرب قال لنيفيز شوت فوق المرمى أكثر من مرة ,, هل المدرب قال

لسالم يوم كان قدام المرمى وكان هدف محقق 100% شوت الكورة بشويش للحارس ,, المدرب قدم اللي عليه و

لكن خذلوه اللاعبين ,, لو الهلال ماكان له فرص محققة كان ممكن نلوم المدرب ولكن ماعاد باقي الا ينزل ريجي

ويسجل !!

طيب و تغييرات المدرب
اش رايك في دخول السالم في الوقت الاضافي

كلامك سليم

لكن أختلف معك بجزيئة ان اللاعبين خذلوه

اللاعبين ماخذلوه المباراة كانت صعبه وفيها أخطاء من بعض اللاعبين

لكن لاتهضم عمل كريري وديقاو وكواك وبينتلي وسالم

نيفيز والزورى ولايهون سالم الدوسري هم من ضيع الهلال

والله يااخوان انا ماني متفائل واكاد اجزم ان البطولة لن تكون للزعيم لان سيدني بيكون مدافع طوال المباراة مما يؤدي لاستنزاف لياقة لاعبي الهلال وبعده ياخوفي تجي الهجمات المرتدة ويجيبون الثاني وكأنك ياابو زيد ماغزيت
الله المستعان مااتوقع ان الزعيم بيفوز

إقتباس الرسالة الأصلية كتبت بواسطة هلالى40 نيفيز والزورى ولايهون سالم الدوسري هم من ضيع الهلال

يا اخي سالم الدوسري كان من افضل ثلاث لاعبين بالفريق! حرام عليك!!
الزوري يحاول و يتواجد في الاماكن الصحيحة و يؤدي واجباته و لكنه يبقى مدافع اكثر من ما هوا مهاجم ، يعني ما تتوقع منو مناولات التايب.. ولكن بصراحه ادى اداء لا بأس به..
كل ما سأقوله عن نيفيز انه يجب ان يقول كلمته في الاياب ..

إقتباس الرسالة الأصلية كتبت بواسطة دمي أزرق ! المشكلة إن ريجي يوم يستلم مهمة التدريب ماطلب بتغيير الزوري هذي نقطة من عرفنا الشهراني وهو يطلع مع الهجمة من دون فايدة ومع ذلك بكل مباراة نشوفه يطلع !! .... ونقطة أهم .. متى يفهم ريجي وغيره , إن سالم الدوسري لعبه ( سلبي ) ومع ذلك ظل محتفظ فيه لأخر المباراة ـ حتى وهو متأخر بالنتيجة ! ومتى يفهم إن خطورة العابد في الجناح اليسار بدون انهاكه بمهام دفاعيه .... ومتى يفهم إن نيفز خلاص ماعاد يصنع لعب زي أول

قلت اللي في قلبي كله



مباراة للنسيان .. واذا لم يملك شجاعه هذا الداهيه بالاياب


ياليت يجهز عفشه الى رومانيا فعلا داهيه!

إقتباس الرسالة الأصلية كتبت بواسطة abo3atab طيب و تغييرات المدرب اش رايك في دخول السالم في الوقت الاضافي

المدرب ما استعجل بالتغييرات لأنه الهلال كان يوصل ولكن مايسجل ,, وكمان ما يبغى يستقبل هدف ثاني ووقتها تكون

كارثة ولكن معك حق تغيير السالم ماله أي فائدة أبدا ولكن ممكن كان يفكر إنه يضيع وقت ويقبل بالنتيجة .



شوفوا غباء الزوري ناصر مفتوح له المجال وماناول ولا فوق هذا لعبها فوق لسالم .!!!!!