القصيم مـــدينتي ..! الســلام عليكم ورحمـة الله وبركاته صباحكم ومسائكم خير ، وتقبل الله صيامكم وقيامكم أباطرة المجلس الكرام يقول الشاعر : هجرت بعض احبتي طوعاً .. لأنني رأيت قلوبهم تهوى فراقي.. نعم اشتاق ولكن وضعت .. كرامتي فوق اشتياقي.. ارغب في وصلهم دوماً ولكن .. طريق الذل لا تهواه ساقي أهدي هذه الكلمات للمجلس وأعضائه الكرام ^ الكاتب ما قرا الأبيات يحسبه مدح :s2: شدّني الحنين والشوق إلى المجلس < كذاب وأتيت مُسرعًا لأعانق مجلسنا < كذاب ساعة عشان تذكر الباسوورد :razz: http://www.shy22.com/upfilpng/1ix88727.png وش أقول ووش أخلّي .. القصيم .. التراث ، التاريخ ، النمو ، الازدهار ، البيك قريبًا s13s صحيح اني أحد مواليد مستشفى الملك فهد الساعة 6 الصبح بجده :yes: صحيح اني درست في مدارس جده :yes: صحيح اني أحد سكّان جده :yes: صحيح اني ما أروح للقصيم الا بالإجازات لكن هذا لا يمنع ان الانتماء إلى القصيم باقٍ إلى الأبد القصيم من وين ابدأ ومن وين أنتهي القصيم ما سهل من الأرض وكثر شجره والقصيمة منبت الغضى والارطى شكرًا ويكيبيديا :d تضم منطقة القصيم العديد من المحافضات وهي : - بريدة ، القرعاء :wub: - عنيزة ، الرس ، البكيرية ، عيون الجواء ، غاف الجواء ، المذنب ، البدائع ، رياض الخبراء ، الأسياح ، النبهانية ، رياض الخبراء ، الشماسية ، عقلة الصقور .. وغيرها بريدة هي مقر إمارة القصيم بحكم أنها المحافضة الأولى في المنطقة يارب ما يطلع لنا عنيزاوي ينشب لنا :d القصيم قديمًا قبل الإنضمام للمملكة كنّا ناوين نسويه مملكة ونحط به البيك وسينما ونخلّي الحريم يسوقن لكن يقال ان بن جلوي جاء وحلف ان نكوّن دولة وحدة ، قال عشان نصير أقوياء ويد وحدة ومتكاتفين .. ونبي نحط العاصمة جنبكم ان بغيتوا شي حياكم اقلطوا عندنا بريدة أشهر معالم بريدة هي : برج بريدة http://www7.0zz0.com/2012/09/24/15/130875736.jpg وهل يخفى القمر ؟ هذا البرج الموجود في كتب الوطنية واللي جنبه على طول ناديي الرائد والتعاون ما بوه مثله بالقصيم شارع الخبيب http://upload.al-wed.com/uploader/up...1263394448.jpg يارب يصدّقون انه شارع الخبيب :d شارع الخبيب التاريخي هالشارع فيه كل شي منطقة تجارية غلطة عمرك تروح له الساعة 5:30 العصر لأنه تبي تحوم تسبدك مع الزحمة والسيارات والهنود وابو خلَق المنتشرين في أنحاء الخبيب مير انتبهوا ترا سيارة ساهر تاقف وانت رايح للخبيب قبل النقل الجماعي الجديد سوق الجردة http://www.alwatan.com.sa/Images/new...0405-RYD-1.jpg بإختصار شديد ، مكان يتجمعون به الشيبان اللي ما عندهم شي ويتهاوشون به على الخردة السوق الداخلي http://static.mubasher.info/File.Sto...ge/2825919.jpg اسمحوا لي أعطي هذا السوق مساحة أكبر في التعبير لكونه عزيز جدًا على قلبي وأعرفه من غربه لشرقه ومن جنوبه لشماله وسبب خبرتي به هي المقولة الشهيرة لجدّتي "ياوليدي أبي السوق الداخلي أبمّر محل وأنا واقفة بس" وأنا واقفة بس = ساعتين ونص وربما تمتدّ وتلقى مباراة الهلال بادية ومحمد ماسك خلّاط مشهّب منقلعة ايده ورايح به للمحل يصلحه :cry: هذا السوق يضم عدد من المحلات أشهرها هناك سوق