#16  
قديم 10/03/2001, 02:16 PM
زعيــم فعــال
تاريخ التسجيل: 21/01/2001
مشاركات: 235
ايه والله
صدق اخوي ياسر
انه مايستحي
__________
والله لا يبلانا بواحد ثاني مخلص مثل المصيبيح
  #17  
قديم 10/03/2001, 02:18 PM
زعيــم متألــق
تاريخ التسجيل: 03/12/2000
المكان: K.S.A
مشاركات: 1,169
صـــــــــــــــــــــــــــــــــــــــــــــــــــــــــــــح لـــــــــســـــــــــــــــــانــــــــــــــــــك
  #18  
قديم 10/03/2001, 02:19 PM
زعيــم متواصــل
تاريخ التسجيل: 30/01/2001
مشاركات: 159
الشاطر عندي سؤال هو/ لماذا رئيس اعضاء شرف نادي الهلال الامير هذلول بن عبدالعزيز لا يريد الا داري الخلوق ( فهد المصيبيح)
  #19  
قديم 10/03/2001, 03:39 PM
زعيــم متواصــل
تاريخ التسجيل: 27/12/2000
المكان: الرياض
مشاركات: 160
Question



السلام عليكم
ترا المصيبيح ما يقدر يسوي شي ,المدرب هذا غريب و معاندي ...اليوم مصرح في وحده من الجرايد انه بيستمر في تغيير التشكيله ,يعني ما عنده فاحد, وش تبون المصيبيح يسوي.
و السلام ختام.
  #20  
قديم 10/03/2001, 08:05 PM
زعيــم فعــال
تاريخ التسجيل: 01/02/2001
المكان: USA
مشاركات: 426
Smile

شكرا للجميع
  #21  
قديم 10/03/2001, 09:25 PM
زعيــم نشيــط
تاريخ التسجيل: 15/12/2000
مشاركات: 569
Thumbs up

والله أنك جبتها يا ياسر صدق ولله ما نستحي ..الكابتن فهد يستاهل كل خير ..صحيح أن الكابتن فهد يخطىء ولكن يجب علينا عدم القسوه عليه...
  #22  
قديم 10/03/2001, 10:09 PM
زعيــم متواصــل
تاريخ التسجيل: 13/01/2001
مشاركات: 183
تسلم على هالموضوع ويا ريت فيه اكثر من فهد المصيبيح في الهلال
ولكن اعذار اللاعبيين والشللليه لها تاثيرها ولها من ينخدع بها من الجمهور .
  #23  
قديم 10/03/2001, 10:18 PM
زعيــم مميــز
تاريخ التسجيل: 14/08/2000
المكان: الرياض
مشاركات: 2,890
والله ما يستحي فهد ..

تعودنا ان تنصب المشنقة للاعبين النجوم (( سامي-تمياط)) وغيرهم ..

والان اغلب الاصابع تشير الى فهد المصيبيح ..صدق ما يستحي !!!!!
  #24  
قديم 10/03/2001, 10:22 PM
الصورة الرمزية الخاصة بـ الإعصار
عضو ادارة الموقع الرسمي لنادي الهلال
تاريخ التسجيل: 13/08/2000
المكان: الرياض
مشاركات: 6,156
رووووووعة روعة

موضوع أكثر من رائع
وطرح راقي جداً

ويعلم الله كم نحن مقصرين في حق هذا الانسان

تحياتي لك
  #25  
قديم 10/03/2001, 11:25 PM
زعيــم جديــد
تاريخ التسجيل: 23/12/2000
مشاركات: 27
مع الأسف ان الصحفيين اللي يسمّون هلاليين اصبحوا في الواقع صحفيين في خدمة اعضاء شرف الهلال... يعني فجأة تبدا حملة مرتبة ومباغتة على نجم كبير باشارة من عضو شرف.. وفجأة تتوقف هالحملة باشارة من عضو شرف!! صارت مع النعيمة والثنيان وغيرهم وهلحين مع المصيبيح... والرزق يحب الخفّـية... انا منيب مع المصيبيح 100% لكن لا يمكن لأي مشجع هلالي انه يتقبّل هذا الأسلوب في النقد... لأنه مجرّد تهجّم... النعيمة مثلا أخطأ وأعضاء شرف الهلال سوّوا فيها اخلاق... لكن الصحفيين قاموا بالواجب وكتبوا عنه اللي ماكتبه النصراويين والاتحاديين على عزّه..
وعلى بالي بينشرون ردّي !! صدق اني ما أستحي !!!
  #26  
قديم 11/03/2001, 01:07 AM
الصورة الرمزية الخاصة بـ الغريب
عضو إدارة الموقع الرسمي لنادي الهلال
تاريخ التسجيل: 25/12/2000
المكان: السعودية- الرياض
مشاركات: 3,091
أقوووووووول ياأخ ياسر .... لاتقعد تعبر وتتعب نفسك !!!!!

