حقيقه واتمنى ماتزعل : تبي ترضا بعض جمهور الهلال < حطو بعض تحتها الف خط .

امدحو سامي الجابر للاسف ..

لكن تبون صراحه . سامي الجابر مايصلح يصير مدرب والهلال جالس يتدمر بسبب المجامله لسامي وبعض جمهور المحبه لسامي وليس للهلال <

ماعمري شفت له مباراة يلعب تكتيك الاعبين مايتوظفو في اماكنهم الصحيحه .
لاعبين بلا مدرب بل اشبه ب المدرب !

وش سببها ^ المجاملللللله .!

تدرون ي اللي تحبون سامي وتدعمونه على خطائه ..

لو الهلال يجيب مدرب كويس وتدعمونه مثل مادعمتو سامي كان الهلال اخذ اسيا بس للاسف بعض الجمهور يحب لاعب ..

واللي يحب لاعب فقط اعتبره مو هلالي ..


طبع اكيد السنه هذي للنسيااان ..

لكن اتمنى السنه الجايه : اقالة او استقالة سامي الله لايهينه ..

اللي يحب نادي الهلال السعودي راح يدافع عنه بحرقت دمه ولاراح يجامل ..

نبي اجانب على مستوى في السنه القادمه ومدرب مثل زلاتكو او كوزمن او جيرتس .

الكلام هذا راح يزعل محبين الاخ سامي لكن مايهمني ردهم لاني احب الهلال واعشق الكيان وليس لاعب

على اي اساس تقيمو سامي الجابر

ترا الكلام سهل والميدان غير

بيريرا ظاهرة اوروبا التدريبيه العام الماضي ماذا يفعل مع الاهلي نفذت كل أوامره وشوف مركز الاهلي
لكن ان استمر الاهلي عليه الموسم القادم سيكون الاهلي المنافس للهلال

اللي يقول نجيب مدرب ممتاز ونلحق ترى لنا اربع سنوات نجلب مدربين ممتازين والهلال متخبط الم تعرفو السبب لم نصبر عليهم

باعتقادي الادارة الهلاليه سوف تستمر مع سامي فالإدارة عليها الفصل بين راي الجمهور والراي ذو النظرة المستقبليه فما عليكم الا الصبر والصمت وعدم الالتفات للإعلام الاصفر

أخوي بطل أحلام وردية , الهلال يسير من سيء الى أسوء من بركات ألأنهزامي أبن مساعد وبركات الكابتن سامي الله يسامحه أفقد الهلال شخصيته وهيبته , لاروح قتالية
لا منهجيه للفريق دفاع شربة وسط تائه رعونة في الهجوم .

يخلف الله علينا هالسنة مافي غير الحسرة , أنشاء الله السنة الجاية تكون ألأوضاع
احسن بعدرحيل ألأنهزامي ومعه السيد سامي , ويكون هناك رئيس قوي ودفيع و
مدرب محنك قوي الشخصية وصانع لعب طراز1 بجانب نفيز ومهاجم مجنون
اهداف مثل سيرجيو و مالك معاد و أعداد جيد للموسم .

اولا اذا المسألة على تحقيق بطولة باسم سامي الجابر فقد صارة ولا عزاء للفقر
وهي بطولة العين قبل انطلاق منافسات الموسم
واللي بيقول غير رسمية شوفوا بطولات الاندية الاخرى وبتعرفون ان بطولة العين اقوئ

ثانيا المتطيرين اللي يبغون كل شي الحين وش يحسون فيه
صحيح الهلال فنيا مستواه مش ولابد
لكن المسألة يبي لها صبر
مستحيل كل شي يجيك بهالسرعه من بعض الجماهير
يعني غصب الا يصير نادي الهلال كريال مدريد والا برشلونه
اللي مو مجبور يصبر واللي مو عاجبه هذا شي صار وغصب عنا كلنا
الهلال محتاج دعم جماهيره وعدم الضغط اكثر من اللي صاير
نهاية الموسم انتقدو سوو اللي يعجبكم
بس ياخوان كل شي بوقته حلووو

إقتباس الرسالة الأصلية كتبت بواسطة الرياض14 انا اول الصابرين ان شاء الله والصبر جميل الموسم مابقي منه الا الحصاد اصبروا لحصاده ولا تكونا سببا لحصااااااره لا كلام يجدي الان ولا تجديد يفيد ندعوا الله ان يوفق الهلال للحصول على بطولة مادعاني لهذا الطلب هو الانتقاد الواسع من الكثير لوضع الهلال ولكن التوقيت غير منااااسب كل شي قارب على النهاية نريد نهاية مشرفة هذا الموسم لنفرح بذلك اولا ولندحر الخصوم أعداء الهلال وأعداء نجومه واعداءمدربه. وأعداء جماهيرية ثانيا ولتسجيل بطولة مع المدرب سامي ثالثا لا تكونوا عونا للأعداء على الهلال ومدربه حصول الهلال مع سامي هذا الموسم على بطولة صدمة عنيفة للخصوم وضربة قاتلة للأعداء هم لا يريدون للهلال مع سامي ان يحقق البطولة لسبب واحد لأجل مسح الصورة المشرفة لسامي في عيون جماهيره وعدم تسجيل سبق تاريخي لسامي مع الهلال اذا علمتم ذلك فعليكم التسلح بالصبر لأجل شي يسجل للتاريخ الصبر اولا وثانيا وثالثا هذا الموسم من منكم يدعم هذا الطلب فشكرا له ومن يصبر فله الشكر كذلك ومن ينتقد نناشده بضبط النفس والتحلي الصبر موسم الصبر فيه لأجل بطولة لن تنسى أبدا. وتخدم الهلال وسامي مستقبلا

