بين المدرج !وعبدالله السديري! والفرج !
هيبه وعملاق واهداف من نسج الخيال
الفن! والابداع!. ..حدث وقول بلاحرج
شعور ماحد حس فيه الاشقردي الهلال
سبعين الف الحاضرين غطوالكراسي والدرج
مالفقو بحضورهم اوغطوالكرسي بشال
مثل الذين اعلامهم نضحك عليه الى هرج
اعلام خط البلده !!...الله من كذب وهبال
ماعلينا!!ونحمدالله يوم جاب لنا الفرج
سلمان ياسلمان هذا اسمه هدف والا احتيال
خلاسعيدالشيب من بعد الهدف يمشي عرج
الكوره ابد ماشا فها ولا لمح حتى الظلال
لامرته ذكرى الهدف يحدث النفس بحرج
ويفزمن نومه وصاح بكل صوت ؟!اخوالعيال
ماعادفيها اخوالعيال سدالنواقص والفرج
وبعدنجيك بدوحتك !!؟ونعلمك كيف النزال
اماتشوف الكوره صح والاتدور ل مخرج
يم البحر والا السما والا الفيافي ..والجبال
هذا الهلال وهيبته حتى اسيا قامت ترج
واظن كحت وعطست وقالت هوالسحر الحلال
صالح الزهراني
اعذرونا على القصور

جميل يا صالح استمر

صح لسااانك

صح لسانك مدد بلا عدد ي صالح

كفو

الزعيم وجماهيره يستاااهلون

وأنت كفيت ووفيت

تحياتي واعجاااابي

اشكرك اخوي السامر وجمل الله حالك شاكر مرورك اللطيف

صح لسانك وبالتوفيق لك وللهلال

هلا وغلا اخويscorpion-king
صح بدنك
وانت احد الذين يستاهلون ماقيل وينطبق هذا الكلام على كل شقردي ملكي

مرحبا الووووف يابوخالد صح بدنك يالغالي

صح لسانك يالغالي
صراحة قصيدة جميلة
يعطيك الف عافية
ويستاهل الزعيم

صحت ابدانكم ومشرفين القصيده وصاحبها
الله لايهينكم (ملكي عفيف)و(مع الزعيم وين ماراح)

كفو صبي زهران

قصيده جزله من شاعر جزل

كفوك الطيب والله لايحرمنا من الشقرديه امثالك
دمت بود ومحبه

ابيات جميله جداً
يعطيك الف عافيه ع هذه الابيات الراقيه

هههههه الكلام جميل والمشاعر جميلة لكن وانا اخوك الأبيات مكسره .. اقرب ما تكون للتعبير مو قصيدة

يعتمد النص على قرائتك اخوي فيصل