هلا اخوي القمرالسماوي302
اخوي تقدر تركب لجوال السيمنس S55 جميع نغمات النوكيا اللي مدري وش اساميهم ( البرج والفيصليه ) واللي من هالنمونه وكذلك نغمات جوال اصاله
يعني بالمختصر المفيد كل النغمات التي امتدادها ( midi - mmf ) تركب في السيمنس S55 وكذلك SL55
اما طريقة تركيب النغمات في السيمنس بسيطه جدا
الجهاز عند ما تشتريه يجي معه CD صغير ;) ويا كيبل
شغل السيدي تظهر لك قائمة اللغات اختر في اخر القائمه عربي ربما تجده معكوسه زي كذا ( ي ب ر ع )
اظغط عليها تفتح صفحه تجد في اليسار من الشاشه قائمه بالعربي اختر برامج ايضا معكوسه ( ج م ا ر ب )
بلشه
تفتح صحفحة البرامج تختار منها Siemens Data Suite اظغط عليه
بعدها تختار Data ExchangeSoftware
الخطوه الاخيره وهي التثبيت وتجدها اخر الصفحه ربما تكون معكوسه مكتوبه كذا ( ت ي ب ث ت ) الله يخارجنا
اثنا تثبيت البرنامج يجيك اختيار المنفذ حسب عدد المنافذ اللي بجهازك اختر رقم واحد طبعا ذا تركب الكيبل فيه
بعد ما ينتصب البرنامج تطلع له ايقونه على سطح المكتب
ملاحــــــظه
البرنامج ما يشتغل الا اذا شبكت الكيبل بالجهاز بعده تظغط على الايقونه اللي على سطح المكتب وينتفتح لك الملفات اللي في جهازك
ومن ضمن هذه الملفات ملف Sounds
وهذا الملف موجود فيه النغمات تضيف اللي تبي وتحذف اللي تبي
تقول كيف اركب النغمات
الامر بسيط افتح ملف النغمات اذا كان عندك نغمات في الجهاز ونسخ منها اللي تبي ولصقه في ملف النغمات Sounds اللي بالجهاز
وان شاء الله اكون قدرت افيدك
واذا تبي شرح بالصور اذا صعب عليك الامر قلي اشرح الخطوات بالصور
وانا من عشاق السيمنس وترى عشاق النوكيا توهم تجيهم حركات الملفات وفرحانين فيها وهي قديمه في السيمنس وهذا اللي خلاّ الكثيرين يقولون السيمنس معقد