الحمد لله الذي بحمده وشكره تدوم النعم . اللهم لك الحمد والشكر حتى ترضى ولك الحمد والشكر إذا رضيت ولك الحمد والشكر بعد الرضى .

اذا ما نظرنا للواقع المرير الذي يعيشه إعلامنا الرياضي اليوم لوجدنا تعاوناً وتكاتفاً ضد كل ما هو أزرق ( الهلال ) . حتى أن بعض الإعلاميين والعياذ بالله دخلوا في جدل كبير وحمَلوا أنفسهم أوزار كذباتهم المتتالية من أجل ماذا ؟؟!
بالتأكيد من أجل الهلال ولا غيره فهو المسيطر على جميع البطولات بمختلف أنواعها المتعدده وهو من يملك أكبر قاعدة جماهيرية وهو من أنجب أفضل لاعبي الخليج والعرب وأفضل لاعبي آسيا ويملك لاعبين حققوا إنجازات وأفضليات عربية وآسيوية شخصية أتتهم الإنجازات والإشادات من الخارج بعيداً عن النطاق المحلي . ولكن لو نظرنا لنا كجماهير وإعلامنا الساكت لوجدنا أننا في وجوه هؤلاء صامتون ولانمتلك شجاعة الكلمة والرد بالإنصاف والواقع بعيداً عن الكذب والتضليل الذي يمارسه الإعلام المضاد . لأن التحدث بالواقع هو من يزيل كل تلك الأوهام والإنحطاط الأخلاقي عن الوسط الرياضي .لكن للأسف أننا نجد بعض إعلاميينا ينجرف وراء ما تهتف به تلك الأفواه الحاقدة !!
كلما سبق في كفة وما سأقوله الآن في كفة ! وما ليلة البارحة إلا شاهد على ما أقول فبعدما خرج الهلال من البطولة ولم ينال الكأس بسبب تحيكيمي بحت لم نجد تلك الألسن تنتقد التحكيم أو تحمل التحكيم الخسارة بل أشادت بالفريق المنافس وتطاولت على سامي الجابر كمدرب وطني قدير يشاد به من خلال ما حققه في أول سنة تدريبية له مع الفريق وإن دل ذلك على شيئ إنما يدل على حقد شخصي دفين على لاعب جعل للكرة السعودية إنجازات في محافل الكرة العالمية وصفت بالفريدة على المستوى القاري . فلم نشاهد مقابل ذلك سوى تجرد من كلمة الحق وسخرية وسب علني في الرجل المثابر سامي من قبل إعلاميين والله انهم يحسبون على وسطنا الإعلامي الرياضي فمنهم الصحفي ومنهم المذيع منهم الأكاديمي للأسف .!
الآن يا جماهير الزعيم يجب علينا الوقوف ولا سواه بجانب المدرب واللاعبين وشحذ همهم وبإذن الله تنجح منظومة العمل ويتوج الفريق ببطولات تنهك تلك القلوب التي عبثت بحقدها الدفين بسمو الأخلاق وإسم الوطنية .
فلنكن يدا بيد أمام هذا الهجوم الغاشم على الهلال الكيان الثقافي والإجتماعي قبل أن يكون رياضي وسامي النجم والذي طالما أمتعنا وأفرحنا وأحرق قلوب هؤلائك المتربصون . فوالله متى ما إتحدت كلمتنا وتجانس آداء فريقنا وكنا جنباً إلى جنب فلن يقف بمشيئة الله وقدرته وتوفيقه أمام الزعيم أي فريق كائن من كان وإذا رجعنا إلى إمكانيات المدرب سامي لوجدنا لديه الكثير ولكنه يواجه حالياً ضغط إعلامي رهيب وهو الأدرى بمقومات الفريق وما يحتاجه .
دمتم بحفظ الله ورعايته .

