وين الهلال اللي عليه اتفقنا
اللي جمع عشقة قلوب الملايين

قلبي للازرق ذاب شوق وتعنى
هو غايبٍ عني وهو داخل العين

في كل موعد له خفوقي تمنى
واروح من بعده وانا خاطري شين

صحيح نزعل بس ياما فرحنا
وافراحنا ما تنجمع في دواوين

حسادنا تفرح ليا من خسرنا
ويعالجون بفرحهم حسرة سنين

نبقى معك لخصومنا ما التفتنا
جمهورنا في كل الاحوال راقين

لو يوم عن مجد الهلال ابتعدنا
النقد يوصلنا وهم عنه سالين

هذا طبيعي حسبة الشمس حنا
وحنا القمر وبنورنا الكل طاغين

يا اسيا مهما عن الكاس غبنا
تاريخنا مشرق وما ظن تنسين

ناديتي هلالك وصوتك تغنى
وعسى الزعيم يجاوبك لا تملين

عشاق للازرق وهذا عتبنا
وحلو العتاب يصير بين المحبين

اليوم موعدنا ولو ما اجتمعنا
تغيب شمس وتشرق وغصب تاجين

وسلامتكم

بالتوفيق لازرقنا اليوم وكل يوم

و تحياتي للجميع،،،

صح السانك ويسلم قلبك من كل شر
كل الورد مع خالص الود

إقتباس الرسالة الأصلية كتبت بواسطة ابودينا صح السانك ويسلم قلبك من كل شر كل الورد مع خالص الود

صح بدنك ولا هنت وشكرا جزيلا لك على كلماتك

صح لسانك الحقيقه قصيده قمه قمه قمه قمه في الابداع وتصوير الهلال واحواله وعاشقينه
تعجز حروفي عن وصف الابداع

إقتباس الرسالة الأصلية كتبت بواسطة حمادالعبدالله صح لسانك ياملكي وهذي مشاعر كل هلالي فلما يتحرك القلب يعجز اللسان عن السكوت اذا تكلمنا عن زعيم آسيا فمستحيل نوفيه حقه

صح بدنك ولا هنت وشكرا لك يا زعيم

لا الزعيم نقدر نوفيه حقه ولا الزعماء نوفيهم حقهم

امثالكم ممن عشقوا الزعيم ويستمرون في تشجيعه في كل ظروف هم سر الزعامة

بالتوفيق لهلالنا اليوم

إقتباس الرسالة الأصلية كتبت بواسطة متعمق في حب الهلال صح لسانك الحقيقه قصيده قمه قمه قمه قمه في الابداع وتصوير الهلال واحواله وعاشقينه تعجز حروفي عن وصف الابداع

صح بدنك اشكرك من كل قلبي على هذا الاطراء وان شا الله اكون دايما عند حسن ظنك وظن بقية الزعماء واكون قادر على مجارة الزعيم وجمهوره في ابداعهم

سلمت و لا هنت يا ملكي كل الود لك

صح بدنك ولا هنت يا ابو ميحد

ان شا الله يكون هلالنا بدر في كل الاوقات

ولا يوجد فريق فالعالم لا يمر بمراحل تقهقهر ورجوع

بالتوفيق للزعيم

صح لسانك

قصيدة جزله وشاعر جزل

يعطيك العافيه يالشاعر

إقتباس الرسالة الأصلية كتبت بواسطة الاساسي صح لسانك قصيدة جزله وشاعر جزل يعطيك العافيه يالشاعر

شكرا جزيلا لك

صح بدنك ولا هنت

تحياتي للجميع

(صحيح نزعل بس ياما فرحنا)
ايو الله صدقت يامبدع
لله درك

شكرا لك يا ابو مشاري وان شا الله الهلال راجع يفرحنا قريب

صح لسانك ياعادل

يعطيك العافيه

((وين الهلال اللي عليه اتفقنا
اللي جمع عشقة قلوب الملايين ))
حناجمعنا العشق مهماافترقنا
عشق الزعيم اللي سكن بالشرايين
وحناعلى كل النوادي فرقنا
علم.ن.وكادورقمه 54