مشكلة بعض الجماهير يطالبون بالاستقرار وللمرة الاولى من فترة يوم صار سامي المدرب الكل يطالب بالاستقرار والصبر على النتائج وين كان هالكلام المواسم السابقة ولما تطالب بها الشيء لازم يكون عندك مدرب يقدم مستوى على الاقل !؟

وبعدين حدث العاقل بما يعقل تقارن جوانزو الفريق المغمور الذي لم يكن احد يعرفه قبل 3 مواسم بفريق بحجم الهلال الذي عودنا على البطولات منذ الأزل ,
كل اللي حصل مع النادي الصيني انه استلمه رئيس بميزانية مفتوحة واستقطب مدرب صاحب انجازات كبيرة ومحترفين مميزين وحقق البطولة الاسيوية بعدها

مقارنتك بصبر جوانزو على المدرب ليبي الحاصل على كأس العالم مع الازوري بسامي الجابر !!

واذا تقول سامي محقق الثاني بالدوري ولاعب نهائي لو الهلال بهذه الظروف مع عودة الشباب والاتحاد والاهلي لمستواهم ما كان حقق النصر بطولة ولا كان هذا مركزنا بالترتيب , وعمر الثاني واللعب على نهائي ما كان طموح الهلال انا ابي فريق يؤدي على ارض الملعب ويقنع وهذا الشيء غير حاصل حاليًا الدفاع رغم العناصر الجيدة لكن تنظيمه فاشل جدًا وبدائي هذا غير الاصرار على إشراك كاستلو !؟

ومثل ما قلت ان بعض اللاعبين لهم جمهور خاص للاسف هالموسم شفنا جمهور للمدرب وآخر همهم مستوى الفريق !

بالنهاية اتمنى يكون آخر موسم لابن مساعد والمدرب صبرنا على التخبطات كثير

بالتوفيق للزعيم امام السد