هذه قصتي بالملعب ليلة البارحة


" والله شي مخجل على الكرة السعودية بشكل عام يعني لا موية ولا دورات مياه نظيفة وانقطاع الموية عن بعض دورات المياه ولا تنظيم زي الناس يا اخوان دافع 200 على تذكرة الممتاز اخرتها اجلس على الممر مو مشكلة نجلس على الممر بس متنا عطش نبي مويه اقسم بالله كتمة ودوخه وحر وفوق هذا مويه مافيه ليه تنظم مباراة اذا انت مو قادر توفر شي للجماهير والمشكلة تقولي ادعم ناديك اذا انا احترق عشان ناديي بعد المفروض انك كادارة النادي اللي اشجعه تقدرني كمشجع ولما اخش الملعب أحصل على الأقل مويه مويه بس مويه ما أبغى شي عادي أجلس على الممر ولا كأني دافع حق تذكرة مو مشكلة بس لا حياة لمن تنادي أتوقع بيئة ملاعب بنغلاديش أفضل من بيئة ملاعبنا اقسم بالله الدقيقة 44 الشوط الأول مشيت للبيت وكملت المباراة هناك .


مشكلة بعض الناس يجلس على كرسي ويحجز الصف اللي عنده كله ويقولك محجوز !!!!!
ليه يبووي ملعب أبوك ولا ايش ؟؟؟؟؟؟؟

العقليات ذي لمتى موجودة بالملاعب يرحم أمك سؤال إنت جاي تشجع فريقك ولا جاي تطق حنك مع أخوياك وتقلبونها تعاليل بالملعب ,,

والله دورت كذا إيجابية بملاعبنا ولا حصلت إيجابية وحدة كلها سلبيات

واللي يقول الإدارة تداركت الموضوع وجابت كرتونين مويه ترى عدد الجماهير فوق 64 ألف مشجع كرتونين خلها لضيوفك اللي بالمنصة !!!


وكل واحد قام يحط العذر بالثاني والله هذي مسؤولية إدارة الملعب وإدارة الملعب هذي مسؤولية إدارة النادي وإدارة النادي هذي مسؤولية شركة صلة ويتصلون على أحمد دياب الساعه 1 آخر الليل عشان يعرفون من مسؤوليته ويحصلون جواله مغلق !!!!

جدا غريب وين الإحترافية !!!!


بالنهاية بيئة ملاعبنا أعطيها 10% بس صالحة لإقامة المباريات