إقتباس الرسالة الأصلية كتبت بواسطة a.raqeeb69 الله اكبر يا برشلونه ، لك ثلاث مواسم ماتجيب الا بطوله وحيده ولي العهد لا والاخيره بضربات الترجيح ، لا تقول الهلال اكبر ولا اصغر ، التاريخ للتغني وللمتحف ، ما يجيب بطوله ، الان مع سامي هناك اخر محاولة لانعاش الهلال ، حتى يعود كبيرا كما كان ، اي مدرب بيجي لابد ان يكون في مواصفات ، سامي مدرب طموح، جريء ، يملك روح التحدي والمغامرة ، ويجب الصبر عليه ثلاث مواسم ، لايوجد مدرب شجاع سلخ جلد الفريق مثل سامي ، من اول موسم ابعد نامي و المرشدي ، واحضر الشمراني ، وكريري ، و نيفيز ، وديقاو، لم يكابر على اللعيبه الاجانب وعلى بقاءه كما فعل المدربين السابقين ، ممن اصروا علو اختياراتهم حتى ولو لم تفد الفريق ، بل ابعد هرماش ، وهوان ، ولازال يعمل على صنع الفريق البطل ، له اخطاءه لاننكرها ، لكنه يعمل ، ويحاول سد الثغرات ونقاط الضعف المزمنه ليس بالفريق فقط بل في كل فرق الدوري السعودي ، فلا يوجد حارس مميز محلي ولا قلب دفاع محلي مميز ، متاح ، لذلك مطلوب الصبر عليه ، او على غيره من المدربين ، الفرق انك اذا صبرت عليه الان ستختصر سنه كامله من الانتظار في حال جلبت مدرب اخر ، لانه سيحتاج المدرب الجديد لسنه كامله للتعرف على امكانيات اللاعبين ، وظروف الدوري السعودي ، وسوف تسوء النتائج مثل بداية هذا الموسم ، وستستمر نفس الاسطوانه السابقه ، وسيتم الغاء عقده ، وود السباك رد السباك ، الان الصبر مطلوب على سامي ليس فقط للموسم القادم ، بل للذي بعده ، وسيخطيء سامي وسيستمر يخطيء ويصيب ، مثله مثل اي مدرب ، فالتوفيق من الله والعمل جماعي ، ولا اعتقد ان الخبره فقط هي من تسببت بنتائج الفريق ، لان خبرة مدرب الاهلي بيريرا واسمه لاتوازي اي مدرب بالدوري السعودي ،ولكن يحتاج للصبر حتى يستطيع تطبيق فلسفته ، اذا انت ترا الهلال فريق كبير ، فالفرق الكبيره ، تعمل وفق خطط طويلة المدى ليس لموسم او لموسمين ، وهذا ما اراه مع سامي الجابر الان ، ومن التعاقد مع لاعبين صغار السن يخدموا الهلال لسنوات هم مستقبل الزعيم ،مثل السالم والحافظ وعطيف والدعيع ونواف العابد والفرج وسالم الدوسري ، والكعبي والفضل ، والواكد ، مابين تعاقد معهم وتجديد ، وتصعيد ، لا يأتي الانجاز الكبير بين يوم وليله ، بل بالتخطيط والعمل للمستقبل .

انا معك

بس انت تتكلم مع شريحه من الجمهور ما تعرف معنى التشجيع الحقيقي

يبون كل شي بينتقدون ويتفلسفون ويقولون قوم مع الخيل ياشقرا

بس بدون افعال بدون اثبات لمحبة الزعيم

للأسف اكثر جمهور الزعيم جمهور سيء كثير الكلام بلا افعال

همهم الاول الانتقاد ويوصل الى قلة الادب وعدم التقدير والاحترام

والله اذا كل نصف موسم او موسم تبون تغيرون مدرب فافضل لكم انكم ماعاد تتابعون كوره او تشجعون ماتوقع فيه مدرب بينجح من اول موسم له الا نادرا لكن هالموسم نقول فدوه ولنسيان ولعيوون الزعيم ننساه لانه اربع وخمسين مره يفرحنا ويخلينا نحتفل
نعطي سامي فرصته للاخر اذا نجح فهو اولاء من غيره وخيب ضنون اعدائه اذا مانجح الموسم المقبل فمعناها انه يبي له شغل اكثر واكثر ويطور نفسه في أي نادي ثاني لين يجي الوقت بس دامه استلم الفريق عطوه فرصته فهو وصيف الدوري ووصيف ولي العهد من اول موسم يعني باذن الله الموسم القادم يكون ماخذ اقل شي بطولتين ثلاث واشوف سامي افضل من كومباريه والي دربو الهلال قبله وبعده ماعدا زلاتكو فكنت اشوفه كويس بس ماخذ فرصته وتقبلو مروري

اقول امحق والله اذا امنيتنا بطوله
هزلت والله الهلال يتمنى البطوله بسبب لاعبينه المستهترين ومدربه الضعيف وادارته اللي تجامل على حساب الفريق !!!
قهر نصير مثل الجآر ونتمنى البطوله آآآخ بس