|| صيـــــــــد الجماجــم ..الجزء الرابع || السلام عليكم ...... معكم جمجوم بيك ما بعد الاعتزال ...:D:D # صيد الاعتزال # في الايام الماضية قررت الاعتزال من جميع المنتديات في النت ولا زلت عند قراري ولكن استئنفت القرار وأجلته شوي وذلك لعدة اسباب منها على سبيل المثال لا الحصر - هالشبكة صعبة اتركها بهالسرعة لانها عزيزة على قلبي بمواضيعها واعضائها يعني مثلا لو هو منتدى ثاني غير الزعيم كان تاركهم منذ مبطي بس انتم غير . *ومن اسباب اعتزالي وتركي للنت تغيرنوعية المواضيع بالمنتديات واللي احس من ناحيتي اني ما اقدراتعامل معها او ارد عليها او اناقشها لانها لاتخصني ولا تثيرني واللي زاد الطين بله كثرة هالنوع من المواضيع واعذروني هذي طبيعة الجماجم مايتأقلمون بسرعة ... عموما انتم منتب ملزومين بي وان شاء الله قعدت والا رحت ما راح اغير شيء انا مثلي مثلكم .. وانا تسني اشوف الأخوة المشرفين ما ودهم اجيب طاري الاعتزال لانها تعارض لوائح المنتدى . نرجع لموضوع الصيد : أمس شفت الشيخ الدكتور / ناصر العمر حفظه الله بقناة المجد وتكلم على ان المنتديات تعتبر عند الغرب بزبالة النت -الله يعزكم - وهو اي الشيخ مع هذا الرأي . ويستشهد الشيخ برأيه ان 10% من الذين يكتبون بالنت عندنا يستخدمون اسمائهم الحقيقية والباقي كلها مستعارة . وقد استثنى الشيخ من يكتب مواضيع فيها النصح والفائدة .. انتهى ___ اشوف ياجماعة ان رأي الشيخ صحيح والسبب ان فيه بعض المنتديات الله يصلحهم طبعا غير منتدانا هذا يقومون بكتابة مواضيع فضح وتجريح وطعن بأعراض ناس وهذي واجد من هالنمونة ولكن المصيبة انه يجيك واحد ويقول قريت بالمنتدى الفلاني ان الشخص الفلاني اغتصب او سرق او نهب او او ... والثاني اللي سمع يروح ينقل اللي سمع وتنتقل الفضيحة بين الناس كالنار في الهشيم .. والسبب ان شخص بالنت كتب بأسم مستعار في أحد المنتديات هذه الفضيحة وحنا صدقناه . اليست هذي زبالة اذن .... انا اوافق كلام الشيخ ناصر الله يحفظه ... [HR] # صيد الهجه # هج هذا اليوم اسد ومرته من احد المزارع بالدرعية .. (الدرعية قرية حول الرياض ) وتفاصيل الحادث : قام العامل المصري بسطويسي مادري وش اسمه كعادته اليوم بفتح حوش الاسد لتقديم الطعام .. ولكن الاسد كان يخطط الظاهر طول الليل على الهجه فانقض على العامل ومخشه وسبب له بعض الجروح البسيطة فهج الاسد ولحقت به مرته اللبوة ..الى وادي حنيفة . ولايزال الاسد ولبوته يتسدحون بالوادي وياويل اللي يقرب لان الاسد طاقه الجوع ... السؤال : وش اللي جاب اسد ولبوة بمزرعة بالدرعية ؟؟!!!! مهيب بعيدة ان مزارع الخرج يربون تماسيح وفيله !!! وهاللبن اللي نقحنه كل يوم يصر لبن فيل والا حمار وحشي كل شيء ممكن .. المهم لايزال البحث جاريا عن الهاربان ... وذكر مصدر مسؤل ان زيارة الاعصار الأخيرة للدرعية أثارت حفيظة الاسد لانه درى ان الاعصار مدير المتابعة بشبكة الزعيم يتواجد قريب منهم .. .