من وجهة نظري ان اللاعب ماكانوا مستعدين نفسيا
وهلال ريجيكامب هو الافضل مع هذا المدرب اصبح عندنا ثقه بالدفاع لاحظنا التنظيم داخل ملعب الهلال اصبحت الاخطاء الدفاعية شبه معدومة هذا كل ما نحتاجه في الفريق بالسابق نسجل وفي ثواني معدودة يسجل فينا وبكل سهولة الان الوضع تغير الى الافضل بكثير .. ولا ننسى ان المدرب لسى ما تبين له مستوى الحقيقي لاغلب اللاعبين ومن وجهة نظري اللاعب السعودي مستواه يتغير من مباراة الى اخرى ليس بثابت وهذا هو ما يحير المدرب واليوم الحمد اثبت نفسه واترقع ان ريجيكامب راح يعتمد عليه من الان .. المدرب اهتم بالتكتيك اولا ولم يغير العناصر وفضل اللعب بالاساسيين

إقتباس الرسالة الأصلية كتبت بواسطة (أتاري) ^^^^ المدرب دفاعي مو هجومي طلعلي هجمه للهلال خطيره من يوم استلم ريجي التدريب وش الحكمه انه يامر ياسر وناصر بارباك دفاع الخصم ويتركون التهديف للغير ليه مافي سلم واستلم وين التكتيكات ياخي بذمتكم المركز 4 يليق بالهلال !!!!!!!!!!!!!!!!!!! ونبي اسيا بعد لا والله فلحنا

المدرب دفاعي ؟؟ اول مباراتين الهلال سجل 7 اهداف
مباراه الذهاب ضاعت هجمات كثيره للهلال وكذلك الاياب

يعني بتحكم من مباراه وحده ؟؟
ليش اليوم بعض اللاعبين كانوا مميزين واهمهم السديري وكواك وديقاو
صح ان المدرب اخطأ في التشكيله تقريباً ووضع بعض اللاعبين في غير مراكزهم
لكن يجب لوم بعض اللاعبين لأنهم الشوط الاول كانوا سيئين ويلعبون بكل برود


وكيف تقول بالله المركز الرابع يليق بالهلال ؟ محسسني ان الدوري بينتهي
ترى هذي 3 جوله والفرق بين الهلال والمركز الاول نقطتين فقط !!

+

اتمنى عدم الحكم على المدرب ترى اكثر الهلايين فرحوا يوم شافوا اول مباراه للهلال مستوى وتكتيك وهجمات
وبعد مباراه اليوم قالوا المدرب فاشل والخ !
كذلك انا اشوف ان بعض المندسين على طول طلعوا ويسبون بالمدرب ويقولون انه فاشل والخ
انتهبوا منهم

وعذراً على الاطاله

إقتباس الرسالة الأصلية كتبت بواسطة (أتاري) ^^^^ المدرب دفاعي مو هجومي طلعلي هجمه للهلال خطيره من يوم استلم ريجي التدريب وش الحكمه انه يامر ياسر وناصر بارباك دفاع الخصم ويتركون التهديف للغير ليه مافي سلم واستلم وين التكتيكات ياخي بذمتكم المركز 4 يليق بالهلال !!!!!!!!!!!!!!!!!!! ونبي اسيا بعد لا والله فلحنا

تراك متعادل مع الاهلي مو الشعلة , وفي ثالث جولة

وبعدين أنا اشوف إنه الهلال يضحّي بالدوري ويوصل للرابع والخامس ويجيب آسيا أحسن من إنه يشتّت تركيز اللاعبين وتضيع البطولتين ! أو نخرج من آسيا لا سمح الله ونحقّق الدوري اللي طفشنا منه !

