السلام عليكم ورحمة الله وبركاتة

حبيت اطرح موضوع جماهيرنا متى تتعلم وتدرس من الجماهير الثانية
من ناحية اللافتات , مثل دورتومند , برشلونة , ارسنال , مدريد

يعني جمهور يشجع اللاعب على انه يبدع ويتحمس
حتى جمهور النصر صار يرسم لوحات ويتفنن ويتشكل بكيفه

أتمنى من الحضور وانا واحد منهم اننا نلتزم برفع اللافتات
ونترك التصوير الى بعدين لان اكثرهم شايل جواله يبي يلتقط صورة حلوة للجمهور
وهو موب مشارك معهم , الصور بنحصلها على موقع الزعيم وأحلى الصور بعد
وياليت مااكون ثقلت عليكم وشكراً لكم ي أروووع جمهوووور


شــــــــــعارنا دائماً
( يدا بيد من أجل الزعيم )
اللهم وفق الهلال فوق كل ارض وتحت كل سماء

انا معي شهادة الكفائه ماتيزي
ههههههههههههههههههههههههههههه هع
اقول عبودي من خلال موضوعك اعتقد انك ماتحضر مباريات الهلال بالملعب وخاصه الي تقام في الرياض لأنك لو كنت تحضر
فأنت حتماً تعلم ان دخول الجمهور الهلالي بشالات تحمل شعارات او اسامي الاعبين ممنوعه من قبل الأمن قبل دخول المدرج حسب تعليمات تطبق ع الهلال فقط فقط فقط
ممكن تتسائل بعضهم يدخل بها انا ماراح اقول عنده واسطه لا حبيبي هذا ممكن يكون بعد ماينزل من السياره قبل التوجه للمدرج يربط الشال في خاصرته من الداخل بحكم ان من له حيله فليحتال
الغريب في الأمر ان الفرق الأُخرى غير الهلال جماهيرهم تدخل بلا تفتيش او تعقيد
عرفت ليش جمهور الفقر يرسم لوحات ويتفنن ويتشكل بكيفه ؟
لأنه مباح له مالم يباح للهلال على وجه التحديد
وصلت ياقلبي؟
والا أعيد اللي قلته بشرح ممل أكثر