قصيدة رائعة للشاعر / رشيد الزلامي ..



[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=1 line=200% align=right use=ex length=0 char="" num="0,black" filter=""]
قالـوا تعلمـت قلت عناد وفراسـه
أعانـد النفـس والدنيـا وأصارعـها
درست في مدرسة من شيـبت راسه
دنيا العنـا اللي قصـيفات مطامعـها
تلميـذها دايـم تكـتـب بكـراسـه
وتعطيه جملة دروس ما يضيعها
والله عطانا نظر وشعور حسـاسـه
نأخذ علوم المعرفة من مراجعها
ونساير الوقت ونقيسه بمقياسه
ونواجه النفس بالواقع ونقنعها
ترى حياة الفتى مهما قوى باسه
محفوفة بالخطر والموت تابعها
أول حياة الفتى مشوار وعساسه
مسافة في عجاج الوقت يقطعها
وثاني حياة الفتى تدريب ودراسه
تصعب ظروف الحياة وينشغل معها
وثالث حياة الفتى يرجع على ساسه
والنقطة اللي بدا منها يراجعها
يرجع لسن الهرم ويضيع الطاسه
ويزحف مع الأرض ويخطط شوارعها
واليا تلاقت متونه وانحنى راسه
ضاعت جميع العلوم اللي مضيعها
[/poet]