وش فايدة حضور 50 ألف مشجع إذا كانوا من نظام فصفص وموية ومتابع بصمت

يا جمهورنا العزيز المؤازرة ليست بالحضور المؤازرة بالتفاعل

لكل اللي ما حضروا مباريات الهلال في الرياض باعطيكم فكرة مبسطة عن الوضع :

الجمهور حاضر قبل المغرب و كله تفاعل وتصفيق و تحس الجو أوربي

اللاعبين يدخلون عشان التسخين الكل متفاعل واللاعب ضحكته شاقه نص وجهه

تبدأ المباراة صمت عجيب تقل كأنه أحد ضغط على الريموت

تسمع من بعيد صوت رابطة يجيب الهم

اللاعب تجيه صدمة نفسية يبدأ يطالع في الجمهور يحسبهم طلعوا !

عاد في هاللحظة يطلع مشجع زي حالاتي ويبدأ يشجع بين ( جمهور العزاء )

تجيه نظرة وش مقعده بيننا واللي حوله يكلم خويه بصوت مسموع ( صجنا هالادمي ) وبعد خمس دقايق يحس هالمشجع المتحمس إن وضعه غلط ويسكت !!



وبعد كل هذا يجيك واحد في الانترنت متكي في بيتهم ويقول لماذا خسر الهلال ؟ خسر من جمهوره !

يا ناس يا عالم اللي جاي للملعب علشان يتأمل ويعيش حالة الانعزالية عنده خلف المرمى يعيش جوه ويفكنا من شره

كل اللي ابيه نبي نعيش جو جمهور جدة والشرقية

جمهور بلا رابطة يطرب أحسن من حفلات رابح !


ومتى تصيرون جمهور متفاعل وقتها طالبوا اللاعبين ببطولة !

معلق مباراة الاهلي والاتحاد اليوم قال : جمهور الغربية وووووو لانه جاي " يشجع " وتحتها مليون خط

مو تشجع شوي وتناااام وترجع اخر ١٠ دقايق تشتغل

" وهذا الشي يعتمد على الرابطة "

كلامك سليم أخي العزيز و في محله

و هذا ما نريده الآن في رابطتنا الجديدة Blue Wave Group

نريد كل مشجع هلالي متعصب و حماسي و متفاعل أن ينضم لنا

نحن نهتم بالتشجيع الاوروبي و الحماسي و لدينا العديد من الخطوات اللتي سنقوم بها بإذن الله لخدمة الهلال من خلال مدرجه العظيم و الكبير الذي يجب أن يستغل جيداً

نتمنى منكم مشاهدة البيان الصادر من مركزنا الإعلامي
الرابط
تم تأسيس رابطة Blue Wave الموضوع مهم جداً



Blue Wave Group
( حياة نعيشها )

انا اعتقد ان سبب هدوء وسكوت المدرج الهلالي الصامت هو ( الرابطة ) اهازيجهم قديمة جداً وكئيبة ومافيها حماس !!!




شوفوا لها حل ي ادارة الهلال ؟؟؟

54 بطوله اتت بتفاعل الاداره والجماهير واللاعبين

والهلال جماهيره لها المواقف التى تشهد بتفوقها في الملاعب السعوديه والخليجيه

من النادى الوحيد الذي يملك راعي رسمى ( عليه القيمه )غير الهلال؟

من اهم الاسباب الجماهير والجماهيريه

وترى بعض الانديه تؤجر شركات دعايه لعمل حركات ولوحات في المدرجات من اجل جلب رعاة لهم ولكن هيهات

لتعلم تاثير الجماهير الهلاليه التى من الظلم حجب دورها او التقليل منه
خاصه وان اكثر بطولات الهلال في الرياض وبين جماهير الرياض

إقتباس الرسالة الأصلية كتبت بواسطة العقد الهلالي 54 بطوله اتت بتفاعل الاداره والجماهير واللاعبين والهلال جماهيره لها المواقف التى تشهد بتفوقها في الملاعب السعوديه والخليجيه من النادى الوحيد الذي يملك راعي رسمى ( عليه القيمه )غير الهلال؟ من اهم الاسباب الجماهير والجماهيريه وترى بعض الانديه تؤجر شركات دعايه لعمل حركات ولوحات في المدرجات من اجل جلب رعاة لهم ولكن هيهات لتعلم تاثير الجماهير الهلاليه التى من الظلم حجب دورها او التقليل منه خاصه وان اكثر بطولات الهلال في الرياض وبين جماهير الرياض

يآخي شكراً .. قلت اللي كآن بقوله .

ههههههه والله انك صادق المشكلة جمهور الوسطى مو زي الغربية والشرقية والهلال مايلعب في الغربية إلا مع الاتحاد والأهلي والشرقية مايلعب إلا مع الإتفاق

أشكرك أخوي على الموضوع بصراحة المشكلة ليست في جمهور الرياض ولكن المشكلة في جمهور الهلال في الرياض والدليل أينما توجه الزعيم وجد الحفاوة والتشجيع في الاحساء في الغربية في القصيم في أي مكان حتى في قطر لاننسى مباراة الغرافة 4/2 الشهيرة البلا والعلة جمهور الرياض يغث القلب تعلموا من الجار وشوفوا كيف يحمسوا اللاعبين لا ومنظمين لا نريد تقليد نريد تشجيع من أول دقيقة لآخر دقيقة أكاد أجزم لو كانت مباراة الهلال والاتحاد الاخيرة في الرياض وكان متقدم الاتحاد كان سمعت صوت الصراصير في الملعب لكن أنا كنت حاضر وعلى العكس تشجيع وحماس حتى نهاية المباراة حتى أتى التعادل
ما أقووول غير الله يصبرني عليكم ياجمهور الرياض

اذا تبي حماس جمهور الهلال جميع المناطق ف السعوديه بس الرياض ما عندك احد حتا وانت جالس معاهم تبي ناس ابد فصفص ومويه الاعب اذا عنده جمهور حماسي رايح يتحرك حتا وهو مصاب وشكرا

استغرب يكون فيه مشجع هلالي يدافع عن جمهور الرياض

صراحة لو سووا استفتاء اسوء جمهور في العالم بياخذ المركز الاول جمهور الهلال في الرياض

واتحدى من اليوم حتى نهاية الموسم تجيبون مباراة للهلال في الرياض تفاعل الجمهور فيها زي مباراة الهلال في الغربية والشرقية ( مع العلم الهلال في الرياض له نصف أو ٧٥٪ من الملعب )