للأسف عندك بعض الجماهير جاهلة ولا يمكن تغير رأيها بعد ماقتنعت بتخاريف أصحاب المصالح .

قسما بالله ثم قسما بالله إن المصيبيح حسافة على بعض جماهير الهلال !!!!

الأخ / بوهلالي : انت صادق ولا تمزح ؟!!!

كانك صادق ماقول إلا الله يخلف على الهلال كان هذا تفكير مشجعينه .
  #27  
قديم 11/03/2001, 01:51 AM
زعيــم جديــد
تاريخ التسجيل: 29/01/2001
مشاركات: 33
السلام عليكم
والله أنا بصراحه لا اعرف كل شئ يسويه المصيبيح وما أعتقد ان فيه أحد يعرف كل اللي يسويه ولكن حنا نسمع وللأسف الأخبار اللي توصلنا كله السلبيات لان الخير يخص والشر يعم!!
ويمكن أو أكيد (بصراحه) أن ايجابيات المصيبيح أكثر من سلبياته
يعني لو ان اللي مكان فهد واحد حنون طيييييب متساهل مع اللاعبين (اللي يستاهل واللي ما يستاهل) تصور حجم المشاكل اللي بتصير
مع العلم ان أنيلكا غاب عن التدريب فتره غرموه مبلغ وقدره
وشكرا
  #28  
قديم 11/03/2001, 02:01 AM
زعيــم متواصــل
تاريخ التسجيل: 02/02/2001
مشاركات: 121


اول شئ شكرا لك اخوي ياسر

ثانيا لا لا لا والف لا يا بوهلالي ،،،

فهد عمره ما كان هذا اسلوبه ,,!!!! كيف يغار من الثنيان ؟؟ ياخي وين فهد ووين

الثنيان كم الفرق بينهم ياخي يوم طلع الثنيان وفهد على وشك الاعتزال الى حد ما

ياخي انا ما اسمح لك انك تتلكم عن ابو محمد بالشكل هذا لا ياخي .

ادعوك للاعتذار لو سمحت من فضلك .

تقبلوا تحيات

نــــجـــد
  #29  
قديم 11/03/2001, 09:07 AM
زعيــم جديــد
تاريخ التسجيل: 16/02/2001
مشاركات: 37
فهد المصيبيح اللاعب الخلوق

اللاعب فهد المصيبيح من خيرة اللاعبين الذين مروا على نادي الهلال خلقاً ولعباً ومما أهله بأن يرتدي الفانلة الخضراء ويدافع عن ألوان علم بلاده في المحافل الدولية وكان فهد مثالا في الانضباط والأخلاق وكم شاهدنا اللاعب فهد المصيبيح يكون في جميع المشاركات والمعسكرات المتحدث الرسمي عن اللاعبين كذلك هو من يقوم بأداء القسم عن اللاعبين ولا ننسى فهد في كأس آسيا 84 أضف إلى هذا كله تواضعه الجم وهو لم ينادي مثله غير بحفل اعتزال بل أصر أن لا يعمل له حفل اعتزال ولو انه يجد في نفسه شي قليل على الهلال لما وافق على تقلد منصب مدير الكرة وما مربع غرب آسيا الذي أقيم في نادي العين بدولة الإمارات ببعيد . أما بالنسبة للخصم الذي يقوم به فهد المصيبيح على بعض اللاعبين بسبب التأخر عن التمارين فيا آخي اللاعب يتقاضى مرتب وهو بمثابة عمله مثله مثل أي موظف في الدولة إذا تأخر عن أداء علمه .
وأما التأخر عن التمارين كلنا قرأنا عن اللاعب الذي تأخر عن التمرين في نادي أوربي أوقف لمدة ( 45) يوماً ولم يختاره مدرب المنتخب حتى يتم انتهاء مدة إيقافه لأنه قدوه لغيره فكيف يتأخر والمحاباة في كل شي مفسدة .
يظل فهد مثالا للانضباطية لاعباً ومديراً للكرة ولم نوفيك حقك يا فهد المصيبيح .

[عدلت بواسطة هلالي بدر التاريخ:11-03-2001 الساعة: 09:10 AM]
  #30  
قديم 12/03/2001, 01:00 AM
زعيــم فعــال
تاريخ التسجيل: 01/02/2001
المكان: USA
مشاركات: 426
Question

شكرا للجميع...

وهذا تحليلي لما حدث اليوم..

@@@@@
في البدايه احب ابارك لفريقي ارتيش وبيروزي على التأهل "المستحق" عن غرب القاره.
_________________
@@@@@
سبق وان حذرت في مقال سابق عنوانه "الفوز على بيروزي لا يكفي للتأهل", من اننا يالسعوديين لا نعرف ان نلعب للتعادل, ولا اذكر مره واحده لعبنا للتعادل وتعادلنا, وهذا ما حصل مع نادي الإتحاد, الذي كان اقرب الفرق للتأهل, وكان يقابل من اسموه بالفريق الضعيف "يوم تعادل معه الهلال", وحصل ما كان متوقعا وانهزم العميد...

