وسط حضور جماهيري كبير .. الهلال يكسب نظيره الفتح وديًا بثلاثة أهداف مقابل هدف وحيد ( تقرير ) - صفحة رقم 3 - نادي الهلال السعودي - شبكة الزعيم

HAWK · #31 03/08/2014, 10:49 AM

ردي في منتدى هلاليين الإقلاع

إقتباس


	مثل أي مباراة وديه الأهم فيها الوقوف على جاهزية اللاعبين لكن الي يميزها انها اخر مباراة استعدادية .. والغريب ان المدرب لعب بتشكيلتين تقريباً ولا وحده منهم تقدر تقول الأساسية .. كلهم خليط بين الأساسي والبديل وما ادري وش الهدف من الحركة .. الزبده على الرغم من الشوط الأول كان يفتقد لأهم العناصر مثل " نيفيز كواك وبنتلي وسالم " الا ان الهلال كان فيه أخطر وضيع ناصر تقريبا 5 اهداف سهله وهذا يعطي مؤشر إيجابي ان عزوز الدوسري وحمد الحمد والشلهوب مستعدين بشكل جيد ووجودهم بهالشكل بيعطي منافسة في منطقة الوسط مع العابد وسالم ونيفيز .. الجمهور كان متذمر من استمرار تدهور مستوى البيشي في الظهير الأيمن واتوقع ما توصل الجوله الثانيه في الدوري الا والجمهور بيرجع يطالب بظهير بعد فترة الركود في الفترة الأخيرة .. اتمنى من كل قلبي ان المدرب عنده تشكيلة جاهزة وخالص منها بس حب امس يغير شوي ويطبق بعض الخطط البديلة .. خصوصا وانها اخر مباراة استعدادية قبل انطلاقة الدوري .. بنتلي لاعب مميز .. واتوقع له بصمة كبيرة في الفريق كواك قائد محنك .. صمام الأمان وطول الشوط الثاني وهو يوجه اللاعبين اعجبني في الثنيان استمرارة في توجيه خط الدفاع وطول المباراة وهو يصارخ وهذا يعطي مؤشر ان الحارس حاضر ذهنيا في المباراة .. هدف الفتح امس درس المفروض يستفيد منه المدرب .. خطأ التمركز الي صار من شراحيلي وديقاو المفروض ما يتكرر ولازم المدرب يوجه كواك (على اساس انه القائد في خط الدفاع) في توجيه المدافعين للتمركز السليم .. الجمهور الي حضر يبين كمية الشوق للفريق والحماس الكبير للموسم الجديد .. الرئيس اجتهد في توفير مصادر دخل للنادي وجاب بعض العناصر الجديده بالإضافة لطاقم التدريب .. اللاعبين شفنا في وجيههم الحماس والجهد الكبير في المعسكر الإعدادي .. الجمهور ملأ مدرجات النادي في مباراة وديه .. الكل مستعد .. باقي التوفيق من رب العالمين والدعوات الصادقة لفريقنا لتحقيق الانجازات ..