فانقهر الاسد لأنه نصراوي وقال والله مالي قعده بهالحوش وذكر شاهد عيان ان الاسد الهارب شبيه لأبو سعد الذي تم اعتقاله من حديقة الوساويس هل يكون فعلا هو ابو سعد عاد ليسترجع ملكه؟؟ ولكن السؤال من هي اللبوه اللي معه ؟؟ وما موقف زوجته الأولى ام سعد اذا كان متزوج ثانية ؟؟؟.. راجع أحداث حديقة الوساويس ارعص هنــــــــــــــا لمشاهدة الاحداث .. وياحول ياهل الدرعية والله ياهم قعدوبه :D [HR] وسلامتكم أبو خالد |
الـحـاتـمـي ... مــر مــن هـــنــــا .... ويقول : الله يرجك يابو خالد ..... |
@ جمجوم بيك الحمد لله على سلامة بسطويسي !!!!!!!!!!!!!!! @ كأني اشوفك تتفقد موضوعك :rolleyes:;):rolleyes: فاقد( ن) شئ !!!;);) قبل شوي الحاتمي مر من هنا :confused::rolleyes:;) @ تحياتي يعطيك الف عافية ... |
حبي تيماوي .... تدري وش فاقد بموضوعي ؟؟ فاقدك انت ;);) الله يهلك اللي كان السبب :bluesky: |
هلا ابو خالد <<< ياخي ذى ينبسط على مواضيعك مادري ليه:D فعلاً المنتديات الله يستر بس الصراحه كل النت وش لقينا منه الا تضيع وقت و و و الا من رحم ربي |
[ALIGN=CENTER]جمجوم بيك موجود .... يا مرحبا يا مرحبا ..:) إقتباس:
المنتديات النتية عموما تغيرت عن ذي قبل .. ولكن عندما يقف القدامى مكتوفي الأيدي فمن الذي سيغير هذه المنتديات ؟!! ولو كل من لم يعجبه الوضع اعتزل لما بقي أحد !!!! [HR] # صيد الاعتزال # إقتباس:
مع الأسف أصبح ( يجب ) أن تكون على معرفة شخصية بمن يكتب حتى تصدق أو تكذب الخبر ..!! [HR] # صيد الهجه # إقتباس:
إقتباس:
إقتباس:
تصدق لو إن الاعصار داري عنه ما ( هوّب ) ناحية الدرعية كلها..:D:D على فكرة لا تنسَ تجيب معنى ( هوّب ) إذا وصلت حرف الهاء..:yes: إقتباس:
سجل بعد ( قرادت حظ ) :D:D.. [HR] على العموم صيد جيد اللي جلبته لنا اليوم .. وعساك على القوة ..:) يعني الصيف جاء .. وأنت عارف إن الربع هنا أنواع الدجة يعني ما هنا سفريات:D.. ما لنا إلا هالمنتدى .. فكثر من هالصيد لأن المعازيم واجد..;) ألف شكر لك جمجوم بيك على هالموضوع .. وتقبل تحياتي ،،، أخوك / البارق:)[/ALIGN] |
لا ....... لا ........ لا ........ ولن ....... نرضى باعتزال أبو الجماجم :no: :no: :no: تكفون يالمشرفين اقضبوه لايهج مع الاسد ومرته :D هالحين فاتحين سبعة مواقع كل واحد يطق اصبع للثاني ويقول الزين عندي ... وتعتزل ياجمجمة الهلال المليئة والحية ;) وعلى قولة مشرفنا ( أها بس لاعمرك تجيب طاري الاعتزال ( قم بس قم ) :yes: أقول ياجمجمة علم ( سهوووووووول باشا اني ماقدرت ارد على شجونه لعدم فتح الصفحة لي ما ادري ليه ) سلام ! |
[ALIGN=CENTER]لا والف لا ،،، لأعتزال يا ابو خالد ... إقتباس:
إقتباس:
وســـــــلام مؤقت ...:D[/ALIGN] |