منظومه نادي الهلال مكتمله لكن الحلقة الاضعف في هالمنظومه هو سامي ..كل شي توفر لسامي من دعم معنوي ومادي..لاعبين ما كنا نتوقع بيوم يكونون فالهلال..كل شي توفر لسامي لكن اخطاءه باستمرار نحن كمجهور لزعيم اسيا لا نرضى ان يتدرب على نادينا سامي ..بالله يا اهل العقول هل يعقل مباراه بمهاجمين ومباراه بمهاجم كل مباراه يختار تشكيله.. اللاعبين صارو زي الشطرنج شيل وحط .. كمبواريه اللي قلنا عنه فاشل كان يلعب الشهراني ظهير ايسر او جناح ايسر..سامي قتل امكانيات هاللاعب فالظهير الايمن معقوله ولا اوفر صح ..سلطان الدعيع صحنا لين ما تعبنا هو مو مركزه قلب اللاعب ظهيررررررررر ايمن يا ناس من الناشئين الى ان اتى سامي وحطه قلب دفاع..ياااااااسر القحطاني الى متى يجامل على حساب الكيان ويوجد هناك مهاجم زي يوسف السالم في فترة قبل ان يأتي الهلال كان المهاجم الأساسي فالمنتخب .لاعب كان يعذب أي دفاع ..لكن لان المجاملات مع ياسر ..اختفى هالنجم..والله تعبنا من سامي لحد يقول ابن النادي ومدري ايش..الهلال ليس ملكا لسامي ولا غيره..سامي اخذ فرصته أكثر من أي مدرب اخر..كمبواريه قبل الفترة الشتويه شالوه..دول نفس الشي..زلاتكو نفس الشي..سامي اخذ فرصته بالكامل لاعبين جاهزين ونجوم ما يبي لك الا توظفهم صح وتضع لهم التكتيك المناسب ومو عارف ابدا..اه يا جريتس من بعدك الهلال يحتضر الى يومنا هذا..

تبغون الصراحة للأسف النصر صار يلعب بثقة قدام الهلال عكس المواسم السابقة ياسبحان الله صار الهلال هو اللي يلعب بإرتباك .. والأسباب كثيرة اول شي النصر ماعنده حد بس مدربهم غرز الروح والثقة في نفوس لاعبيه وثاني سبب نزول مستوى لاعبين الهلال ها لموسم بشكل مخيف مافي ولا لاعب تقدر تعتمد عليه عدا الشمراني حتى نيفيز سهل المراقبة عليه لانه مافي لاعب بالوسط تقدر تعتمد عليه بعد نيفيز .. زمان بس يراقبو ويلي يطلعلهم نيفيز وبس يراقبو نيفيز يطلعلهم ويلي ورادوي وفوق هذا الحراسة كانت بأمان بوجود الدعيع اما الحين ماعندك حد وهذا اللي خلا كل الأندية مو بس النصر تتجرأ علينا لانه بصراحة مافي لاعبين مرعبين بالهلال صار اللاعب الحين سهل المراقبة ويستسلم بسرعة .. هذي الحقيقة للأسف.....

كلامك صحيح 100% (ما من عاشق هلالي إلا كان معك)...

يعطيك الف عافية (UnHaPpY BoY UnHaPpY BoY )

كلام سليم مو مشكله نخسر بطولة او بطولتين او حتى ثلاث بطولات
اهم شيء نصبر على سامي الجابر

كل الشكر للمشاركين في الموضوع وبالنسبة للي يقول بأني أطل فلا والله ما أطبل لكن المدرب يواجه حملة شرسة من الإعلام من كل الإتجاهات وسامي ما قصر في إعداد الفريق نفسيا وتكتيكيا في الملعب وقد يكون لدى اللاعبين بعض الإنهزامية أثرت في نتائج الفريق .

أرى ان المطلوب منا مساندة الفريق وسامي من أجل الكيان ومن أجل لاعب إحترق من أجل شعار الزعيم . ياليت نوقف جميعا مع المدرب ونلتف حول نادينا والهلال بإذن الله قادم وما ينقص الهلال حاليا من وجهة نظري الجبرين مكان كاستلو ولاعب وسط يلعب باليمين مثل ماتياس فرنانديز أو التائب بجانب نيفيز وان شاء الله نشوف الزعيم بحلة مختلفة مع سامي في قادم الأيام .

شكرا مجددا للجميع .

انا استغرب من كل شخص يدعي أنه يفهم في كرة القدم ويأتي في أول موسم للمدرب وينتقد ويتفلسف

ما عمري شفت مدرب يبدأ من القمه وأتحدى أي شخص يعطيني مدرب في عالم كرة القدم بدأ من القمه

كل المدربين في العالم يبدأون بدايه بسيطه ومع الاستقرار والاستمرار تبدأ توضح بصمات المدرب و تكتيكه على الفريق.

اللي ينتقد سامي الجابر صدقوني أنه ما انتقده ولا طالب بإقالته الا بعد خسارتين الاولى قدام النصر بالدوري والثانيه قدام النصر بنهائي ولي العهد.

ما مليتوا كم لنا نغير في المدربين والفريق زي ماهو مافيه تقدم ؟ انتم ماتدرون أنكم سبب في نجاة الادارة كل موسم من تحمل المسؤولية بمطالباتكم لتغير المدرب؟

والعذر يكون جاهز للإداره أن مافيه استقرار فني وان المدرب يحتاج وقت علشان يتعرف على اللاعبين ومع اقرب هزيمه ترجع الجماهير تطالب ويله نغير ثلاث إلى اربع مدربين في الموسم !!

سامي الجابر يحتاج للدعم والثقه وأغلبكم يتأثر من وسائل التواصل الاعلاميه والاجتماعيه بسبب الاستهزاء بالمدرب السعودي الوحيد وينخدع بكل سهوله وتغير سامي الجابر مو لصالح الفريق لأننا بنرجع لدوامة البحث عن مدرب.

إقتباس الرسالة الأصلية كتبت بواسطة زعيم قصيباء - والله م ضيعنا الا ابن الهلال والهلال سامي وسامي الهلال !!! نربط الاسماء ب الكيان واذا ع كذا عشاق ياسر ما راح تسمح لنا ب انتقاده بسبب مستواه ولو فكرة الاداره الاستغناء عن ياسر ب الاعاره او المقايضه راح يعارضوو الاداره بحجه ياسر ابن الهلال !!! هذا المنتدى ليس ل عششاق الاسامي سواءاً سامي او ياسر او غيرهم هذا منتدى كيــان الهلال لو نرى جملاً تكتيكيه وروح عاليه ومستوى مطمن ف الملعب لكنا اول المصفقين والداعمين بس للاسف جمل تكتيكيه نسمع بها ف التمارين اما ف المستطيل الاخضر عك كروي تمركز خاطئ تمرير خاطئ هبوط مستويات لاعيبه كثر بوقت واحد !! وهذا الشي عليه اكثر من علامه استفهام !!! الاسماء تصدأ ويبقى الكياااان كيـااان

الله يسعدك هاذا الي فخاطري

متوقع الحملة على سامي
تحقيق سامي لبطولة سوف يستفزهم ويخسرون معركة طويلة بين اسطورتهم ماجد والاسطورة سامي
فهل يرضون ان يحقق سامي بطولة
الجواب :لا
لو حقق بطولة انتهى اسطورتهم وانتهت المعركة طويلة واصبح سامي هو الاول

تم تشويه الدوري باخطاء بادحة لم يسبق ان حصلت
انسحاب جميع الفرق من المنافسة على الدوري من الدور الاول ...حسيت انه تعميم وزع عليهم ان الدوري للنصر
كل ما ضاقت على النصر ..... يوجد ضرب جزاء

نعم استفزهم تدريب سامي للهلال ..... وهم قبلو التحدي .ولان نحقق اي بطولة بوجود سامي مدرب ليس تقليل من سامي ولكن
انت تجابه الاتحاد السعودي .....
ويوجد ايضا من يريد اسقاط سامي من الاعبين , لاحظ تعابير وجوههم وانت تعرفهم . لامبالاه . انخفاض المستوى
يتسبب بضربة جزاء . طبيعي لامشاعر ...
اخطا الرئيس ........بتعيين سامي .... ونرجو عدم المكابرة ...لانه استفزاز الجميع الاندية التي تكره سامي

في عضويات بدأت تطلع مشاركتها قليله ومن عام 2004 وتحت

رجاءً روحوا احتفلوا مع ناديكم بالبطوله واتركوا هلالنا ومدربنا

شكرا لصاحب الموضوع كلامك رائع

اولا : كلام جميل ويعطيك العافيه يا اخ UnHaPpY BoY على الكلام الطيب .
مدري ليش مكبرين الموضوع اكبر من اللازم , مباراة وانتهت الفريق البطل و الكبير مثل الهلال لا ينظر للخلف بتاتا .
انما ينظر الى الامام . صحيح بطولة مهمه فقدناها بس باقي بطولة الملك و اهم شي عندي الاسيوية .
البعض وضع اللوم على المدرب و اللاعبين .صحيح كل طرف يتحمل جزء من الخسارة ...... بس اتمنى من الادارة تجديد الثقة في الكوتش سامي . انا مقتنع بعمل سامي الفني و حتى التدخلات ... النصر لمن يهمه فرق عن الهلال الموسم هذا بالبديل الجاهز ونحن للأسف فقدنا الميزه هذه .
سامي مطلوب منه ترتيب الاوراق و اكمال العمل ..... النصر هذه السنه لا ينافسه الا الهلال ,,,, وكنت اتمنى اكتمال الاتحاد و الاهلي و الشباب حتى نرى النصر ينافس ... الاندية بشكل عام في حالة هبوط حاد .

وبالتوفيق للزعيم

::

والله اسمع ياخوي ماضيعنا الا هالمجاملات ،،

هذا ابن النادي وهذا اب للنادي وهذا اخ للنادي ،،

يالله وش نفعنا ابن النادي !!!!!!!!!!!

قدم للهلال ك لاعب نشكره ونقدره ونرزه فوق روسنا !!

بس خلاص كل شي له زمن !!

واللي يقول مندس ولا طلعو مندسين ومن 2004 ومدري ايش !!

بالعكس المندس يبي سامي لانه تصدر الفقر على حسابه وخذا بطوله على حسابه !!

فا مو كل من عارض على شي قلت مندس ولا اذا مالقيت رد له قلت مندس !!

ولا هوذنبنا انك تحب سامي حنا نحب ونعشق ونموت بالهلال والهلال فقط فقط فقط

واي شي يمسس الهلال نحاربه مهما كان ..

الهلال محتاج مدرب صااارمممممم وخبير ،، خبرته تسبق قدومه للعريجا !!

نبي مدرب مثل قريتس يجنن لك اللاعبين ، صارم ، ذكي ، خبير ، طموح ، يحب الهلال ومتاكد من هالشي !!

اما سامي لا تكتيك لا قراءه لا خبره فقط اجتهادات لاعبين !!

من مصلحة الهلال وسامي !!

ان يستقيل اخر الموسممم



::

اللي اشوفه انا انه تم مجاملة سامي وياسر على حساب الهلال

بالنسبه للجابر لا يوجد اي تكتيك واضح او جمله تكتيكيه تحس انهم تدربوا عليها بالتمرين طقها والحقها كل المباراة

ما فيه اي تكتيك لما يكون الفريق مدافع الا مناولات بالدفاع بس
ياسر حرام يلعب مكان يوسف السالم كان هداف واصبح اسير دقة الاحتياط لعيون ياسر الخاسر

اتمنى احضار مدرب تكتيكي يوظف اللاعبين ولا ينظر للاسماء

الهلال ماهو من الفرق المتواضعه اللي تعطي المدرب فرصه سنه وسنتين على بال ماتعده إعداد جيّد وينجح
الهلال كيان عظيم ماهو فأر تجارب
نحتاج مدرب عالمي خبير ومحنك مثل الداهيه جيريتس
مع إحترامي لسامي ولكن العمل اللي قدمه للفريق مايختلف عن عمل سابقيه توماس وكمبواريه وكالديرون
مع أن كالديرون يتفوق في قدرته على التدوير ففي توليه الدفه لا تفرق بين الأساسي والإحتياطي!
السالم من طينة الخراشي والجيزاني يبدعون مع الفرق الصغيره فقط
والشمراني هو ورقة الهلال الرابحه هالموسم
بالتوفيق للهلال ~