كل الافكار مرت عليك من قبل ..
لكن لو طُبقت !!!!!

(1)

متحف خاص لبطولات نادي الهلال

منها تصوير مع بطولاتنا ومنها استفادة النادي من المبلغ
بحكم ان الهلال هو الاكثر بطولات هو ( الاجدار ) بهذا الاستثمار
والاجمل لو جمعنا جميع البطولات مع الوديه راح توصل +89 واكثر ,,
+ قسم خاص لبطولات شباب الهلال + قسم خاص لبطولات درجة الناشئين + قسم خاص لبطولات الاباتشي الهلالية
ومنها راح تعرض بطولات الشباب والناشئين لهذي الفئه رسمية ووديه
+ قسم خاص لباقي الالعاب المختلفة

نفترض ان الدخول 150 للشخص ؟ كم راح يطلع الهلال في السنة !!
طبعا في كل مره نجيب فيها بطولة راح يحمس الجمهور الي حضر للمتحف يرجع مره ثانيه
والاجمل ان يكون الدخول للجميع يعني حتى العوائل مثل مانشوف في المتجر

قلتها واكررها ( لو احد الاندية يملك مايملكه الهلال من هذي الانجازات ) سبقونا بهذي الفكره ..


(2)

التصوير في جميع مرافق النادي

هذا هو المكسب الاكبر في بعض الاندية الاوربيه
لكن مااتوقع تنجح ابد الا في حال تواجد امني قوي في النادي
لتجنب التخريب ..



(3)

الفكره الي تطرح لها اكثر من 3 سنوات لكن لاحياة لمن تنادي

قناة نادي الهلال ( اشتراك 6 اشهر )
انا قلت 6 اشهر لان الدخل راح يكون اكبر في السنه
وهو الافضل (دفع رواتب العاملين شي اساسي)
يعني لو المشجع دفع 250 في 6 اشهر راح يضطر يدفع 250 ..
500 من كل مشترك في السنه = ميزانية النادي فوق

نقل خاص للتمارين في اول ربع ساعه + تصاريح اللاعبين
نقل جميع المباريات + المباريات القديمه + مسابقات لزيادة الربح
وياسلام لو تمت الفكره ( راح تستفيد اكثر من مجلس الجمهور بخصوص الاهازيج والتيفو )
- تقريبا انا رقم مليون من كثر مانطالب بالقناة بس للاسف مافيه فايده ...


---

اعترف ان جميع الافكار قديمه وطرحت من قبل
لكن لاننسى ان جملة ( عقد اللاعب غالي )
( وان عقد موبايلي لايكفى لجلب لاعب معين )
نسمعها كل موسم للاسف ..

الاستثمار بالعقل
لا استثمار باللاعبين