ردووووود : الأخ الحاتمي مر من هنا ياخوي تعال انت وش قصة مر من هنا ... راضعن مع خط البلدة انت ؟؟!!:D:D ياخوي غبرت علينا من كثر ما تمر من هنا :D:D امزح معك ..الا مر واسحب جلنط بعد :D:D تحياتي :D __________ الأخ فيرون الرياض اسمح لي اسميك فريون الرياض لأننا بحاجة الى انواع الفريونات بهالحر :D إقتباس:
اكتب شيء مفيد ولك أجر عظيم .. الله سبحانه وتعالى كريم يجازي بني آدم بنياتهم حتى لو رديت على اي موضوع بكلمة جزاك الله خير واحتسبت الأجر انك ودك تفرح كاتب الموضوع تأكد ان الله سبحانه وتعالى يجازيك بنيتك . لذلك من الآن احتسب الأجر في كل كلمة تكتبها .. وشف اذا ماصارت النت مفيدة ومهيب تضيع وقت . تحياتي والله يبسطك ويجازيك خير على نيتك لانك تنبسط من مواضيعي ;) ---------- السيد مشرفنا بارق قلبي 2000 ياطول ردك !!:eek::eek: والا كله اقتباس من بربرتي :D:D إقتباس:
بالله اذا صار الموضوع عن طبخ والا اكسسوارات والا فوشي ...وشلون الشايب يرد وش يقول ;):D وتسلم حبيبي على ردك الحلو ..وسلم لي على ابن عمك;) تحياتي ____________ المملكة إقتباس:
...يجيب الله مطر :sleep::sleep: _______ عارف الهلالي تخاف من القطو اذكر انه كلب هلا فيكم |
أبو خالد و ربي مالك داعي تعتزل :no: الحين ما صدقنا ترجع لنا عقب طول غيبة تبي تعتزل :( وراه يا كافي :( الصيد طيب بس و ربي ما نكد علي التمتع بالصيد غير سالفة إعتزالك حسبي الله على بليسك :cry: أبروح أبكي و أرجع كودك هونت :cry::cry::cry: |
إقتباس:
هههههههههههههههههههههههه تصدق ياجمجوم أفندي .. ولا هو إقلال من أي أحد في شبكة الزعيم .. تدري أنك انت الشخص الوحيد اللي تخليني أضحك بصوت عالي .. لدرجة أخاف أحد يدخل غرفتي يقول وش هالمهبول .. اقولك .. وش رايك نطلع بكرة الفجر ندور الأسد .. ومنها تمشية .. الشاهي عليك .. والكاميرا علي :D واللي يخلي موتر بروق باشا .. جديد وش حليله وودك ناخذ بعد عارف الهلالي معنا .. يمكن يطيب لما ينحاش من الاسد بخخخخخخ |
إقتباس:
تحياتي ... ابو واحدات111 |
إلا الأعـتـزال يا أبوخــالد :mad: .. !! الله لا يحرمنا من طلت يوزرك وخفت دمك إن شاء الله :) راجع حساباتك زين، تـرى محنا مخلينك ! ، وياليت أسمع خـبر تراجعك عن هالقرار ،، تحياتي لك يالغالي :) ،، |
يا حي الله جمجوم بيك ... يا خوي وش هالأسد اللي ما طلع إلا عقب ما رجع الإعصار من الدرعية :D ياليته سبق شوي كان انواع العلوم عند هالسد :D وبخصوص هالإعتزال أقضب أرضك لا يصير علم ثاني ما يسرك أنت ووجهك :mad: <------- والله من زين الأسلوب :D بس هل الإعتزال من رغبة شخصية وإلا من سلطات خارجية :smilewink تحياتي لك يا خلفهم .. |
والله زمان !! الحين صار الجمجمة يضحكك يالاعصار ؟!:confused: ياخي الجمجمة صديقي و يمون علي .... بس على العموم ياالاعصار انت وحبي تيماوي ... أنا مزاعلكم :cry::cry::cry: امسحوا رقمي من جوالاتكم ...... |
الوقت المعتمد في المنتدى بتوقيت جرينتش +3.
الوقت الان » 08:50 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd