ثلاث صور كفيله بالرد على كل مقهور وتثبت من هو النادي الاكثر جماهيريه في السعوديه - نادي الهلال السعودي - شبكة الزعيم

دمي هلالي07 · #1 20/08/2014, 12:17 AM

كثر الكلام والتشكيك في الرقم الذي اعلن على شاشه استاد الملك فهد وهو حضور اكثر من 63 الف مشجع في مباراه الهلال والسد

وللاسف هذا ماتعودناه من الاعلام المضاد للهلال التشكيك في كل ماهو جميل للهلال

رسالتي للجماهير الهلاليه ان لاتخوضون معهم في هذي الدوامه التي لن ولن تنتهي مادام الهلال قاهرهم

واختصروا الرد في ثلاث صور اتحدى اي مقهور ان يرد عليها

الهلال والوحده الاماراتي وبحضور مايقارب او يزيد على 60 الف مشجع

الهلال وذوبهان الايراني وبحضور اكثر من 68 الف مشجع

واليوم الهلال والسد وبحضور اكثر من 63 الف مشجع

بالارقام الهلال هو النادي الاكثر شعبيه وجمهوره محطم الارقام وعقلاء الاعلام يؤكدون ذلك

أبـــ تاكي ـــــــو · #2 20/08/2014, 12:49 AM

موضوع مقفلين منه من زمن
................

الدليل الدامغ ... الشركات الراعية هل بتجيك عشان سواد عيوني وعيونك

لاياقلبي .. عارفين انو في مدرج كبير داخل المملكة .. في قاعدة جماهيرية عرررريضة

موبايلي وكل الرعاة من بعدها ..... تدور المدرج الأكبر

الهاش اللي وصلناه قبل امس الي راااااابع العالم.

حجج كثيرة تدل على اننا الأكثر والأميز والافضل

ازرقاني اللون · #3 20/08/2014, 12:53 AM

إقتباس

الرسالة الأصلية كتبت بواسطة هلالي vip ,


	سلام عليكم يوجد عندي ساعه رولكس الحديثه هاي كوليتي AAA طبق الاصل ضد الخدش وضد الماء ونفس وزن الاصليه ونفس لمعة الاصليه حجم الساعه جامبو ( يوجد مع الساعه علبه للي يبي يقدمها كهديه ) نفس ساعة سامي الجابر الساعه سعرها في السوق من 600 وفووق لكن انا بابيعها ب 500 ريال والشحن علينا لأي مدينه وللي بيشتريها يجي على الواتس ارسله الصور رقمي 0533034223

وش تحس به يالحبيب
ترا هنا منتدى نادي الهلال موب موقع مستعمل هههههههههههههههه

SULTAN || 20 · #4 20/08/2014, 01:03 AM

اقولك شي من الاخـر

لو انهم واثقين من حضورهم وجماهيريتهم كان مابربسوا كل شوي على هالموضوع

راس مالهم كم مشجع مسن اما الباقين حضورهم متعلق بالبطولات واكبر دليل اول مباراة لهم بعد خسارتهم السوبـر

ويسمونهم جمهور الوفا وهم اكثر جمهور قاطع المدرج في الرياضه السعودية

نفسيات

SULTAN || 20 · #5 20/08/2014, 01:05 AM

ولاننسى طبعا جمهور 2014 الي نصهم ماعرفنا انه نصراوي اصلا الا من اخر جولتين في الدوري طالع لنا يهايط والعام تسأله يقولك ماني راعي كورة اتابع الدوري الاوروبي بس

هلالي النصيحة · #6 20/08/2014, 01:14 AM

بالتوفيق للزعيم الهلالي وعقبال اللقب السابع بحول الله وقوته .... شكرا لك

خلف نت · #7 20/08/2014, 12:16 PM

الله يعطيك العافية وبالتوفيق للزعيم

ابوخالد2011 · #8 20/08/2014, 01:13 PM

الله يعطيك العافيه وان شاالله التأهل من الدوحة الي دوري الاربعه والحصول على البطوله

ازرق غير متعصب · #9 20/08/2014, 01:27 PM

كلام منطقي .. وصور تغني عن كل الكلام .. الأرقام لا تكذب أبدا .. تقبل ودي

نركي · #10 20/08/2014, 01:48 PM

ان كان بتابع هياطهم صدقني راح تتعب
هذولي لو تقول لهم انتم امسكوا البوابات كان جابوا لك الف علة

ابوساري · #11 20/08/2014, 01:55 PM

لا يوجد عاقل يشكك بأن الجماهير الهلالية هي الأكثر عدداً في المملكة ..
ربما التفاعل يتفوق علينا الإتحاديين فيه .. لكن وقت الجد لا يوجد غير الجماهير الهلاليية ..
ومجنون اللي يقارن بين جماهير الهلال و أي جماهير ثانية ..
وتحت أي إحصائية الهلال راح يتفوق ..
شوف أي رقم تابع للجماهير الرياضية تحت أي موقع إلكتروني أو حساب تواصل إجتماعي أو أي شيء ثاني ..
راح تلاقي عدد الهلاليين ضعف أو ثلاث أضعاف عدد الجماهير الأخرى
يكفي المنتسبين في منتدى الزعيم أكبر من عدد المنتسبين لأي منتدى آخر .. وربما لو جمعت عدد المنتسبين لمنتديات الأندية الأخرى مجتمعين لأمكن مقارنتهم بعدد أعضاء منتدى الهلال ..
وقس عليها أي موقع رياضي ..

لا يمكن لعاقل أن يتجاهل هالحقيقة الدامغة .. وهي أن جماهير الهلال عبارة عن شعب مستقل بذاته

AL_HILALEY · #12 20/08/2014, 02:14 PM

جمهور الهلال معروف
ولا ماكان تهاتفت الشركات لعقد استراتيجيات مع كبير اسيا
ونفس ماتفضلت مايحتاج ندخل معهم بمهاترات جمهور الزعيم في غنى عنها
تحيتي لك

هلاليه الاحسا · #13 20/08/2014, 02:29 PM

جمهور الهلال معروف
ولا ماكان تهاتفت الشركات لعقد استراتيجيات مع كبير اسيا

محب الجوهره · #14 20/08/2014, 08:34 PM

اللهم لك الحمد والشكر جمهور يرفع الراس يارب يوم الثلاثاء يكون الفريق في الموعد وكذلك الجمهور

عذب السجايا · #15 20/08/2014, 08:38 PM

موضوع وصور تفتح النفس
الله يعطيك العافية ومبروك الفوز