اول شي احب ابارك لنادي الإتحاد الشقيق هذا الفوز المستحق على الزعيم...

وثاني شي.. اطالب جميع الأعضاء بإيقاف هذي المهازل الي تكتب بالنادي, والتطاول على اللاعبين والإداريين والجهاز التدريبي!!!

ثالث شي.. محاسبة المدرب عادةا تصير بعد البطولة, اما حنا يالعرب, تصير بعد اول هزيمه!!!

رابع شي.. اللاعبين الي شفتوهم, سواءا في الملعب او في دكة الإحتياط كلهم لاعبين للزعيم, ويقدمون نفس الجهد, فالرجاء عدم تجريح اي شخص منهم...

خامس شي..(وهو المهم)..قد يعتقد البعض ان الفوز على بيروزي يضمن لنا التأهل.. وهذا الكلام حسابيا غير صحيح, لأننا لو فزنا بهدف, وفاز ارتيش على الإتحاد بهدف, يتأهل ارتيش والإتحاد.
قد يقول قائل ان الإتحاد لا يمكن انه ينهزم من ارتيش, وانا اقول اتمنى ذلك, بس الإتحاد راح يلعب للتعادل, وتعرفونا اذا لعبنا لتعادل!!!

يعني لازم نفوز على بيروزي بأكثر من هدفين...عشان نضمن التأهل.. انا اكتب هذا الكلام وانا ما ادري هل المباراتان راح تكون في نفس الوقت!!, او ان مباراة الإتحاد راح تكون أول, لأنه اذا كانت مباراة الإتحاد اول, وفاز الإتحاد, فبيروزي راح يكفيه التعادل مع الزعيم لخطف بطاقة التأهل(يعني نم!!!)..

ارجو ممن عنده علم او تصحيح على هذي المعلمات ان يفيدنا!!

وشكرا

الاخ ياسر ..
السلام عليكم ورحمة الله

اتمنى ان يقرأ كل الاخوان ما ذكرته في النقاط الاربع الاولى فما نقرأه للبعض ((لا تبرره)) الهزيمه ابداً ولا حتى المستوى....الخ

اما بالنسبه لخامساً فانك قد ذكرت بان على الهلال الفوز بهدفين ليتأهل لكن ذلك غير صحيح فعند فوز الهلال بهدفين وارتيش بهدف سيتأهل ارتيش والاتحاد..

للتنويه..
مع جزيل الشكر على طرحك الراقي....
ملاحظه: سافرد موضوع لحظوظ الهلال في التأهل بالتفصيل
والله من وراء القصد.
"عدلت بعد ملاحظة الاخ هلال"
[عدلت بواسطة مجموعة هلال التاريخ:10-03-2001 الساعة: 01:30 AM]

عزيزي على ماظن ان الأنتقاد البناء الخالي من التجريح مطلوب يعني تبينا ننهزم ومستوانا بالطريقه هذي ونسكت فمع احترامي لالالا
ثاني شي احب اشد انتباهكم له ان فوز ارتش باي نتيجة سوف يأهله لأن عنده نقطتين وفوزه يخلي له خمس نقاط ولو فاز الهلال صار اربع نقاط فتكون الحسبه هنا مع نادي الاتحاد لأن له اربع نقاط ويصبح الحكم بيننا وبينه فارق الأهداف والباقي واضح على مأظن .
وسلامتكم

الاخ ((هلال بن اولمبي))
السلام عليكم
اولاً شكرا على تصحيحك للمعلومه.....
واحب ان اوضح لك بان الاخ ياسر او انا لم نكن نقصد الطرح البناء ولكن كما ذكر الاخ ياسر في ثانيا: ((........والتطاول على اللاعبين والإداريين والجهاز التدريبي!!! ))
وفي ثالثاً: ((......... محاسبة المدرب عادةا تصير بعد البطولة, اما حنا يالعرب, تصير بعد اول هزيمه!!!))
*وانا هنا لا اطالب بالسكوت ولكن الحكمه في اتخاذ القرارات..
وفي رابعاً: ((.....اللاعبين...........فالرجاء عدم تجريح اي شخص منهم...))
الكل يتمنى الطرح البناء ولكن ما نقلته من كلام الاخ ياسر "نصياً" لم يتطرق للنقد البناء بشي..
اتمنى ان يكون وضح القصد وشكراً لك مره اخرى...

بالنسبة لمحاسبة المدرب : اولا المدرب جديد وما يدري من هذا وهذا خلال شهر
بس الادارة تدري من هذا وهذا لذا يجب محاسبة الادارة0
اما الاعبين ما لهم حيلة
الملعب حفر والجو ممطر وهواء
المختصر المفيد نبي نفوز على بيروزي ونتأهل ولا بد من رئيس الهلال انه يحفز
الاعبين بمكأفات وغيره كما تعودنا منه0

السلام عليكم ورحمة الله وبركاته ,
يا اخ 15 الثنيان وبس ترا المدرب في هذا الشهر المفروض انه عرف لعيبة الهلال كلهم, عندك التمياط و الشلهوب ماخذين احسن لاعبين عربيين ليه ما لعبوا من اول مبارة ارتيش و الشلهوب ليه ما لعب اليوم , و عندك الثنيان حصل على جائزة احسن لاعب في مباراة ارتيش ليه ما لعب اليوم, حسين العلي نسيت انه يلعب مع الهلال الا يوم دخل . بس الي انا ما بعد فهمته احسن طهير ايمن في السعوديه (الدوخي) ليييييييه ما لعب الا في الشوط الثاني.
و السلام ختام.

شكرا اخوي مجموعة هلال على المشاركه الفعاله...

وانا مستني موضوعك عن حظوظ الهلال بالتأهل على احر من الجمر, واعتقد ان غيري من الهلاليين ودهم يعرفون الطريقه الي ممكن يتأهل فيها الهلال, ولو تلاحظ اخوي انا قلت, لازم يفوز الهلال بأكثر من هدفين, علشان ما ننظر لنتائج المباريات الثانيه..

وشكرا لك على شرحك لكلامي للإخوان..

اخوي هلال بن اولمبي..

يا اخي ما احد قال لا تنتقدون, انتقدوا وبشده بعد, والكل, ولكن التجريح بالاعبين والإداريين والجهاز الفني, ما يفيد الهلال, يعني هل ذنب الصويلح انه لعب في هذي المباراة, علشان يجيه هذا الكلام الجارح, ولا الجمعان, ولا التيماوي المباراة الأولى, والأدهى والأمر.. انه وصلت المسأله للمصيبيح... يا جماعه لها الدرجه هنا حب الهلال يعمينا, ما المصيبيح كان العامل المشترك في كل البطولات الي جابها الهلال السنه الماضيه, على طول قلبتوا عليه!!!.. ومن اول هزيمه خارجيه..

يا جماعه.. زي ما الهلال يفوز بلاعبينه كلهم, فهو ينهزم بلاعبينه كلهم.. والهزيمه يتحملها الجميع..

وشكرا

اخوي 15الثنيان وبس..

محاسبة المدرب تكون بعد البطوله...وتكون محاسبه, موب الغاء عقد, علشان تمتص غضب الجماهير...

يا ناس انا اتمنى مدرب يجلس مع الهلال سنتين بس...

وشكرا