والله العظيم لو جبنا اسيا ماعندي مشكله يروح الدوري

لكن مستوی الهلال اللي نشوفه مايطمن ياجماعه

احنا بنقابل العين والعين مو سهل واذا مستوانا كذا بالدوري وشلون باسيا اجل ؟

افضل شي سواه المدرب ان اراح اللاعبين 3 ايام

ضغط مو طبيعي ياليت علی الاقل تتاجل مبارياتنا بالدوري الحين نرتاح من هم اسيا

الهلال لعب أمام الأهلي فريق قوي ومنافس ومع ذلك خرج بأقل الخسائر ، الأهلي فريق مستقر ومرتاح وماعنده مايخسره في هذه المباراة ، ومع ذلك جاريناه وخرجنا منه بنقطة ثمينة ، ونحن في أوج المعمة النفسية والبدنية للاعبين والجهاز الفني فمن بربكم الرابح ؟!
وأما من ينتقد المدرب فهؤلاء واحدة من ثلاث : الأولى : أن يكون أعماهم التعصب من النظر بعين الحقيقة والواقعية بين الهلال التكتيكي المنضبط الموازن اليوم وبين هلال سامي بالأمس المفلس تكتيكيا وانظباطيا والمنهزم نفسيا . الثانية : أن لا يفهم في الكورة فهذا يهتم بتعليمه المدرسي ويترك الكورة لعله يبدع في مجال آخر . الثالثة : مندس غاضه مستوى الهلال في الموسم الحالي ويريد أن يتشفى بإثارة الغوغاء وبث الرعب في نفوسهم ، وهذا لو كان به خير لنفسه قبل الآخرين لاهتم بفريقه وترك عنه مالا يعنيه ولا نقول له إلا موت بغيضك يالسافل ..

اتوقع لو حمد الحمد وعزوز من بداية مباراة يلعبون كان لنا كلام ثاني

واليوم الشهراني والسديري افضل لاعبين اما الباقيين مختفيين وسيئين بصراحة

والاهلي كويس فريق ماعنده حظ ولا كان اكلناها على روسنا

وخلونا محايدين بصراحه الحكم كان ممتاز وماطرد علينا الزوري وبنتلي

يدورو الزله على ريجي لعيون سامي ياشيخ تراكم اشغلتونا وازعجتونا بسامي

سامي ماراح يرجع الى بعد 5 سنين قدام واداري افضل شي يمسكه اما ريجي

لم يستدعي سوا بينتلي يعني التشكيله مو على مزاجة بالبداية طلب مهاجم اجنبي ونفس الطريقة الأدارة ترفض

اما مستوى الهلال لاعبين الهلال مجهدين من مباراة السد الذهاب والأياب يلعبو على باب واحد هذا من غير نوير حق اللياقة

اللي طلع عضلات بالاعبين يعني ضروف كثيرة ومع التوقف راح يرجع فريق ريجي المرعب

ترا جد طفشنا هلال سامي هلال سامي
وش هلال سامي يرفع الظغط وينرفز وش لقينا منه قدام الانديه الشعله ظايعين والرائد صقعنا بالرياض وفي القصيم هدف واحد وعلى اعصابنا والعروبه نفس الشي والاتحاد منتهي وبالطقاق تعادلنا
وجاه المدرب الفاهم كارينيو وقفل عليه تقفييل في الدور الاول وكاس ولي العهد بغض النظر عن البلنتي اتكلم تكتيكيا
لعلمكم الدور الاول سامي طقطق وتعلم عالهلال وحتى الدور الثاني واسيا بغت تروح بالطقاق تاهلنا
الي يبي سامي يروح للنادي العربي اشغلتونا

الشوط الاول كانت باهت تماماً لكن الشوط الثاني تحسن وكان افضل
بدخول كريري والحمد وتغير طريقة اللعب اتزن الفريق ومن ثم انتكس
بدخول عبد العزيز الدوسري وخروج العابد .

فرصة الشمراني بعد تمريرة نيفيز كانت ستغير من جو المبارة
في حال استغلت بالشكل المطلوب وتسجلت هدف .

الحمد الله على كل حال..
بإذن الله تكون صحوه للفريق ..

بكل صراحة شغل ٢٤٤ ماتنفع معانا ... وتتعب اكثر وتطلب جهد اكثر من الهجوم.

نحنا متى ملعبنا ١٥٤ راح نعطي مباراة على أعلى مستوى

نحترم لياسر والشلهوب مكانتهم بس صعب تأخذ زمنك وزمن غيرك.

بصراحة اتمني التركيز علي اسيا الدوري نلعب بالصف الثاني الدوري مانبيه

امس كان مستوى الهلال اسوء من السيء بزاااااااااااته الفريق كانهم اول مرة يلعبون كورة لا استلام ولاتسليم ومخاشنات ومتنرفزين مافي الا السديري وكواك وديقاو والباقي مشي حالك اشراك سعود كريري خفف من الضغط الأهلاوي
ياسر القحطاني اقولها لك من الآخـر انسـى مسألة إنك ترجع ياسر 2007 على قولتهم لانه مافي أمـل - ناصر الشمراني الى الآن الجوال مفصول وعصبي - نيفيز الفلسفة الزايدة ماتنفع - ياسر الشهراني الله يرحم اثنين جابوك تعلم شلون ترفع كورة عرضية - عزوز الدوسري مثل الغنام بس الفرق انه عزوز يلعب والغنام محرول لازم اللاعبين يشتغلون على انفسهم ويجتهدون واللي يشوف انه ماهو قادر يخدم الفريق يشوفون له حل وبالتوفيق للأزرق

ردا على من يرفض المقارنات !!

كل اندية العالم تسوي المقارنات في صحفها
لولا المقارنات لما عرفت هل مستوى الفريق في رتم ( تصاعدي أم تنازلي )

لا أعلم لماذا تزعج البعض المقارنة بين المدرب السابق والحالي ؟

97% من الجمهور الهلالي كان ضد إقالة المدرب السابق (حسب استفتاء الرياضية)
تبي هذي النسبة كلللللللللللها تسكت عشان خاطرك ما تتحسس من الموضوع ؟؟؟؟


بالنسبة للمباراة
مسألة أنك تخسر مباراة أو تتعادل فيها مو عيب ولا هي أكبر الكبائر
عتبي على المدرب هو الآتي :
1. أن الفريق الذي ورثه أفضل من فريق العام الماضي .
2. أن التكتيك الهجومي في كل مباراة يثبت سوءه ( وهذا حدث العام الماضي مع الدفاع ) ولكن العناصر الحالية كانت حاضرة وبقوة في العام الماضي فمالذي تغير ؟
3. من يتحجج بنرفزة اللاعبين أو انفلاتهم العصبي فهو يحسب على المدرب ، وهنا تتضح شخصية المدرب على اللاعبين .
4. أن العناصر التي هبطت مستوياتها للأسف هم أفضل اللاعبين الموسم الماضي ، وهذا أمر خطير .
5. أن هناك كلمة لم نسمع بها العام الماضي وهو ( الإرهاق ) !!!

للأسف بعض الأعضاء معترض على ذكر اسم المدرب السابق وبنفس الوقت يمارس اسقاطات على المدرب السابق !!
وش هالتناقض ؟؟؟

اذا بنتذكر أن الهلال العام الماضي عجز على الانتصار على بعض الاندية الصغيرة فلماذا لا تذكرون الظروف ؟
الهلال هذا الموسم فاز ( بصعوبة ) على الشعلة .. أبقعد متعلق بها كل الموسم وأذل فيها المدرب ؟؟!!

ترى طبيعي أي فريق بالعالم يتذبذب مستواه بين كل مباراة لأخرى ، سواء مع ريجي أو غيره

بس على المعطيات اللي نشوفها ؟
وعلى استقرار الفريق وخصوصا في الدفاع ؟
وعلى الحضور الذهني والنفسي الكبير للاعبين في العام الماضي ( واللي ينكرها بعض السفهاء ) ؟

المفترض

أن الفريق يظهر بأفضل من هذا الشكل



انتهى

هل بدأت قناعاتنا تتغير من مباراه واحده

افاااااا وين الاحتراف حتى في التفكير