الذهب وهو المكان الأمثل للمرور لرفع ضغط المواطن وتخليص الدفاتر الصفراء :ranting: ومطاحن العيش والحنّا اللي متّرتهن تمتير ولا يهون المصلّحاتي اللي أجيب له خلّاط عمره 40 سنة ويصلّحه ابن الكلب وأيضًا محلات العطارة المشهورة هناك مركز الملك خالد الحضاري http://www.3alyoum.com/wp-content/up...mp-560x308.jpg تقام فيه عدد من المهرجانات والبازارات على مدار السنة وأشهر مهرجان يقام هناك هو مهرجان الكليجا المهرجان هذا إذا كنت بالقصيم ما أفوّته آخذ جدّتي ودلّة القهوة ونروح وما فيه غير قوّة بلع من الكليجا وتقهوي وكل شي طااازج من الفرن إلى الفم ونرجع للبيت سكّر جدّتي صاكّ الـ 400 عنيزة أشهر معالم عنيزة دوّار الساعة http://cdn.sabq.org/files/news-image/133006.jpg?289282 ساعة عنيزة الشهيرة كانت سابقًا عبارة عن دوّار يتوسّطه الساعة وتحوّلت مع التقدّم العمراني إلى إشارة منذ مبطي وحطوا بها ساهر ومع ذلك إذا جاء واحد يوصّف لك قال همّن يجيك دوّار الساعة ياخلفهم ! سوق المسوكف http://news.travelerpedia.net/wp-con...%83%D9%811.jpg هو عبارة عن سوق تباع فيه الأشياء القديمة دلال واباريدز والكترونيات وعلب وقوارير وألعاب وسيارات ولوحات وغيره من الأشياء التراثية والقديمة مزرعة التركي http://img163.imageshack.us/img163/1088/84334599.jpg مزرعة كرّاث ومهوب أي كرّاث تروح للمزرعة تقول له عطنا بعشرة اريل ، ويروح يحصده لك وينفضه له نفضتين ويلفزه لك بكرتون ، من كثر ما تشتهيه ودّك تنحر أقرب بقّاله وتاخذ خبز حار وملح وتفتح الكرتون وتاكله .. حتّى بدون غسيل سعابيل من هنا لعنيزة مؤخرًا غيّر مكانه ورفع أسعاره الله يهديه البكيرية http://s.alriyadh.com/2010/05/11/img/519729553205.jpg يكفي نقول انها المدينة الصحّية الأولى على مستوى المملكة وفيها هرفي عيون الجواء http://up.graaam.com/forums/486056/01284456492.jpg شاهد على قصّة حب عنترة وعبلة ففيها قال عنترة في حُب عبلة ولقد حبست بها طويلاً ناقتي .. أشكو إلى سفح رواكد جثم يا دار عبلة بالجواء تكلمي .. وعمي صباحًا دار عبلة واسلمي كان عنترة ساكن بعيون الجواء ولا جاء مسيّان راح عند صخرة وبدا يقصد ببنت عمّه عبلة ، كان دايخ معها ويحبّه حبّ ما بعده ولا قبله ، وصار مع الوقت يقابل عبلة على طلعة الفجر عند نفس الصخرة ويبدأ يقصد به .. عاد درا به عمّه ابو علبة وراح هاوشه عند الصخرة ومعط عبلة عبلة مع جدايلها وقال لابوه خلّه يعقل ويخلّي عنه الحب والخرابيط ، ويجيك عنترة من شدّ حبّه لعبلة واعدها عند صخرة ثانية عشان ما يدري بهم ابو عبلة وإلى يومنا هذا وصخرة عنترة موجودة في القصيم بعيون الجواء وهذا إن دلّ على شيء فهو يدل على ان القصيم ديار العشّاق صح الهيئة ناشبتن لنا بس ولو ( صورة صخرة عنترة ) الشماسية بدون صورة لأسباب أمنية :d خير الكلام عنها ما قلّ ودلّ تخبرون القصبي يوم يعفط اذانه ويصيب ؟ هذي الشماسية البلع التمور تعتبر القصيم من أكبر المناطق في المملكة تصديرًا للتمور ويدّهر فيها سوق التمور طوال السنة وفي أوقات يكون فيها الطلب عالي مثل قبل رمضان http://altomor.com/src/products/2013...008-FHV051.jpg الكليجا هي عبارة عن قرص من الطحين داخله دبس باختصار يعني ولا تفوتكم كليجا أم عبدالله والله ياهي بالدماااغ http://vb.alhilal.com/data:image/jpe...2iRIkVJn//2Q== الحنيني عبارة عن أكلة دورها تجيب لك حرقان https://encrypted-tbn0.gstatic.com/i...XFC1-VFC0Vj615 المرقوق - المطازيز - الجريش - السليق أكلات شعبية لا يخلو منها أي بيت http://www.mekshat.com/pix/upload05/...20(mobile).jpg رمضان http://pic.almsdar.net/uploadcenter/...1314012916.jpg طقوس رمضان متشابهة مع باقي المُدن تزيد إعلانات السوبر ماركت ومجلاتهن تلقاهن على باب كل بيت نظام الفيمتو بريالين وما ياخذ الواحد الا قزازتين والحركات هاذي سوق النخيل يعلّق لمبات صفراء على مداخله وقضينا تبي الطقوس الصح تعال شفها بجدّه رمضان شهر الخير قبل يدخل رمضان يطلع المواطن السعودي ناوي يتقضّى كل ما لذ وطاب ويطلع من السوبر ماركت معه ثلاث عربيات مليانة ويرجع البيت ثم يتذكّر يقول نسينا قشطة المراعي ، ويروح من بكرة عشان يجيب قشطة المراعي ويطلع من السوبر ماركت معه عربيتين عاد الحريم والبنات والشغالات تلقاهن في أول الأيام ما في الا قوّة لفّ بهالسمبوسة حيث تصل سرعة الوحدة إلى 4 حبّات سمبوسة بالدقيقة يعني حوالي 240 حبّة في الساعة بنت اللذين اهب طبعًا المعدّل يتناقص مع انتصاف وانتهاء الشهر الفضيل إلى ان يصل إلى حبّة كل 4 دقايق 26 رمضان وهذا يؤثر على سفرة الافطار طبعًا اللي ما تشوف آخرها في أول رمضان وفي نهاية رمضان تلقى السفرة عبارة عن تمر وعلبة قشطة باقي به نصّه وبه قشور تمر ومنتهي تاريخه وذباب يلعّن عليهم يقول وش هالفقر ختامًا لا نقول وداعًا بل إلى لقاء قريب ان شاء الله :razz: أتمنى اني أكون عطيتكم نبذة عن القصيم الحُب :smilie47: ولولا اني مستعجل وراي دوام كان فلّيته بهالموضوع :d مادري وش السوات مع صوركم عيّت تجي بمقاس واحد :mad: اللياقة وسط :d |
مميز يالغالي ويكفي اني عشت في البكيرية سنة كاملة كانت سنة جميلة وجزاك الله خير |
ابداااااااع ومجهود رائع أحسنت في طرح الموضوع والصور التراثية الجميلة |
مميز يا هلالي القرعاء في أسلوبك ومميز في تقريرك :smilie47: بس والله معاد درينا صدقك من كذبك :s2::smilie47: يكفيني فخراً أنني أول شخص بالعالم ذهبت للقصيم لغرض السياحة :s2::smilie47: من المواقف الجميلة لي في رحلتي السياحية .. مرة ضيعت الطريق ووقفت عند الإشارة أبي أسأل السيارة اللي بتوقف جنبي ! كانت النظرة عندي إن القصيمي لو عرف إني مش قصيمي ما راح يعطيني وجه أو بيوصفني غلط :s2::smilie47: المهم وقفت ونزلت الدريشة وأشرت على السيارة اللي جنبي .. طلع مطوع قصيمي قح :smilie47: قلت بتصنع: لو سماااحت السوووق وينووه بووووه؟ :s2: قال لي: دوووك باتسر ورااااو تسذااا وش ازينبووه ..الخ أنا فهيت من اللهجة وضيعت فلفيت يسار مع إنه كان يأشر لي قدام :s2: بس للأمانة .. أعشق هاللهجة :smilie47: إقتباس:
ثانياً البساطة وسعة الصدر .. ثالثاً بضائع تراثية تعبر عن المنطقة بأسعار مناسبة .. |
الوقت المعتمد في المنتدى بتوقيت جرينتش +3.
الوقت الان » 10:57 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd