بصراحة قرارات هالاجتماع غريبة جداً وبعضها غير متوقعة ..
وخاصة قرار تطبيق نظام الذهاب والاياب بدور الاربعة ببطولة كأس ولي العهد .. وقرار تخفيض السقف الاعلى للرواتب .. وقرار استمرار المربع
| إقتباس | | | | | | | | |
واوضح سموه ان الادوار النهائية لمسابقة كاس صاحب السمو الملكى ولى العهد ستبدا بعد موسم الحج بمشيئة الله تعالى بنظامها المعروف مع تطبيق نظام الذهاب والاياب بالنسبة لدور الاربعة لاعطاء مزيد من تكافؤ الفرص فى هذه المسابقة المهمة. | | | | | |
الملاحظة الاولى عندي على نظام الذهاب والاياب بكأس ولي العهد وليش يكون بدور الاربعة فقط ..
طيب حلو ان يتم تطبيق مباريات الذهاب والاياب ..
لكن السؤال هنا ليش مايتطبق نظام الذهاب والاياب بدور الثمانية !! ووليش مايتطبق بدور الـ16 !! ووليش مايتطبق بدور الـ32 اذا كان من باب تكافؤ الفرص !!
والسؤال الأكبر ليش مايتطبق بالنهائي !!!!!!!!! ووليش يتطبق بدور الأربعة فقط !!!!!
بصراحة مجاملة مكشوفة .. وسقطة .. اسف سابقة تحسب للاتحاد السعودي لكرة القدم ..
كسابقة المربع الذهبي
والملاحظة الثانية هو البداية المبكرة لكاس دورى خادم الحرمين الشريفين هالموسم واللي يبدا يوم الخميس 30 / 6 / 1424 هـ ، اي بعد كأس الصداقة باسبوعين .. وعلى عكس ذلك البداية المتأخرة لكأس الامير فيصل بن فهد لاندية الدرجة الممتازة واللي يبدا يوم الاربعاء 16 / 10 / 1424هـ
يعني واذا شارك الفريق الهلالي تحت الـ23 سنة ببطولة الصداقة راح يرتاح اربع اشهر حتى بداية كأس الامير فيصل
.. وهنا
انصح الادارة الهلالية بالمشاركة ببطولة الصداقة بالفريق الاول استعداداً للدوري .
فما الفائدة من مشاركة فريق تحت الـ23 سنة ببطولة الصداقة وكأس الامير فيصل بن فهد راح يبدأ بعد انتهاء كأس الصداقة بأربعة أشهر !!
يعني منها استعداد الفريق الاول للدوري .. والأهم ان بطولة الصداقة بطولة معترف بها
| إقتباس | | | | | | | | |
تخفيض السقف الاعلى لمرتبات اللاعبين المحترفين السعوديين الى 15000 خمسة عشر الف ريال للدرجة الممتازة وعشرة الاف ريال للدرجة الاولى ومبلغ ثلاثة الالف ريال كحد ادنى للمرتبات للدرجتين. | | | | | |
الله يعين هاللاعبين .. يخفضون بهالسقف شوي شوي يما والله العالم ينزل فوق روسهم
ومادري وش ذنبهم يحترفون براتب شهري مايتعدى الـ15 الف ريال .. وغيرهم ياخذ هالمبلغ بمباراة وحدة
.. وكأنها دعوة مفتوحة من اتحادنا الموقر للاعبينا للاحتراف الخارجي
لكن وين الاندية ووين العقود !!
| إقتباس | | | | | | | | |
بالنسبة لبطولة مجلس التعاون قرر الاتحاد ان يمثل المملكة فيها بطل مسابقة كاس الامير فيصل بن فهد لاندية الدرجة الممتازة . | | | | | |
طيب هالسنة راح يشارك الاتفاق ..
والسنة الجاية من يشارك خاصة اذا اقيمت بطولة الخليج قبل انتهاء بطولة كاس الامير فيصل ..
وبعدين وشلون يشارك فريق فاز بالبطولة بفريق تحت الـ23 ببطولة للاعبي الدرجة الاولى !!
والا الدعوة سد فراغ بس !!
| إقتباس | | | | | | | | |
التاكيد على جميع الاندية بعدم تاخر صرف مرتبات اللاعبين واحاطتها بان تاخر صرفها لمدة ثلاثة اشهر سيمنع النادى من تسجيل لاعبين محترفين سعوديين او غير سعوديين | | | | | |
طيب يمنع من التسجيل
ليش ماتقول يمنع من الاعانة والا يمنع من دخل المباريات .
والله العقوبة
اما المربع الـ............. فسالفته سالفة
لكن وش نقول بعقول مدري وشلون تفكر .. علشان ندري وشلون تقتنع