@@@@@

هزيمة العميد كان لها تأثير قوي على تأهل الهلال, لأن االهلال صار لازم يفوز بفارق ثلاثة اهداف امام بيروزي, صاحب الأرض والجمهور, بينما فوز بيروزي بأي نتيجه تؤهله مع ارتيش المتأهل الرسمي...

@@@@@

طبعا كان قدام الهلال حل من اثنين, الأول انه يلعب للتعادل, ويعطي الإتحاد فرصة التأهل, والثاني انه يلعب للفوز بفارق ثلاثة اهداف, وعلى كل, هذا ما كان خيار ادارة الهلال راح تختاره, المتوقع انهم كانوا يبون يشوفون وش تصير عليه المباراة..

@@@@@

وسجل الثنيان هدف مبكر, وفتح الأمل للهلال بالتأهل.. وسجلوا التعادل... وتلخبط الهلال..

@@@@@

وهذي الأشياء تصير في كرة القدم, عندما ينهار اعضاء الفريق, وينهار اداء الفريق, وعادة تصير هذي الأشياء جماعيا.. يعني لا تغيرات تنفع, ولا توجيهات تفيد.. ويصير الجميع (من اللاعبين) منقاد خلف هذا الإنهيار, حتى ولو كان هناك لاعب او لاعبين متحكمين بأعصابهم...

@@@@@

المهم, الفريق الإيراني استغل هذا الإنهيار تمام الإستغلال, وسجل هدفين, بعد طردين للاعبين هلاليين "الشريده, والكاتو"...

@@@@@

طبعا الحكم طبق القانون بحذافيره, وسقطاته قليله ولا تؤثر, ولكن علشان اسمه "اوكادا" بعض الهلاليين ما راح يخلي ساحته "اي الحكم" من الإجرام في حق الهلال..

@@@@@

اتمنى ان تطبق ادارة الهلال قوانين الإحتراف على الشريده والكاتو, من الخصم وغيره.. لأن ما فعلوه وخصوصا الكاتو شي يعتبر عار على الكرة السعوديه..

@@@@@

الجمعان رفض التبديل.... هاذي الحادثه حدثت من قبل مع سامي الجابر في مباراة الإتفاق... وهذا يعطينا مؤشر على مدى احترام اللاعبين للمدرب, وقدراته التدريبيه..

@@@@@

المدرب... كل الدلائل تقول انه راح يروح, بدءا بتصريح النعيمه بالجرايد, والنعيمه ما يصرح عبث, وتصريح سامي, وسامي ما يصرح عبث, بينما قائد الهلال التزم الصمت..

@@@@@

قائد الهلال...(يوسف الثنيان)... ما ادري وش اقول في هذا اللاعب... اتخيله يرفع الهلال بلحاله, موب علشان الجماهير والصحافه, بس علشانه يبي يرفع الهلال..وانا ما اقصد الهلال النادي..

@@@@@

طبعا الحين الجميع قاعدين يدورون اسباب لهزيمة الهلال, الي يبي يقول الحكم, والي يبي يقول المصيبيح, والي يبي يقول اللاعبين.. بس قليل الي يبون يقولون ان الهلال مثله مثل غيره, ينهزم ويفوز, بس عيب الجماهير عامة وجماهير الهلال خاصة, انها ما ترضى الهزيمه, ولازم يكون في اسباب خارجه عن الإراده علشان ينهزم فريق مثل الهلال...

@@@@@

والجواب لا... الهلال ينهزم يا عالم, ونهزم لنفس الأسباب الي علشانها تنهزم الفرق, واذا كان الهلال علمنا طعم الإنتصار, لازم يذيقنا مرارة الهزيمه, ولا لو الهلال يفوز على طول, كان ما صار للفوز طعم..

@@@@@

ولعل هاذي الهزيمه تلقي بظلالها على النادي, كما القت جميع هزائم الهلال من قبل, واااااااااااه لو بطولة كاس العالم للأنديه تبدا بكره, كان يا سلام, بس الي اخافه ان الهلال راح ينافس بقوه على كاس ولي العهد, وكاس خادم الحرمين, والنخبه العربيه, ويمكن يحقق منها ما يحقق, وننسى مباراة اليوم, ونرجع كأنك يا ابو زيد ما غزيت في كاس العالم للأندية...

@@@@@

ميزة الهلال يا عالم انه ذاتي الشفاء, يعني مهما حاولتوا انكم تصلحون من شأنه ما راح تقدرون, ولكن في يوم وليله وحنا نتوقع ان الهلال راح, يرجع من جديد, وبنفس الأسامي, او بغيرها...

وشكرا للجميع
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:04 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube