الموضوع منتهي كالعادة لعب بدون تسجيل هدف , في لحظات الحسم يضيع التركيز ونخسر لا جديد .
روح المغامرة ذهبت مع ذهاب الأسطورة سامي الجابر والدليل الشوط الثاني مافي اي تغيير من المدرب بعد تسجيل الهدف علينا وكأنه منتظر أنه اي لاعب يحدث تغيير ويسجل بدون اعطاء نصائح في الملعب وبدون اي تغيير في اللعيبة وكذلك تغيير في مراكز اللعيبة .
على فكرة انا ما عندي اي تفائل في المباراة القادمة بصراحة ( ليالي العيد تبان من عصاريها , اقصد بها المدرب ).

خسارة رغم السيطرة الهلالية وضياع الفرص الكثيرة ومن ثلاث فرص سجل الفريق الإسترالي
هدفة الوحيد هذة الخسارة ليست صعبة ويمكن لبني هلال التعويض وتجاوز وسترن سدني وهذا
ما نرجوه ونأملة من لاعبي الهلال. كما أن على جمهورالهلال الكبيرمسؤولية مضاعفة الجميع شاف جمهور الفريق الإسترالي كيف كان فعالاً المدرجات تهتز وهو فريق حديث التأسيس لكن الفرق بين الجماهير الإسترالية والسعودية هو الوعي كل الألوان في المدرجات لنفس الفريق ليس هناك
فزعة كما هي عندنا بل هدف واحد هو رفع إسم البلاد عالياً في المحافل الدولية فالجميع من أجل
الوطن وليس الفريق المفضل إنها حضارة ووعي .على العموم سنرى بإذن الله جمهور الهلال
والجماهير السعودية فعالة من بداية المباراة إلى نهايتها . بحول الله وقوته سنفرح جميعاً السبت المقبل وسيزف الهلال عريسا وزعيماً لاكبر قارة وهوزعيمها حتى الآن وسيشارك في كأس العالم للأنديه بإذنه تعالى .

انا حاضر مو عشان اظغط اللاعبين ولكن لاشدد من ازرهم

ياجماعة نتيجة ١-٠ ماهب صعبة بإذن الواحد الأحد الوعد في الدرة سنلقنهم درس لن ينسوه

أنا اعتقد أنا الهلال نزل المباراة وهو محترم الفريق الخصم وقدم مستوي طيب في الشوط الاول..وشعر الاعبون بأنهم أفضل من القريق الثاني وأن المباراة في يديهم ،وهذا جعل الثقة زائدة وخاصة ان الفريق الاخر لم يصل وبدأ الاستعراض واصبح كل لاعب يريد ان يسجل...لدرجة ان السالم يشوت وانيفز يشوت، ومع هذه الثقة تراخى الفريق وفي غفلة تافهة جدا ولج الهدف.. كذلك الزوري لاعب ثقته معدومة لا يغطي صح ولايعكس كورة صح ، والدليل الهدف وكورة الشمراني الاخيرة والتى زعل فيها على الزوري، كذلك يعاب على الشمراني عدم التمركز بشكل جيد وعدم فهم اللعيبة.لكن بأذن الله في الرياض نعوض..ودمتم

يا اخوان الفريق الاسترالي يختلف تماما عن ذوب آهن و اولسان .
تسيد الهلال المباراه من اول دقيقه لكن الله سبحانه لم يشأ لنا الفوز
لا تقول لي تكتيك مدرب سيدني .. ضرب و قفل و مدري ويش
كلنا شفنا المباراه و قلنا لكم من اول ان الفريق هذا مو قد الهلال
و عييتوا تقولون انا مندسين وان هذا تخدير .. يا رجل اللعيبه
يسرحةن و يمرحون في نصف ملعب سيدني براحتهم و انفرادات
بالجمله .. الحظ لم يحالفنا و فرصه غبيه واحده سجلوا منها
الوعد ان شاء الله الدره يوم السبت القادم و انا متفائل باذن الله
ذوب اهن يوم لعب في الرياض كان شي ثاني .. كأنه فريق الماني
تكتيك و لعب و قوه و خطوره و كل شي .. فعلا الهلال ذاك اليوم
لم يستطيع مجاراته .. اولسان كان افضل بكثير من سيدني .. كما ان
هلال اليوم غير هلال ذيك الايام .. المدرب و التكتيك و طريقة اللعب بالكامل مختلفه
الفوز ان شاء اللهجاي و التوفيق بيد الله لكن لا للتثبيط و التشاؤم و المقارنات
غير العادله و شكرا للاعبين على المجهود و المستوى الرائعين .. ناقصهم التركيز
في الكوره الاخيره بس .

إقتباس الرسالة الأصلية كتبت بواسطة derham يا اخوان الفريق الاسترالي يختلف تماما عن ذوب آهن و اولسان . تسيد الهلال المباراه من اول دقيقه لكن الله سبحانه لم يشأ لنا الفوز لا تقول لي تكتيك مدرب سيدني .. ضرب و قفل و مدري ويش كلنا شفنا المباراه و قلنا لكم من اول ان الفريق هذا مو قد الهلال و عييتوا تقولون انا مندسين وان هذا تخدير .. يا رجل اللعيبه يسرحةن و يمرحون في نصف ملعب سيدني براحتهم و انفرادات بالجمله .. الحظ لم يحالفنا و فرصه غبيه واحده سجلوا منها الوعد ان شاء الله الدره يوم السبت القادم و انا متفائل باذن الله ذوب اهن يوم لعب في الرياض كان شي ثاني .. كأنه فريق الماني تكتيك و لعب و قوه و خطوره و كل شي .. فعلا الهلال ذاك اليوم لم يستطيع مجاراته .. اولسان كان افضل بكثير من سيدني .. كما ان هلال اليوم غير هلال ذيك الايام .. المدرب و التكتيك و طريقة اللعب بالكامل مختلفه الفوز ان شاء اللهجاي و التوفيق بيد الله لكن لا للتثبيط و التشاؤم و المقارنات غير العادله و شكرا للاعبين على المجهود و المستوى الرائعين .. ناقصهم التركيز في الكوره الاخيره بس .

كلام سليم

يعجبوني اللي يفكرون مثلك

ماله داعي كل شوي نجتر الماضي ونردد ذوباهان واولسان

الظروف مختلفة وكل شي مختلف

ولو كتب الله لنا التعادل على اقل تقدير ما سمعنا كل الكلام السلبي ذوباهان ومادري شبعد



الاياب بتكون شي ثاني بحول الله

لا حول ولا قوة الا بالله العل العظيم
سبحان الله كل شي بامره
معاندة اسيا للهلال اكيد وراها سر مو معقول الهلال يسيطر والي يفوز الفريق الثاني
استغفر الله العلي العظيم
لعله خير محد يدري وين الخير الله يكتب الخير للهلال

المباراة الجايه صعبه ويمكن اي هدف يجنا ينهي المباراة

إقتباس الرسالة الأصلية كتبت بواسطة معجب بنادي القرن المباراة الجايه صعبه ويمكن اي هدف يجنا ينهي المباراة

وهو اقرب سيناريو والعلم عند الله , عشان كذا انا مش متفائل لو على اقل تقدير خرجنا بالتعادل كان ممكن يكون في شئ جديد بالنسبة لنا ( و لو تفتح باب للشيطان )

الله يستر من الجاي

صدقونى وتذكروا كلامى سدني راح يتغير 180 درجه وراح يلعب افضل من مباره اليوم في الرياض . الهلال ضيعها على نفسه اليوم وكان قريب من الفوز ولكن للأسف .قدر الله وماشاء فعل . والله يستر من الجاي
ملاحظه:: ليش اذا لعب الهلال وسيطر على المباره دائما ينهزم !!!!
اذا صرح ياسر الفحطاني دائما ينهزم الهلال!!!!!!!


استغفرالله العظيم الذي لاإله إلا هو وأتوب إليه

مع لاعبي الوسط الهجومي الهلال يعاني وسيعاني والامل بعد الله في ناصر وفي العابد في حال مشاركته اساسي

الفريق هذا صعب الاختراق العب على الاطراف يعني سلمان مستحيل يعطيك الاضافه في هالمباراة من الافضل يلعب العابد من بداية المباراة لاعب يجيد اللعب على الاطراف و عنده تسديدات قوية

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

إقتباس الرسالة الأصلية كتبت بواسطة حب الزعامة موضوع للقفل ما ادري وش الفائدة من نشر احباطاتكم بين الجماهير !!! وش الهدف من موضوعك تقلل حضور الجمهور مثلا ؟؟ ابشرك بتشوف ستين الف شقردي يدعمون الفريق ويثقون فيه داخل الملعب واكثر منهم خارجه الماضي انتهى ولن يتكرر بإذن الله واذا كان للماضي ذكرى فهي تحقيق الفريق لست بطولات آسيوية والسابعة في الطريق بإذن الله

وعليكم السلام اخي الكريم

اولا دع حرية التقفل للمشرفين ..

الهدف من موضوعي اننا ما نكرر نفس الاخطاء السابقة ..وذكرت اولسان وذوب اهن لانها نفس سيناريو ذهاب سيدني ..فأتمنىى اننا ما يصير نفس الاياب وخسر بسبب الثقة الزائده بما قدموه في الذهاب

وللمعلومية انا بكون اول الحاضرين للملعب ...